Bakı Şəhəri Nəsimi Rayon Məhkəməsi Qərar — İş №3(006)-4136/2024

Azərbaycan Respublikası adından QƏRAR Bakı şəhəri İş № 3(006)-4136/2024 15.10.2024 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Fərəcova Təranə Aydın qızının katibliyi, Şəxs (bundan sonra Şəxs İKŞ) nümayəndəsi Nümayəndə iştirakı ilə, Şəxs İKŞ (hüquqi ünvanı: Bakı şəhəri, Nəsimi rayonu, S.Vurğun 36; VÖEN: **********) barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 518.1-ci maddəsi üzrə tərtib olunmuş xx.xx.2024-cü il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏN ETDİ: Şəxs İKŞ-nın barəsində Azərbaycan Respublikası İXM-nin 518.1-ci maddəsində nəzərdə tutulmuş inzibati xətanı törətməsi haqqında Azərbaycan Respublikası Fövqəladə Hallar Nazirliyi X2 Xidmətinin 2-ci ərazi X2 İdarəsində protokol tərtib edilmiş və protokola əlavə olunmuş sənədlərlə birlikdə baxılması üçün Bakı şəhəri Nəsimi Rayon Məhkəməsinə göndərilmişdir. İnzibati xəta haqqında protokoldan görünür ki, xx.xx.2024-cü il tarixdə Şəxs İKŞ-na məxsus Bakı şəhəri, Nəsimi rayonu, S.Vurğun 36 ünvanında yerləşən aptekdə keçirilmiş yanğın texniki müayinə zamanı aptekdə yanğın təhlükəsizliyi qaydalarının pozulduğu müəyyən edilmişdir. Məhkəmə iclasında Şəxs İKŞ nümayəndəsi Nümayəndə məhkəməyə ünvanlanmış ərizəsinə uyğun izahatı verərək göstərmişdir ki, Fövqəladə Hallar Nazirliyi X2 Xidməti 2-ci ərazi X2 İdarəsinin əməkdaşları xx.xx.2024-cü il tarixdə ”Planeta'” İKŞ-nin Bakı şəhəri, Nəsimi rayonu, S.Vurğun 36 ünvanda yerləşən “Pianeta aptek”ində keçirilmiş planlı yanğın-texniki müayinə yoxlaması zamanı iki çatışmazlıq aşkar edərək, müəssisə barəsində İXM-nin 518.1 maddəsi üzrə ******* saylı protokol tərtib etmişdir. Qeyd edir ki, X2 İdarəsinin əməkdaşlarının qeyd elikləri qüsurların aradan qaldırılması ilə bağlı qanunvericiliklə müəyyən edilmiş qaydada yazılı göstəriş və onun həll edilməsi üçün nəzərdə tutulmuş müddəti özündə əks etdirən sənədlər bizə təqdim edilməli olduğu halda, təqdim edilməmişdir. Nəsimi Rayon Məhkəməsinin 02 oktyabr 2024-cü il tarixdə ünvanlarına göndərdiyi bildirişdən sonra məlumatları olmuşdur ki, X2 İdarəsi “Pianeta aptek”ində aparılmış yoxlama ilə bağlı məhkəməyə müraciət etmişdir. Bundan dərhal sonra onlar Nəsimi Rayon Məhkəməsinə müraciət edərək iş materialları ilə tanış olmaq üçün təqdim edilmiş sənədlərin surətini onlara verilməsini xahiş etmişlər. Yoxlama sənədləri ilə tanış olduqdan sonra məlum olmuşdur ki, X2 İdarəsi əməkdaşlarının tərtib etdiyi xx.xx.2024-cü il tarixli, № 3905 saylı Qərarında yoxlama nəticəsində aşkar olunan 2 nöqsan 1. Obyektdə mövcud olan avtomatik yanğın xəbərverici siqnalizasiya sisteminin sazlığının yoxlanılmasına dair sənədlərin təqdim olunmasmaması və 2. Obyektin elektrik naqillərinin izolyasiyasının gərginliyə qarşı müqvimətinin yoxlanılmasına dair sənədlər təqdim olunmaması qeyd edilmişdir. Eyni zamanda həmin qərarda qeyd olunan nöqsanların aradan qaldırılması və görülməli tədbirlər haqqında göstəriş olsa da, həmin qüsurların aradan qaldırılması ilə bağlı qanunvericilikllə nəzərdə tutulmuş 1 ay müddət qeyd olunmamışdır. Şəxs İKŞ olaraq məhkəmənin təqdim etdiyi iş materialları ilə tanış olduqdan sonra X2 İdarəsi əməkdaşlarının Qərarda qeyd etdikləri nöqsanların aradan qaldırılması üçün tərəflərindən operativ şəkildə tədbirlər görülərək həmin nöqsanların aradan qaldırılmasını təmin edilmişdir. Belə ki, göstərilən qüsurların aradan qaldırılması məqsədilə, aidiyyəti üzrə lisenziya əsasında fəaliyyət göstərən "xxxx" MMC-yə müraciət etmişlər. Şirkət əməkdaşları operativ surətdə “Pianeta aptek”inə baxış keçirərək aşkar olunmuş nöqsanların aradan qaldırılması üçün tədbirlər görərək yanğın əleyhinə avtomatik xəbərvermə (siqnalizasiya) sisteminin texniki servis xidmətini həyata keçirib bununla bağlı onlara tələb olunan X1 Sisteminin Təhvil-Təslim Aktını təqdim etmişdir. X2 İdarəsinin aşakar etdiyi ikinci nöqsanın Elektrik naqillərinin izolyasiyasının gərginliyə qarşı müqavimətinin sazlığının yoxlanılması ilə bağlı isə onların özlərinin tövsiyə etdikləri "xxxx"MMC-yə müraciət edib xidməti ödənişlərini etmişlər. Şirkət əməkdaşları aptekə gələrək lazimi işlərini görərək elektrik naqillərinin izolizasiyasının müqavimətini yoxlanması üçün aidiyyəti üzrə lazımi laborator müayinəsini həyata keçirmişlər. Göstərilənləri nəzərə alaraq, X2 Xidməti 2-ci ərazi X2 İdarəsinin Şəxs İKŞ barəsində İXM-nin 518.1 maddəsi üzrə İnzibati Xəta haqqında tərtib etdiyi MN ******* saylı protokolun ləğv edilməsi və inzibati iş üzrə icraata xitam verilməsini xahiş etmişdir. Səlahiyyəti orqan məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasında səlahiyyətli nümayəndəsinin iştirakını təmin etməmiş, bunun səbəbləri barədə məhkəməyə məlumat verməmişdir. Buna görə də məhkəmə səlahiyyəti orqanın nümayəndəsinin iştirakı olmadan işə baxılmasını mümkün hesab etmişdir. İş materiallarında olan “Sahibkarlıq sahəsində aparılan yoxlamaların vahid məlumat reyestri”ndən olan xx.xx.2024-cü il tarixli, KY242150652 saylı çıxarışdan görünür ki, Şəxs İKŞ-na məxsus Bakı şəhəri, Nəsimi rayonu, S.Vurğun 36 ünvanında yerləşən aptekdə plan üzrə xx.xx.2024-xx.xx.2024-cü il tarixdə müayinənin aparılmasına icazə verilir; İş materiallarında olan xx.xx.2024-cü il tarixli “Yanğın-texniki müayinə Aktı”na əsasən Şəxs İKŞ-na məxsus Bakı şəhəri, Nəsimi rayonu, S.Vurğun 36 ünvanında yerləşən aptekdə müayinə zamanı aşağıdakı qanun pozuntuları aşkar olunmuşdur: avtomatik yanğın xəbərinin siqnalizasiya sisteminin sazlığı barədə sənəd təqdim edilməmiş, kabel və naqillərin izolyasiyaya qarşı müqavimətinin ölçülməsi barədə sənəd təqdim edilməmişdir. Məhkəmə iş materiallarını araşdırıb hesab edir ki, Şəxs İKŞ tərəfindən ona məxsus Bakı şəhəri, Nəsimi rayonu, S.Vurğun 36 ünvanında yerləşən aptekdə yanğın təhlükəsizliyi standartlarının, normalarının və qaydalarının tələbləri yerinə yetirilməmişdir. Bununla da Şəxs İKŞ Azərbaycan Respublikası İXM-nin 518.1-ci maddəsində nəzərdə tutulmuş əməli törətmişdir. Azərbaycan Respublikası İXM-nin 518.1-ci maddəsi mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə məsuliyyət nəzərdə tutur. “Yanğın təhlükəsizliyi haqqında” Azərbaycan Respublikası Qanununun 6-cı maddnin 2-ci hissəsinə görə yanğın təhlükəsizliyi sahəsində müəssisələrin yanğın təhlükəsizliyi tələblərinə riayət etmək, habelə Azərbaycan Respublikasının müvafiq icra hakimiyyəti orqanının və onun müvafiq qurumlarının, habelə onların vəzifəli şəxslərinin göstərişlərini, qərarlarını və digər qanuni tələblərini yerinə yetirmək; yanğın təhlükəsizliyinin təmin edilməsi tədbirlərini işləyib hazırlamaq və həyata keçirmək; yanğına qarşı təbliğat aparmaq, habelə öz işçilərinə yanğın təhlükəsizliyi tədbirlərini öyrətmək; yanğından müdafiə sistemlərini və vasitələrini, o cümlədən ilkin yanğınsöndürmə vasitələrini saz vəziyyətdə saxlamaq, onların başqa məqsədlərlə istifadə olunmasına yol verməmək; yanğından mühafizə bölmələrini bu Qanunla və digər qanunvericilik aktları ilə nəzərdə tutulmuş qaydada yaratmaq və saxlamaq; yanğınları söndürməkdə, onların törənməsi və yayılması səbəblərini və şəraitini müəyyənləşdirməkdə, habelə yanğın təhlükəsizliyi tələblərinin pozulmasında və yanğınların törənməsində təqsiri olan şəxslərin aşkar edilməsində yanğından mühafizə və yanğın nəzarəti qurumlarına köməklik göstərmək; müəssisələrin ərazisində yanğınların söndürülməsi zamanı yanğınsöndürmə üzrə əməliyyatların yerinə yetirilməsində iştirak edən yanğından mühafizə şəxsi heyətinə və yanğının söndürülməsinə cəlb olunmuş qüvvələrə müəyyənləşdirilmiş qaydada zəruri qüvvə və vəsaitlər, yanacaqsürtgü materialları, habelə ərzaq məhsulları və istirahət yerləri vermək; Azərbaycan Respublikasının müvafiq icra hakimiyyəti orqanının və onun bölmələrinin vəzifəli şəxsləri öz xidməti vəzifələrini yerinə yetirərkən onların ərazilərə, binalara, qurğulara və müəssisənin başqa obyektlərinə daxil olmasını təmin etmək; Azərbaycan Respublikasının müvafiq icra hakimiyyəti orqanının və onun bölmələrinin vəzifəli şəxslərinin tələbi ilə müəssisələrdə yanğın təhlükəsizliyi vəziyyəti barəsində, o cümlədən istehsal etdikləri məhsulun yanğın təhlükəsizliyi, habelə öz ərazilərində baş vermiş yanğınlar və onların nəticələri barəsində məlumatlar və sənədlər vermək; yanğınlar, mövcud yanğından müdafiə sistemlərinin və vasitələrinin nasazlığı, yolların və girişlərin vəziyyətindəki dəyişikliklər barədə Azərbaycan Respublikasının müvafiq icra hakimiyyəti orqanına və ya onun bölmələrinə ləngimədən məlumat vermək vəzifələrini yerinə yetirməlidirlər. Həmin Qanunun 36-cı maddəsinə əsasən bu Qanunun tələblərinin pozulması Azərbaycan Respublikasının Mülki, İnzibati Xətalar və Cinayət məcəllələrində nəzərdə tutulmuş hallarda məsuliyyətə səbəb olur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs İKŞ-nın məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs İKŞ-nın törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona Azərbaycan Respublikası İXM-nin 518.1-ci maddəsində nəzərdə tutulmuş cərimənin aşağı həddində tənbeh tətbiq olunmalıdır. Eyni zamanda məhkəmə onu da qeyd edir ki, Şəxs İKŞ-na inzibati cərimə şərti olaraq tətbiq edilməli, qurum tərəfindən 1 ay müddətində törədilmiş hüquqpozma aradan qaldırıldığı təqdirdə, hüquqi şəxs ona tətbiq edilmiş inzibati cərimədən azad edilməlidir. Azərbaycan Respublikası İXM-nin 25.7-ci maddəsinə əsasən bu Məcəllənin 116.1-ci maddəsi ilə müəyyən edilmiş hallarda inzibati cərimə şərti olaraq tətbiq edilir. Həmin Məcəllənin 116.1-ci maddəsinə görə eyni inzibati xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsi halları istisna olmaqla, bu Məcəllənin 192.6, 192.10, 192.11, 201, 203, 209, 279.0.1, 393-1.2, 393-1.4, 394.0.5, 394.0.7, 395, 518.1, 532, 533-1, 536, 537.2, 539, 540.3 – 540.5, 541 – 544, 551.2, 557.2 və 603-cü maddələrində nəzərdə tutulan inzibati xətanı törətmiş şəxs barəsində səlahiyyətli orqan (vəzifəli şəxs) inzibati cərimənin şərti olaraq tətbiq edilməsi haqqında qərar çıxarır. Bu Məcəllənin 116.2-ci maddəsinə əsasən inzibati cərimənin şərti olaraq tətbiq edilməsi haqqında qərarda şəxsin törətdiyi hüquqpozmanı aradan qaldırması üçün müddət nəzərdə tutulur. Bu müddət bir ayadək, yaxud hüquqpozmanın aradan qaldırılmasının mürəkkəbliyi və bunun üçün əlavə vaxtın tələb olunması nəzərə alınaraq bir aydan iki ayadək müəyyən olunur. Qeyd olunan Məcəllənin 116.3-cü maddəsinə görə bu Məcəllənin 116.2-ci maddəsində nəzərdə tutulan müddətdə hüquqpozma aradan qaldırılarsa, inzibati cərimə ödənilmir. Əks təqdirdə, inzibati cərimənin şərti olaraq tətbiq edilməsi haqqında qərarda nəzərdə tutulan cərimə ödənilməlidir. Cərimənin ödənilməsi şəxsi törətdiyi hüquqpozmanın aradan qaldırılması öhdəliyindən azad etmir. Yuxarıda göstərilənlərə əsasən və Azərbaycan Respublikası İXM-nin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İXM-nin 518.1-ci maddəsində nəzərdə tutulmuş əməli törətməkdə təqsirli bilinərək 350 (üç yüz əlli) manat məbləğində inzibati cərimə edilsin. Şəxsnə bu cərimə şərti olaraq tətbiq edilsin və qurum tərəfindən 1 ay müddətində törədilmiş hüquqpozma aradan qaldırıldığı təqdirdə Şəxs bu qərarla tətbiq edilmiş inzibati cərimədən azad edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Solmaz Mustafayeva