Bakı Şəhəri Nəsimi Rayon Məhkəməsi Qərar — İş №3(006)-50/2022

Azərbaycan Respublikası adından QƏRAR Bakı şəhəri İş № 3(006)-50/2022 06.01.2022 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər qızının sədrliyi, Lətifov Vəli Abdurəşid qızının katibliyi, barəsində inzibati xəta haqqında iş üzrə icraat aparılan hüquqi şəxs "xxxx" MMC-nin nümayəndəsi X1 iştirakı ilə, "xxxx" MMC-nin Azərbaycan Respublikasının İnzibati Xətalar Məcəlləsinin 347-ci maddəsi ilə nəzərdə tutulmuş inzibati xətanı törətməsinə dair inzibati xəta haqqında protokola və ona əlavə olunmuş materiallara baxaraq, məhkəmə MÜƏYYƏN ETDİ: "xxxx" MMC-nin Azərbaycan Respublikasının İnzibati Xətalar Məcəlləsinin 347-ci maddəsində nəzərdə tutulmuş inzibati xəta törətməsinə dair Nəsimi RPİ-nin DYPŞ tərəfindən 04 avqust 2021-ci il tarixli, AP ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. İnzibati xəta haqqında protokola əsasən "xxxx" MMC “HYUNDAİ H1” minik markalı, **-PN-*** dövlət qeydiyyat nişanlı nəqliyyat vasitəsini 17 may 2021-ci il tarixdə, saat 12:30da inzibati xətanın törədilməsi zamanı idarə etmiş fiziki şəxs barəsində məlumatı səlahiyyətli orqanın bu barədə sorğusu daxil olduğu vaxtdan 5 gün müddətində verməmiş, bununla da, Azərbaycan Respublikasının İXM-nin 347-ci maddəsində nəzərdə tutulmuş inzibati xətanı törətmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan hüquqi şəxs "xxxx" MMC-nin nümayəndəsi İ.N.Səlimov bildirmişdir ki, Nəsimi RPİ tərəfindən hüquqi şəxsə daxil olmuş sorğuya MMC tərəfindən qanunla müəyyən edilmiş vaxtda cavab verilmişdir. Həmin halı təsdiq edən sənədləri məhkəməyə təqdim edir. Göstərilən halları nəzərə alaraq inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasının vaxtı və yeri barədə inzibati xəta haqqında protokol tərtib etmiş Nəsimi RPİ-nə qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin Nəsimi RPİ-nin nümayəndəsi məhkəmə iclasına gəlməmiş və ondan işə baxılmasının təxirə salınması barədə vəsatət daxil olmamışdır. Məhkəmə işə inzibati xəta haqqında protokol tərtib etmiş orqanın nümayəndəsinin iştirakı olmadan baxılmasını mümkün hesab edir. Məhkəmə inzibati xəta haqqında protokolu araşdırıb, toplanmış sübutlara məcmu halda hüquqi qiymət verərək hesab edir ki, "xxxx" MMC-nin Azərbaycan Respublikasının İnzibati Xətalar Məcəlləsinin 347-ci maddəsində nəzərdə tutulan əməli törətməsi sübuta yetirilmir. Ona görə də, "xxxx" MMC-nin barəsində Azərbaycan Respublikasının İnzibati Xətalar Məcəlləsinin 347-ci maddəsi ilə olan inzibati xəta haqqında iş üzrə icraata xitam verilməlidir. Belə ki, iş materiallarında olan Daxili İşlər Nazirliyi Bəakı Şəhəri NRPİ-nin "xxxx" MMC-yə ünvanladığı 27 may 2021-ci il tarixli sorğudan görünür ki, “HYUNDAİ H1” minik markalı, **-PN-*** dövlət qeydiyyat nişanlı nəqliyyat vasitəsini 17 may 2021-ci il tarixdə, saat 12:30-da inzibati xətanın törədilməsi zamanı idarə etmiş fiziki şəxs barəsində məlumat verilməsi xahiş edilmiş, eyni zamanda həmin məlumatların 5 iş günü müddətində verilməməsinə görə hüquqi şəxs (vəzifəli şəxs) barəsində Azərbaycan Respublikasının İnzibati Xətalar Məcəlləsinin 347-ci maddəsi ilə tədbir görüləcəyi barədə xəbərdarlıq edilmişdir. İş materiallarında olan poçt göndərişinin verilməsi haqqında xəbərnamədən görünür ki, həmin sorğu 27 may 2021-ci il tarixdə "xxxx" MMC-nin məsul şəxsi tərəfindən qəbul edilmişdir. İş materiallarına əlavə edilmiş "xxxx" MMC tərəfindən Nəsimi RPİ-nin DYPŞ-yə ünvanlanmış 12 yanvar 2021-ci il tarixli elekton poçt məktubun surətindən görünür ki, "xxxx" MMC-nin balansında olan “HYUNDAİ H1” minik markalı, **-PN-*** dövlət qeydiyyat nişanlı nəqliyyat vasitəsini idarə edən X3 deyil, MMC-də sürücü vəzifəsində çalışan X2r. Həmin şəxsin şəxsiyyətini təsdiq edən sənədi, sürücülük vəsiqəsini və digər sənədləri məktubla əlavədə Nəsimi RPİ-yə təqdim etmişlər. İş materiallarına əlavə edilmiş 08 iyun 2021-ci il tarixdən olan əmrdən çıxarışdan görünür ki, 06 aprel 2020-ci il tarixli, 120 saylı əmrə əsasən X4 Şəxs MMC-də sürücü vəzifəsinə qəbul olunmuş və 08 iyun 2021-ci il tarixində 154 saylı əmrə əsasən işdən azad olunmuşdur. İş materiallarına əlavə edilmiş "xxxx" MMC tərəfindən Nəsimi Rayon Məhkəməsinə ünvanlanmış məktubdan görünür ki, inzibati xəta haqqında protokola əsasən Şəxs MMC “HYUNDAİ H1” minik markalı, **-PN-*** dövlət qeydiyyat nişanlı nəqliyyat vasitəsini 17 may 2021-ci il tarixdə, saat 12:30-da inzibati xətanın törədilməsi zamanı idarə etmiş fiziki şəxs barədə məlumatın verilməməsinə görə 347-ci maddəsi ilə nəzərdə tutulmuş inzibati xəta qeydə alınmışdır. Həmin dövrdə həmin maşını sürücü X4 idarə etmişdir və sürücü haqqında məlumat 12 yanvar 2021-ci il tarixdə verilmişdir. E.S.Mərdanov 08 iyun 2021-ci il tarixə qədər həmin maşını idarə etmişdir. Sürücü haqqında məlumat ildə bir dəfə verilir. Məhkəmə iclasında isə müəyyən edilmişdir ki, "xxxx" MMC tərəfindən ildə bir dəfə balansında olan nəqliyyat vasitələrinin sürücüləri barədə Nəsimi RPİ-yə məlumat verilir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 53.0.1-ci maddəsinə əsasən inzibati xəta hadisəsi olmadıqda, 53.0.2-ci maddəsinə əsasən isə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən, bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə, məhkəmə hesab edir ki, hazırkı iş üzrə barəsində protokol tərtib edilmiş şəxsə münasibətdə təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) mövcud deyildir, onun əməlində inzibati məsuliyyətə səbəb ola biləcək inzibati xəta tərkibinin bütün əlamətləri mövcud deyildir. Ona görə də, "xxxx" MMC barəsində Azərbaycan Respublikasının İnzibati Xətalar Məcəlləsinin 347-ci maddəsi ilə başlanılmış inzibati iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130 və 347-ci maddələrini rəhbər tutaraq, məhkəmə QƏRARA ALDİ: "xxxx" MMC barəsində Azərbaycan Respublikasının İnzibati Xətalar Məcəlləsinin 347-ci maddəsi ilə başlanılmış inzibati iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı Apelyasiya Məhkəməsinə şikayət verilə bilər. Sədrlik edən: Azər Tağıyev