Bakı Şəhəri Nəsimi Rayon Məhkəməsi Qərar — İş №3(006)-5442/2023

Azərbaycan Respublikası adından QƏRAR Bakı şəhəri İş № 3(006)-5442/2023 20.12.2023 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mehdiyev Nihal Elbəyi oğlunun katibliyi, barəsində inzibati qaydada icraat aparılan Şəxsnin Azərbaycan Respublikasındakı Nümayəndəliyinin nümayəndəsi X1 iştirakı ilə, Şəxsnin Azərbaycan Respublikasındakı Nümayəndəliyinin barəsində Bakı şəhəri Xətai rayon Polis İdarəsindən daxil olmuş materiala baxaraq, məhkəmə müəyyən etdi: Bakı şəhəri Xətai rayon Polis İdarəsi Dövlət X6 inspektoru X3 tərəfindən Şəxsnin Azərbaycan Respublikasındakı Nümayəndəliyi barəsində Azərbaycan Respublikası İnzibati Xətalar Məcəlləsinin 347-ci maddəsi ilə 13 noyabr 2023-cü il tarixli, İXP seriyalı, ******* saylı inzibati xəta haqqında protokol tərtib edilmişdir ona görə ki, Şəxsnin Azərbaycan Respublikasındakı Nümayəndəliyi ona məxsus olan «HOWO YÜK» markalı, **-JC-*** dövlət qeydiyyat nişanlı nəqliyyat vasitəsini idarə etmiş fiziki şəxs barəsində məlumatı sorğu daxil olduğu gündən 5 gün ərzində səlahiyyətli orqana təqdim etməmişdir. Məhkəmə iclasında barəsində inzibati qaydada icraat aparılan Şəxsnin Azərbaycan Respublikasındakı Nümayəndəliyinin etibarnamə üzrə nümayəndəsi X2 verdiyi izahatında göstərmişdir ki, Bakı şəhəri Xətai rayon Polis İdarəsinin 13 noyabr 2023-cü il tarixli, İXP seriyalı, ******* saylı protokolu ilə Şəxsnin Azərbaycan Respublikasındakı Nümayəndəliyinin balansında olan «HOWO YÜK» markalı, **-JC-*** dövlət qeydiyyat nişanlı nəqliyyat vasitəsini idarə etmiş fiziki şəxs barədə rəsmi məlumat verilməsi, əks halda Azərbaycan Respublikası İXM-nin 347-ci maddəsinə əsasən Şəxsnin Azərbaycan Respublikasındakı Nümayəndəliyinina məxsus olan yol hərəkəti qaydalarını pozmuş nəqliyyat vasitəsinə görə üç yüz manat məbləğində cərimə olunacağı barədə xəbərdarlıq məktubu Şəxsnin Azərbaycan Respublikasındakı Nümayəndəliyi tərəfindən qəbul edilmişdir. Daxil olan sorğuya cavab məktubu 6351 saylı daxili məktub nömrəsi ilə “Azari express” kuryer xidmətinin 696668 saylı qəbzi ilə xx.xx.2023-cü il tarixdə Xətai DYPŞ-in Bakı şəhəri, Xətai rayonu, Nəsrəddin Tusi 19 ünvanına göndərilmişdir, yəni Nümayəndəlik daxil olan sorğunu İXM-nin 347-ci maddəsinin tələblərini pozmamaqla (5 gün müddətində) cavablandırmışdır. Həmin məktub xx.xx.2023-cü il tarixdə Xətai DYPŞ-ə çatdırılmış, lakin DYPŞ əməkdaşları tərəfindən qanunvericilikdə tələbi nəzərdə tutulmayan “göndərənin əlaqə nömrəsi” olmaması əsası ilə qəbul edilməsindən imtina edilmişdir. Məktubun qəbul edilməsindən imtina ilə bağlı “Azari express” kuryer xidməti 16 oktyabr 2023-cü il tarixdə akt tərtib etmiş, həmin akt Nümayəndəliyə növbəti iş günü, yəni 18 oktyabr 2023-cü il tarixdə daxil olmuş, elə həmin tarixdə digər imtina edilən məktublarla birgə Xətai DYPŞ-yə əlbəəl təqdim edilmişdir. Ceyhun adlı əməkdaş məktubu qəbul etmişdir. Lakin buna baxmayaraq, onlara məlum olmayan səbəblərdən barələrində Azərbaycan Respublikası İXM-nin 347-ci maddəsi ilə protokol tərtib olunaraq baxılması üçün məhkəməyə göndərilmişdir. Qeyd olunanları nəzərə alaraq, Şəxsnin Azərbaycan Respublikasındakı Nümayəndəliyi barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə barəsində inzibati qaydada icraat aparılan hüquqi şəxsin nümayəndəsinin izahatını dinləyib, inzibati xəta haqqında protokolu nəzərdən keçirib, məhkəmə iclasında araşdırılmış sübutları və iş materiallarını tədqiq edərək hesab edir ki, Şəxsnin Azərbaycan Respublikasındakı Nümayəndəliyi barəsində Azərbaycan Respublikası İnzibati Xətalar Məcəlləsinin 347-ci maddəsi ilə başlanılmış inzibati xəta haqqında iş üzrə icraata xitam verilməlidir. İş materiallarında olan Bakı şəhəri Xətai rayon Polis İdarəsi Dövlət X9 tərəfindən Şəxsnin Azərbaycan Respublikasındakı Nümayəndəliyinin ünvan 2 ünvanına göndərilmiş sorğu məktubunun surətindən görünür ki, Şəxsnin Azərbaycan Respublikasındakı Nümayəndəliyinin balansında olan «HOWO YÜK» markalı, **-JC-*** dövlət qeydiyyat nişanlı nəqliyyat vasitəsinin yol hərəkət qaydalarını pozması ilə əlaqədar tərtib olunmuş elektron protokollar barədə məlumatı qəbul edilən gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməsi xahiş olunmuş, əks halda Azərbaycan Respublikası İXM-in 347-ci maddəsinə əsasən məsuliyyətə cəlb olunacağı barədə xəbərdar edilmişdir. İş materiallarında olan poçt xəbərnaməsindən görünür ki, Şəxsnin Azərbaycan Respublikasındakı Nümayəndəliyinin balansında olan «HOWO YÜK» markalı, **-JC-*** dövlət qeydiyyat nişanlı nəqliyyat vasitəsinin yol hərəkət qaydalarını pozması ilə əlaqədar tərtib olunmuş bildiriş Şəxsnin Azərbaycan Respublikasındakı Nümayəndəliyinin əməkdaşı tərəfindən təhvil alınmışdır. İş materiallarına əlavə edilmiş 10 oktyabr 2023-cü il tarixli məktubun, 696668 nömrəli qaimənin, 16 oktyabr 2023-cü il tarixli aktın, 12 oktyabr 2023-cü il tarixli Bakı şəhəri Xətai RPİ-nin Dövlət X9nə ünvanlanmış məktubun surətlərindən görünür ki, Şəxsnin Azərbaycan Respublikasındakı Nümayəndəliyinin balansında olan «HOWO YÜK» markalı, **-JC-*** dövlət qeydiyyat nişanlı nəqliyyat vasitəsinin 14 sentyabr 2023-cü il tarixdə hansı şəxs tərəfindən idarə edilməsi barədə məktub Xətai rayon Polis İdarəsinin Dövlət X8 göndərilmiş, həmin məktub xx.xx.2023-cü il tarixdə Xətai DYPŞ-ə çatdırılmış, lakin DYPŞ əməkdaşları tərəfindən qəbul edilməsindən imtina edilmişdir. Məktubun qəbul edilməsindən imtina ilə bağlı “Azari express” kuryer xidməti 16 oktyabr 2023-cü il tarixdə akt tərtib etmiş, həmin akt Nümayəndəliyə növbəti iş günü, yəni 18 oktyabr 2023-cü il tarixdə daxil olmuş, elə həmin tarixdə digər imtina edilən məktublarla birgə Xətai DYPŞ-yə əlbəəl təqdim edilmişdir. Azərbaycan Respublikası İnzibati Xətalar Məcəlləsinin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə inzibati məsuliyyət nəzərdə tutulmuşdur. Həmin Məcəllənin 123.1-ci maddəsinə əsasən bu Məcəllənin 122.1-ci maddəsində nəzərdə tutulmuş xətalar hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsinin sürücüsü tərəfindən törədildikdə və müvafiq icra hakimiyyəti orqanının mərkəzi informasiya sistemində inzibati xətanın törədilməsi zamanı nəqliyyat vasitəsini idarə etmək hüququna malik fiziki şəxs barədə məlumat olmadıqda, həmin hüquqi şəxsə (dövlət qurumuna) səlahiyyətli orqan (vəzifəli şəxs) tərəfindən bu barədə dərhal sorğu göndərilir. Həmin Məcəllənin 123.3-cü maddəsinə əsasən bu Məcəllənin 123.1-ci maddəsində nəzərdə tutulmuş sorğuya cavab verməyən hüquqi şəxs, yaxud dövlət qurumunun vəzifəli şəxsi bu Məcəllənin 347-ci maddəsində nəzərdə tutulmuş inzibati xətanın törədilməsinə görə məsuliyyətə cəlb olunur. Hüquqi şəxsin, yaxud dövlət qurumunun vəzifəli şəxsinin məsuliyyətə cəlb olunması onu müvafiq məlumatı təqdim etmək vəzifəsindən, fiziki şəxsi isə törətdiyi əmələ görə məsuliyyətdən azad etmir. Qeyd olunan Məcəllənin 18.1-ci maddəsinə əsasən hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Göründüyü kimi qanunvericiliyin mənasına görə Azərbaycan Respublikası İXM-nin 347-ci maddəsi ilə nəzərdə tutulmuş məsuliyyətin yaranması üçün inzibati xəta törətmiş fiziki şəxs barəsində nəqliyyat vasitəsinin mülkiyyətçisi olan hüquqi şəxsə səlahiyyətli orqan tərəfindən sorğu verilməli, həmin sorğu hüquqi şəxsə təqdim olunmalı (daxil olmalı) və bundan sonra hüquqi şəxs tərəfindən 5 gün müddətində sorğuya cavab verilməməlidir. Hazırki iş üzrə Xətai RPİ-nin DYPŞ-nin sorğu məktubu Şəxsnin Azərbaycan Respublikasındakı Nümayəndəliyininə ünvanlandırılmış və həmin sorğu məktubu inzibati məsuliyyət yaranmadan, yəni 5 gün müddət keçmədən Şəxsnin Azərbaycan Respublikasındakı Nümayəndəliyi tərəfindən cavablandırılmışdır. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Şəxsnin Azərbaycan Respublikasındakı Nümayəndəliyinin istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi məhkəmə araşıdırılması zamanı müəyyən edilməmiş, bu barədə möhtəbər sübutlar məhkəməyə təqdim edilməmişdir. Azərbaycan Respublikası İnzibati Xətalar Məcəlləsinin 53.1.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Göstərilənlərə əsasən məhkəmə hesab edir ki, Şəxsnin Azərbaycan Respublikasındakı Nümayəndəliyinin istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi məhkəmə araşdırması zamanı öz təsdiqini tapmadığından və bununla da onun hərəkətlərində inzibati xətanın tərkibi olmadığından inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53, 105, 114-115, 117, 129 və 130-cu maddələrini rəhbər tutaraq məhkəmə qərara aldı: Şəxsnin Azərbaycan Respublikasındakı Nümayəndəliyi barəsində Azərbaycan Respublikası İnzibati Xətalar Məcəlləsinin 347-ci maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi gündən 10 (on) gün müddətində Bakı Apelyasiya Məhkəməsinə Nəsimi Rayon Məhkəməsi vasitəsi ilə şikayət verilə bilər. Hakim: Elməddin Hüseynov