Bakı Şəhəri Nəsimi Rayon Məhkəməsi Qərardad — İş №3(006)-3922/2021

Azərbaycan Respublikası adından QƏRARDAD Bakı şəhəri İş № 3(006)-3922/2021 17.12.2021 BAKI ŞƏHƏRİ NƏSİMİ RAYON MƏHKƏMƏSİ Mən, Bakı şəhəri Nəsimi Rayon Məhkəməsinin hakimi Pənahov Babək Əkbər oğlu, X5 barəsində Azərbaycan Respublikası İnzibati Xətalar Məcəlləsinin 528.1-ci maddəsi üzrə tərtib olunmuş 03.12.2021-ci il tarixli, MN ******* saylı inzibati xəta haqqında protokolu və ona əlavə edilmiş sənədləri məhkəmə iclasında baxılmağa hazırlayarkən M Ü Ə Y Y Ə N E T D İ M: Protokola görə Bakı Kommersiya Məhkəməsinin 28.10.2020-ci il tarixli, e-2-2(113)- 2147/2020 saylı icra vərəqəsinə əsasən "xxxx" X1 51.140,10 manat məbləğində borc və dövlət rüsumunun əvəzi olaraq 30 manat məbləğində pul vəsaiti tutularaq “X7” MMC-yə ödənilməlidir. Lakin borclu şəxsin rəhbərliyinə edilmiş xəbərdarlığa baxmayaraq bu borc ödənilməmişdir. Buna görə də X5 barəsində Azərbaycan Respublikası İnzibati Xətalar Məcəlləsinin 528.1-ci maddəsi üzrə inzibati xəta haqqında protokol tərtib edilmişdir. Materiallar tərəfimdən nəzərdən keçirilərkən müəyyən edildi ki, X3 "xxxx" X2 rəhbəri olmasını təsdiq edən hər-hansı bir sənəd məhkəməyə təqdim olunmamışdır. Eyni zamanda “AzeMis” Elektron Məhkəmə İnformasiya Sistemindən əldə olunmuş məlumata görə X5 hazırda “X4 və Emal Birliyi” MMC-də şöbə müdiri vəzifəsində çalışır. Azərbaycan Respublikası İnzibati Xətalar Məcəlləsinin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq Q Ə R A R A A L D İ M: X5 barəsində Azərbaycan Respublikası İnzibati Xətalar Məcəlləsinin 528.1-ci maddəsi üzrə tərtib olunmuş 03.12.2021-ci il tarixli, MN ******* saylı inzibati xəta haqqında protokol və ona əlavə edilmiş sənədlər geri qaytarılsın. Hakim Babək Pənahov