Bakı Şəhəri Nəsimi Rayon Məhkəməsi Qərar — İş №3(006)-3954/2022

Azərbaycan Respublikası adından QƏRAR Bakı şəhəri İş № 3(006)-3954/2022 04.11.2022 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Fərəcova Təranə Aydın qızının katibliyi ilə, Barəsində inzibati xəta haqqında icraat aparılan şəxs Şəxs iştirakı ilə, xx.xx.1990-cı il tarixdə anadan olmuş, Azərbaycan Respublikasının vətəndaşı (FİN: xxxxxxx), ünvan 1 ünvanında qeydiyyatda olan Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair xx.xx.2022-ci il tarixli, AP ******* saylı inzibati xəta haqqında protokol və ona əlavə edilmiş sənədlər məhkəməyə daxil olmuşdur. İnzibati xəta haqqında protokol və ona əlavə edilmiş materiallara əsasən, Şəxs idarə etdiyi “Toyota Prius” minik markalı, **-CP-*** dövlət qeydiyyat nişanlı avtomaşınla xx.xx.2022-ci il tarixdə Bakı şəhəri, Nəsimi rayonu, Rəşid Behbudov küçəsi ilə 28 May küçəsinin kəsişməsində hərəkətdə olan zaman ara məsafəsini düzgün saxlamadığından qarşısında hərəkətdə olan X3 idarə etdiyi “Opel Astra” minik markalı **-DS-*** dövlət qeydiyyat nişanlı avtomaşınla toqquşmuş, zərbənin təsirindən sonuncu avtomobil ondan öndə olan X1 idarə etdiyi “Toyota Prius” minik markalı **-DU-*** dövlət qeydiyyat nişanlı avtomaşınla toqquşmuş, hadisə zamanı X3 idarə etdiyi “Opel Astra” minik markalı **-DS- *** dövlət qeydiyyat nişanlı avtomobilin qabaq sağ oturacağında sərnişin qismində əyləşən Zərərçəkmiş şəxs yüngül bədən xəsarətinin yetirilməsinə səbəb olan yol-nəqliyyat hadisəsi törətmişdir. Bununla da, Şəxs Azərbaycan Respublikasının İXM-nin 327.8-ci maddəsi ilə nəzərdə tutulmuş inzibati xətanı törətmişdir. Məhkəmə iclasında barəsində inzibati xəta haqqında protokol tərtib edilmiş şəxs Şəxs bildirmişdir ki, xx.xx.2022-ci il tarixdə Bakı şəhəri, Nəsimi rayonu, Rəşid Behbudov küçəsi ilə 28 May küçəsinin kəsişməsində idarə etdiyi “Toyota Prius” minik markalı, **-CP- *** dövlət qeydiyyat nişanlı avtomaşınla hərəkətdə olan zaman ara məsafəsini düzgün saxlamadığından və fikirli olduğundan qarşısında hərəkətdə olan X3 idarə etdiyi “Opel Astra” minik markalı **-DS-*** dövlət qeydiyyat nişanlı avtomaşınla toqquşmuş, zərbənin təsirindən sonuncu avtomobil ondan öndə olan X1 idarə etdiyi “Toyota Prius” minik markalı **-DU-*** dövlət qeydiyyat nişanlı avtomaşınla toqquşmuşdur. hadisə zamanı X3 idarə etdiyi “Opel Astra” minik markalı **-DS-*** dövlət qeydiyyat nişanlı avtomobilin qabaq sağ oturacağında sərnişin qismində əyləşən Zərərçəkmiş şəxs yaxınlaşmış, sonuncu cavabında yaxşı olduğunu bildirmişdir. Daha sonra təcili tibbi yardım maşını gəlmiş, ilkin müayinə zamanı Zərərçəkmiş şəxs heç bir şeyi olmadığını bildirmişlər. Sonra kəllə-beyin travmasının olması ilə bağlı rəy gəlmişdir. Sığorta avtomobillərə dəymiş zərəri ödəmişdir. Göstərilənləri nəzərə alaraq inzibati iş üzrə icraata xitam verilməsini xahiş etmişdir. Məhkəmə iclasının vaxtı və yeri barədə inzibati xəta haqqında protokol tərtib etmiş Nəsimi RPİ-nin DYPŞ-yə və zərərçəkmiş şəxsə qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin inzibati xəta haqqında protokol tərtib etmiş orqanın nümayəndəsi və zərər çəkmiş şəxs məhkəmə iclasına gəlməmiş, gəlməmələrinin üzrlü səbəbləri barədə məhkəməyə məlumat verməmiş, eləcə də, onlardan işə baxılmasının təxirə salınması barədə vəsatət daxil olmamışdır. Məhkəmə işə onların iştirakları olmadan baxılmasını mümkün hesab edir. Məhkəmə inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulan əməli törətməsi tam sübuta yetirilir. Belə ki, iş materiallarında olan cinayət işinin başlanmasının rədd edilməsi haqqında xx.xx.2022-ci il tarixli qərardan görünür ki, aparılmış təhqiqat zamanı müəyyən edilmişdir ki, xx.xx.2022-ci il tarixdə Bakı şəhəri, Nəsimi rayonu, Rəşid Behbudov küçəsi ilə 28 May küçəsinin kəsişməsində “Toyota Prius” minik markalı, **-CP-*** dövlət qeydiyyat nişanlı avtomobil ilə “Opel Astra” minik markalı **-DS-*** dövlət qeydiyyat nişanlı avtomobil və “Toyota Prius” minik markalı **-DU-*** dövlət qeydiyyat nişanlı avtomobilin toqquşması nəticəsində “Opel Astra” minik markalı **-DS-*** dövlət qeydiyyat nişanlı avtomobildə sərnişin qismində əyləşmiş Zərərçəkmiş şəxs xəsarət almışdır. İş materiallarında olan Azərbaycan Respublikasının Səhiyyə Nazirliyi Məhkəmə-Tibbi Ekspertiza və X2 X4 xx.xx.2022-ci tarixli, 1176 №-li məhkəmə-tibbi ekspertizasının rəyindən görünür ki, Zərərçəkmiş şəxs bədənində aşkar olunmuş xəsarətlər – başın sol təpə-gicgah nahiyəsinin qapalı kəllə-beyin travması və baş beyin silkələnməsi ilə müşayiət olunan geniş həcmli hematoması bərk küt əşyanın təsirindən müayinədən 1-2 gün əvvəl, onun X5 müraciət etdiyi və qərarın təsviri hissəsində göstərilən müddətdə, yəni xx.xx.2022-ci il tarixdə əmələ gəlmişdir, dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aiddir. Beləliklə, məhkəmə iclasında müəyyən edilmişdir ki, Şəxs idarə etdiyi “Toyota Prius” minik markalı, **-CP-*** dövlət qeydiyyat nişanlı avtomaşınla xx.xx.2022-ci il tarixdə Bakı şəhəri, Nəsimi rayonu, Rəşid Behbudov küçəsi ilə 28 May küçəsinin kəsişməsində hərəkətdə olan zaman ara məsafəsini düzgün saxlamadığından qarşısında hərəkətdə olan X3 idarə etdiyi “Opel Astra” minik markalı **-DS-*** dövlət qeydiyyat nişanlı avtomaşınla toqquşmuş, zərbənin təsirindən sonuncu avtomobil ondan öndə olan X1 idarə etdiyi “Toyota Prius” minik markalı **-DU-*** dövlət qeydiyyat nişanlı avtomaşınla toqquşmuş, hadisə zamanı X3 idarə etdiyi “Opel Astra” minik markalı **-DS-*** dövlət qeydiyyat nişanlı avtomobilin qabaq sağ oturacağında sərnişin qismində əyləşən Zərərçəkmiş şəxs yüngül bədən xəsarəti almışdır. Bununla da Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətmişdir. Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Bu Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilmədi. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikasının İnzibati Xətalar Məcəlləsinin 327.8-ci maddəsinin sanksiyasında nəzrədə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsi ilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Solmaz Mustafayeva