Bakı Şəhəri Nəsimi Rayon Məhkəməsi Qərardad — İş №3(006)-4470/2025

Azərbaycan Respublikası adından QƏRARDAD Bakı şəhəri İş № 3(006)-4470/2025 25.07.2025 BAKI ŞƏHƏRİ NƏSİMİ RAYON MƏHKƏMƏSİ Mən, Bakı şəhəri Nəsimi Rayon Məhkəməsinin hakimi Hüseynov Elməddin Mirpaşa oğlu, X1 Baş Dövlət Yol Polisi İdarəsinin xx.xx.2025-ci il tarixli, EQ 28574871 saylı inzibati tənbeh vermə haqqında qərarından verdiyi şikayəti və bu qərardan şikayət verilməsi üçün ötürülmüş müddətin bərpasına dair vəsatətin məhkəmə iclasında baxılmağa hazırlayarkən M Ü Ə Y Y Ə N E T D İ M: X3 Baş Dövlət Yol Polisi İdarəsi tərəfindən qəbul edilmiş xx.xx.2025-ci il tarixli, EQ 28574871 saylı inzibati tənbeh vermə haqqında qərarın ləğv edilməsi barədə şikayətlə Bakı şəhəri Nəsimi Rayon Məhkəməsinə müraciət etmişdir. Şikayəti və ona əlavə edilmiş sənədləri nəzərdən keçirərək müəyyən etdim ki, X3 Baş Dövlət Yol Polisi İdarəsinin xx.xx.2025-ci il tarixli, EQ 28574871 saylı inzibati tənbeh vermə haqqında qərarından şikayətlə müraciət edərək onun ləğv olunmasını xahiş etmiş, eyni zamanda həmin qərardan şikayət edilməsi üçün ötürülmüş müddətin bərpasına dair vəsatətlə müraciət edərək müraciətlərinə gec cavab verildiyinə görə qərardan qanunvericiliklə nəzərdə tutulmuş müddətdə şikayət verə bilmədiyini göstərmişdir. Azərbaycan Respublikası İnzibati Xətalar Məcəlləsinin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 126.1-cı maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər. Qeyd olunan Məcəllənin 57.1-ci maddəsinə görə inzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. X3 vəsatətində qərarın ona gec təqdim edildiyini göstərsə də, mübahisələndirilən qərarla bağlı müvafiq quruma nə vaxt müraciət etməsi və ona qərarın nə vaxt təqdim edilməsinə dair sübutu təqdim etməmişdir. Belə olan halda hesab edirəm ki, Baş Dövlət Yol Polisi İdarəsinin xx.xx.2025-ci il tarixli, EQ 28574871 saylı inzibati tənbeh vermə haqqında qərarından şikayət edilməsi üçün ötürülmüş müddətin bərpasına dair vəsatət rədd olunaraq şikayət ona əlavə edilmiş sənədlərlə birlikdə geri qaytarılmalıdır. İnzibati Xətalar Məcəllənin 130.2 və 130.3-cü maddələrinə görə bu Məcəllənin 130.1ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Buraxılmış müddətin bərpası qeyri-mümkün hesab edildikdə, bu halda vəsatəti rədd etmə haqqında qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 130-ci maddəsini rəhbər tutaraq Q Ə R A R A A L D İ M: X1 Baş Dövlət Yol Polisi İdarəsinin xx.xx.2025-ci il tarixli, EQ 28574871 saylı inzibati tənbeh vermə haqqında qərarından şikayət verilməsi üçün müddətin bərpasına dair vəsatəti rədd edilsin, şikayət ona əlavə edilmiş sənədlərlə birlikdə geri qaytarılsın. Qərardaddan şikayət verilə bilməz. Hakim: Elməddin Hüseynov İş № 3(006)-3746/2025 PROTOKOL 20 iyun 2025-ci il Bakı şəhəri Bakı şəhəri Nəsimi Rayon Məhkəməsinin binasında X1 Baş Dövlət Yol Polisi İdarəsinin xx.xx.2025-ci il tarixli, EQ 28574871 saylı inzibati tənbeh vermə haqqında qərarından verdiyi şikayəti və bu qərardan şikayət verilməsi üçün ötürülmüş müddətin bərpasına dair vəsatətin ona əlavə edilmiş sənədlərlə birlikdə geri qaytarılması barədə qərardad qəbul etdim. Prosessual hərəkət saat 17:10-da başlandı. Prosessual hərəkət saat 17:15-də başa çatdı. Protokol 20 iyun 2025-ci il tarixdə tərtib olundu. Hakim Elməddin Hüseynov BAKİ ŞƏHƏRİ NƏSİMİ RAYON MƏHKƏMƏSİ _______________________________________________________________________ ___ AZ 1102, Bakı şəhəri Tel.: (+99412) 431-26-53 A.Məhərrəmov küçəsi, 15 Faks: (+99412) 431-26-53 https://courts.gov.az/az/nasimi Elektron ünvan 14 fevral 2023-cü il № 3(006)-1015/2023 X2 (Bakı şəhəri, Xətai rayonu, Pivzavod küçəsi, ev 5/2s) Bakı şəhəri Nəsimi Rayon Məhkəməsinin 14 fevral 2023-cü il tarixli, 3(006)- 1015/2023 saylı qərardadının surəti və ona əlavə edilmiş sənədlər sizə göndərilir. Qoşma: 01 vərəq, 1 nüsxə Hakim Babək Pənahov