Bakı Şəhəri Nəsimi Rayon Məhkəməsi Qərar — İş №3(006)-4932/2023

Azərbaycan Respublikası adından QƏRAR Bakı şəhəri İş № 3(006)-4932/2023 07.11.2023 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclasının katibi Fərəcova Təranə Aydın qızının katibliyi, Barəsində inzibati xəta haqqında iş üzrə icraat aparılan Şəxs ASC-nin (ləğv prosesindədir) nümayəndəsi X1 iştirakı ilə, Şəxs ASC (ləğv prosesindədir) (hüquqi ünvanı: ünvan 1ikası İnzibati Xətalar Məcəlləsinin 347-ci maddəsi üzrə tərtib olunmuş xx.xx.2023-cü il tarixli, İXP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏNETDİ: Bakı şəhəri Yasamal Rayon Polis İdarəsindən daxil olmuş xx.xx.2023-cü il tarixli, İXP ******* saylı inzibati xəta haqqında protokola görə ləğv prosesində olan Şəxs ASCnin mülkiyyətində olan «HOWO ZZ» yük markalı, **-JV-*** dövlət qeydiyyat nişanlı avtomobillə xx.xx.2023-cü il tarixdə saat 02:18-də inzibati xətanı törətmiş fiziki şəxs barəsində olan sorğuya qanunvericiliklə müəyən edilmiş 5 gün müddətində məlumat verməmişdir. Məhkəmə iclasında barəsində inzibati xəta haqqında iş üzrə icraat aparılan Şəxs ASC-nin nümayəndəsi X3 izahatında bildirdi ki, İXP ******* saylı, xx.xx.2023-cü il tarixli inzibati xəta haqqında protokol qanuni deyildir, çünki Şəxs ASC mütəmadi olaraq tələb olunan məsələlər barədə məlumat verirlər. Cəmiyyətin yalnız bir avtomobili var və onun barəsində də hər dəfə zəruri məlumatlar və sənədlər, hətta mülkiyyətə vermə aktını da təqdim etmişdir. Məhkəməyə təqdim olunan çatdırılma qaimələri də bunu sübut edir. Bütün bunlar onu göstərir ki, Şəxs ASC İnzibati Xətalar Məcəlləsinin 347-ci maddəsinin tələblərini pozmamışdır. Göstərilənləri nəzərə alaraq iş üzrə icraata xitam verilməsini xahiş etmişdir. Məhkəmə iclasının vaxtı və yeri barədə məlumatlandırılması üzrə görülmüş tədbirlərə baxmayaraq inzibati xəta haqqında protokolu tərtib etmiş qurumun nümayəndəsi məhkəməyə gəlməmiş, bunun səbəbləri barədə məhkəməyə məlumat verilməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarında olan Bakı şəhəri Yasamal Rayon Polis İdarəsinin Dövlət Yol Polis Şöbəsinin məktubu və müvafiq poçt qəbzindən aydın olur ki, ləğv prosesində olan Şəxs ASC-yə məxsus «HOWO ZZ» yük markalı, **-JV-*** dövlət qeydiyyat nişanlı avtomobil ilə xx.xx.2023-cü il tarixdə saat 02:18-də İnzibati Xətalar Məcəlləsinin 328.2ci maddəsində nəzərdə tutulmuş xətanı törədən şəxs barəsində şöbəyə 5 gün ərzində məlumat verilməsi xahiş olunmuş və bu sorğu xx.xx.2023-cü il tarixdə həmin cəmiyyətə çatdırılmışdır. İş materiallarında olan xx.xx.2023-cü il tarixli Mülkiyyətə Vermə Aktından görünür ki, lizinq obyekti olan “HOWO ZZ” yük markalı, **-JV-*** dövlət qeydiyyat nişanlı nəqliyyat vasitəsi lizinq verən Şəxs ASC və lizinq alan X4 arasında bağlanmış 06 sentyabr 2012-ci il tarixli, 11.LN.2005.060912.00001 saylı X7 müqaviləsi əsasında lizinq alanın, yəni X2 mülkiyyətinə kemişdir. İş materiallarında olan xx.xx.2023-cü il tarixli, 375064 nömrəli mədaxil qəbzindən görünür ki, Şəxs ASC zəruri sənədləri Bakı Şəhər Yasamal RPİ DYPŞ-yə göndərilmişdir. Beləliklə aydın olur ki, ləğv prosesində olan Şəxs ASC-nin mülkiyyətində olan «HOWO ZZ» yük markalı, **-JV-*** dövlət qeydiyyat nişanlı avtomobillə xx.xx.2023-cü il tarixdə saat 02:18-də inzibati xətanı törətmiş fiziki şəxs barəsində məlumat qanunla müəyyən edilmiş vaxtda Bakı şəhəri Yasamal Rayon Polis İdarəsinin Dövlət Yol Polis Şöbəsinə təqdim edilmişdir. Belə olan halda isə iş üzrə inzibati xəta hadisəsi mövcud deyil. Azərbaycan Respublikası İXM-nin 347-ci maddəsi hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə məsuliyyət müəyyən edir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Bu Məcəllənin 53.1.1-ci maddəsinin tələbinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İXM-nin 40, 43, 48- 50, 114-115 və 128-130-cu maddələrini rəhbər tutaraq, məhkəmə QƏRARAALDİ: Şəxs ASC (ləğv prosesindədir) barəsində Azərbaycan Respublikası İXM-nin 347ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Solmaz Mustafayeva