Bakı Şəhəri Nəsimi Rayon Məhkəməsi Qərar — İş №3(006)-529/2023

Azərbaycan Respublikası adından QƏRAR Bakı şəhəri İş № 3(006)-529/2023 07.02.2023 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Lətifov Vəli Abdurəşid oğlunun katibliyi, Azərbaycan Respublikasının Səhiyyə Nazirliyinin X2, barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi və vəkili “As Leqal” Vəkil Bürosunun vəkili Nümayəndə iştirakı ilə, Şəxs MMC-nin Azərbaycan Respublikasının İnzibati Xətalar Məcəlləsinin 215.4-cü maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, məhkəmə MÜƏYYƏN ETDİ: Şəxs MMC-nin Azərbaycan Respublikasının İnzibati Xətalar Məcəlləsinin 215.4-cü maddəsi ilə nəzərdə tutulmuş inzibati xətanı törətməsinə dair Azərbaycan Respublikasının Səhiyyə Nazirliyi Analitik Ekspertiza X5 şöbəsinin baş mütəxəssisi X4 tərəfindən tərtib edilmiş 06 yanvar 2023-cü il tarixli, MN ******* saylı inzibati xəta haqqında protokol və ona əlavə edilmiş sənədlər Nəsimi Rayon Məhkəməsinə daxil olmuşdur. İnzibati xəta haqqında protokoldan görünür ki, 06 yanvar 2023-cü il tarixdə, saat 13:20-də Bakı şəhəri, Nəsimi rayonu, Azadlıq prospekti 108 ünvanında yerləşən Şəxs MMC-yə məxsus klinakada plandankənar yoxlama zamanı sertfikatsız praktik tibb fəaliyyəti aşkar edilmişdir. Bununla da, Şəxs MMC Azərbaycan Respublikasının İnzibati Xətalar Məcəlləsinin 215.4-cü maddəsi ilə nəzərdə tutulmuş inzibati xətanı törətmişdir. Məhkəmə iclasında iştirak edən Azərbaycan Respublikasının Səhiyyə Nazirliyinin İ.M.Hacıyev inzibati xəta haqqında protokolu müdafiə edərək Şəxs MMC-nin barəsində müvafiq inzibati tənbeh tədbirinin tətbiq edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi və vəkili Nümayəndə izahatında bildirmişdi ki, inzibati xəta törədilməsinə səbəb direktorun səhlənkarlığıdır və sonuncu sertfikat almadan müqavilə bağlamışdır. Bu hadisədə Şəxs MMC-nin heç bir təqsiri yoxdur. Göstərilənləri nəzərə alaraq Şəxs MMC-nin barəsində aparılan inzibati xəta haqqında iş üzrə icraata xitam verilməsini məhkəmədən xahiş etmişdir Məhkəmə proses iştirakçısının izahatını dinləyib, iş materiallarını araşdırıb, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 215.4-cü maddəsində nəzərdə tutulan əməli törətməsi tam sübuta yetirilir. Belə ki, iş materiallarında olan 06 yanvar 2023-cü il tarixli, 2 saylı plandankənar (növbədənkənar) yoxlama aktından görünür ki, yoxlamanın birinci sualı (lisenziyanın şərtlərinə riayət olunurmu?) üzrə qeyd edilmişdir ki, görülən işlər üzrə tibbi qeydiyyat sənədləri Azərbaycan Respublikasının Səhiyyə Nazirliyi xx.xx.2016-cı il 100 nömrəli ƏMRi ilə təstiq edilmiş formaları üzrə təşkil edilsə də, qeydlər natamamdır. Ümümi cəhrahı işi üzrə ambulator tibbiidmətin göstərilməsi üçün sarğı otağının sanitar gigiyenin vəziyyəti qənaətbaxış deyildir. Belə ki otağın sahəsi normativ tələblərdən azdır. Bautenisial lampa və ilkin tibbi yardım, anafilastik şok əleyhinə dərman vasitələri yoxdur, otaqda əlavə əşyalar mövcuddur. Mexaniki ventilyasıya qənaətbaxış deyil. Ambulaton cərrahiyyə işi üzrə müdaxilələrin qeydiyyatı aparılmır. Sterilizasiya sahəsində ölçülən normativ tələbdən azdır, texnoloji axın ardıcılığına riayət olunmur, qeydiyyat işləri aparılmır. Müəssisədəki mexaniki ventilyasıya sisteminin sxemi yoxdur və cari xidmət haqda sənədlər baxış üçün təqdim olunmadı. İşçi eyətin dövrü tibbi müayinədən keçməsi haqda sənədləri yoxdur. Patamorfoloji müayinə üzrə digər müəssisələrə göndərişlərə dair müqavilə sənədləri yoxdur. İkimərtəbəli müəssisədə sərnişin lifti və pandus sistemi quraşdırılmayıb. Yoxlamanın ikinci sualı (özəl tibb fəaliyyəti subyekti tabeliyində çalışan tibb mütəxəssis(lər)ini sertfikasiyaya cəlb edirmi?) üzrə qeyd edilmişdir ki,sertifikatsız tibb fəaliyyəti aşkar edildi. Həkim-ginekoloq X1r. Yoxlamanın 3-cü sualı (lisenziya göstərilən işlərdən və xidmətlərdən kənar tibb fəaliyyəti həyata keçirilirmi?) üzrə nöqsan aşkar edilmədi. İş materiallarında olan 06 yanvar 2023-cü il tarixli, KY231882132 saylı sahibkarlıq sahəsində aparılan yoxlamaların vahid məlumat reyestrindən çıxarışdan görünür ki, Şəxs MMC-də yoxlama müddəti (başlama, sona çatma tarixi) xx.xx.2023-xx.xx.2023-cü il tarixədək müəyyən edilmişdir. Beləliklə, iş materialları məhkəmə iclasında araşdırılarkən müəyyən edilmişdir ki, 06 yanvar 2023-cü il tarixdə, saat 13:20-də Bakı şəhəri, Nəsimi rayonu, Azadlıq prospekti 108 ünvanında yerləşən Şəxs MMC-yə məxsus klinakada plandankənar yoxlama zamanı sertfikatsız praktik tibb fəaliyyəti aşkar edilmişdir. Bununla da, Şəxs MMC Azərbaycan Respublikasının İnzibati Xətalar Məcəlləsinin 215.4-cü maddəsi ilə nəzərdə tutulmuş inzibati xətanı törətmişdir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 215.4-cü maddəsinə əsasən, qanunvericiliyə uyğun olaraq sertifikasiyadan keçməyən şəxslərin (işçilərin) praktik tibb və əczaçılıq fəaliyyətinə buraxılmasına görə - vəzifəli şəxslər səkkiz yüz manatdan min manatadək məbləğdə, hüquqi şəxslər altı min manatdan səkkiz min manatadək məbləğdə cərimə edilir. Məhkəmə inzibati tənbeh tədbiri tətbiq edilərkən Şəxs MMC-nin əməlində Azərbaycan Respublikasının İnzibati Xətalar Məcəlləsinin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə törədilmiş inzibati xətanın hallarını nəzərə alaraq hesab edir ki, Şəxs MMC Azərbaycan Respublikasının İnzibati Xətalar Məcəlləsinin 215.4-cü maddəsi ilə təqsirli bilinərək onun barəsində həmin maddənin sanksiyasında nəzərdə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İXM-nin 40, 43, 48- 51, 114-117, 128-130 və 215.4-cü maddələrini rəhbər tutaraq, məhkəmə QƏRARA ALDİ: Şəxs MMC (VÖEN: **********) Azərbaycan Respublikasının İnzibati Xətalar Məcəlləsinin 215.4-cü maddəsində nəzərdə tutulmuş inzibati xətanı törətməkdə təqsirli bilinərək 6.000 (altı min) manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 (on) gün müddətində Bakı Apelyasiya Məhkəməsinə şikayət verilə bilər. Hakim: Azər Tağıyev