Bakı Şəhəri Nəsimi Rayon Məhkəməsi Qərar — İş №3(006)-558/2025

Azərbaycan Respublikası adından QƏRAR Bakı şəhəri İş № 3(006)-558/2025 03.03.2025 BAKI ŞƏHƏRİ NƏSİMİ RAYON MƏHKƏMƏSİ Hakim İbadzadə Anar Qənimət oğlunun sədrliyi, Lətifov Vəli Abdurəşid oğlunun katibliyi, Bakı şəhəri Nəsimi rayon İcra Şöbəsinin icra məmuru X1, tələbkar X2 etibarnamə üzrə nümayəndəsi X7, barəsində inzibati xəta haqqında iş üzrə icraat aparılan Şəxs MMC-nin etibarnamə üzrə nümayəndəsi X3 iştirakı ilə, Şəxs MMC barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə tərtib olunan inzibati xəta haqqında protokol üzrə inzibati xəta haqqında işə məhkəmənin binasında, açıq məhkəmə iclasında baxaraq MÜƏYYƏN ETDİ: Bakı şəhəri Nəsimi rayon İcra şöbəsinin icra məmuru X4, Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli və Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra sənədlərinin icrası ilə əlaqədar Şəxs MMC barəsində Azərbaycan Respublikası İXM-in 528.1-ci maddəsi ilə inzibati xəta haqqında protokol tərtib edərək baxılması üçün məhkəməyə göndərmişdir. MN seriyalı ******* nömrəli, 24 yanvar 2025-ci il tarixli “İnzibati xəta haqqında” protokoldan görünür ki, borclu Şəxs MMC Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli və Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra sənədlərinin icrasını tam təmin etməmişdir. Nəticədə Şəxs MMC tərəfindən Azərbaycan Respublikası İXM-in 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında inzibati xəta haqqında protokolu tərtib etmiş Bakı şəhəri Nəsimi rayon İcra şöbəsinin icra məmuru X4 izahatında göstərdi ki, Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli icra vərəqinə əsasən 2(006)-1549/2023 saylı mülki iş üzrə yekun məhkəmə aktı qəbul edilənədək ərizəçiyə məxsus ünvan 1 ünvanında yerləşən 0.02183 hektar torpaq sahəsinn ərazisində qazıntı, söküntü və tikinti işlərinin aparılması Şəxs MMC-yə qadağan edilmişdir. Daha sonra Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra vərəqinə əsasən Bakı şəhəri Nəsimi Rayon Məhkəməsinin 2(006)-3586/2024 saylı mülki işə mahiyyəti ürə baxılıb qutarılanadək ərizəçi X6 məxsus ünvan 2 ünvanında yerləşən fərdi yaşayış evinə xidmət edən avtomobil və piyada yolunun yerləşdiyi torpaq sahəsinin ərazisində söküntü, qazıntı və tikinti işlərinin aparılmsı Şəxs MMC-yə qadağan edilməsi qərara alınmışdır. Hər iki icra işi üzrə icraata başlamaq haqqında qərar və bildiriş borclu Şəxs MMC-yə rəsmi şəkildə təqdim olunmuşdur. Həmin icra işləri sonradan bir icraatda birləşdirilmişdir. Dəfələrlə edilmiş xəbərdarlıqlara baxmayaraq Şəxs MMC tərəfindən Nəsimi Rayon Məhkəməsinin icra sənədləri təmin olunmamışdır. Göstərilənləri nəzərə alaraq Şəxs MMC barəsində inzibati tənbeh tədbirinin tətbiq edilməsini məhkəmədən xahiş edir. Məhkəmə iclasında tələbkar X2 etibarnamə üzrə nümayəndəsi X11 izahatında bildirmişdir ki, icra sənədi borcluya dəfələrlə xəbərdarlıq edilməsinə baxmayaraq icra olunmur. Hazırdada mübahisəli ərazidə tikinti işləri gedir və bugünə kimi qarşı tərəf bizimlə razılıq əldə etmək üçün heç bir cəhd göstərməyib. Göstərilənləri nəzərə alaraq Şəxs MMC barəsində inzibati tənbeh tədbirinin tətbiq edilməsini məhkəmədən xahiş edir. Məhkəmə iclasında barəsində inzibati xəta haqqında iş üzrə icraat aparılan Şəxs MMC-nin etibarnamə üzrə nümayəndəsi X8 izahatında göstərdi ki, qeyd edilən mübahisəli ünvan qəzalı vəziyətdə olduğu üçün tərəflərindən söküntü işləri aparılmışdır. Bununla bağlı foto-şəkillərdə var. Məhkəmədən iş üzrə icraata xitam verilməsini xahiş etdi. Məhkəmə, işdə iştirak edən şəxslərin izahatlarını dinləyib, inzibati xəta haqqında protokolu və ona əlavə olunmuş sənədləri araşdıraraq hesab edir ki, Şəxs MMC-nin yuxarıda qeyd edilən icra sənədinin icrası ilə əlaqədar icra məmurunun qanuni tələblərini yerinə yetirməməsi öz təsdiqini tapır. Bununla da Şəxs MMC Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. İcra işinin materialları ilə müəyyən olundu: - Bakı şəhəri Nəsimi rayon İcra şöbəsinin böyük icra məmuru X4 xx.xx.2025-ci il tarixində Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli icra sənədi ilə Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra sənədinin bir icraatda birləşdirilməsi haqqında qərar qəbul edilmişdir. - Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli icra vərəqinə əsasən 2(006)-1549/2023 saylı mülki iş üzrə yekun məhkəmə aktı qəbul edilənədək ərizəçiyə məxsus ünvan 1 ünvanında yerləşən 0.02183 hektar torpaq sahəsinn ərazisində qazıntı, söküntü və tikinti işlərinin aparılması Şəxs MMCyə qadağan edilməsi barədə qərardad qəbul edilmişdir. - Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra vərəqinə əsasən Bakı şəhəri Nəsimi Rayon Məhkəməsinin 2(006)- 3586/2024 saylı mülki işə mahiyyəti ürə baxılıb qutarılanadək ərizəçi X6 məxsus ünvan 2 ünvanında yerləşən fərdi yaşayış evinə xidmət edən avtomobil və piyada yolunun yerləşdiyi torpaq sahəsinin ərazisində söküntü, qazıntı və tikinti işlərinin aparılmsı Şəxs MMC-yə qadağan edilməsi qərara alınmışdır. - İcra vərəqinin icraya yönəldilməsini təsdiq edən xx.xx.2023-cü il tarixli «İcraata başlamaq haqqında» Qərarın və həmin tarixli bildirişin surətindən görünür ki, Şəxs MMC-yə icraata başlama haqqında qərarın surəti göndərilmiş və Bakı şəhəri Nəsimi Rayon Məhkəməsinin 16(006)-97/2023 nömrəli, xx.xx.2023-cü il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir. - Bakı şəhəri Nəsimi rayon İcra şöbəsinin icra məmuru X4 xx.xx.2023-cü il tarixində hal şahidləri olan icra məmuru Babayev Pərviz və tələbkarın etibarnamə üzrə nümayəndəsi X7 iştirakları ilə ünvan 2 ünvanına baxış keçirilmiş və həmin mübahisəli ərazidə evə məxsus bəzi divarların qalığının mövcud olduğu müəyyən edilmişdir. Həmçinin icra məmuru "xxxx" MMC-nin sahə rəisi X5 həmin ərazidə hər hansı qazıntı, söküntü və tikinti işlərinin aparılmasının məsuliyyəti barədə məlumat vermişdir. - Bakı şəhəri Nəsimi rayon İcra şöbəsinin icra məmuru X4 MN ******* nömrəli, xx.xx.2024-cü il taixli protokol və əlavə olunmuş sənədlər baxılması üçün Bakı şəhəri Nəsimi Rayon Məhkəməsinə göndərilmişdir. Bakı şəhəri Nəsimi Rayon Məhkəməsinin 3(006)-4718/2024 saylı, xx.xx.2024-cü il tarixli qərarına əsasən Şəxs MMC-nin direktoru X9 Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməkdə təqsirli bilinmiş və barəsində 2000 (iki min) manat məbləğində inzibati cərimə edilmişdir. - İcra vərəqinin icraya yönəldilməsini təsdiq edən xx.xx.2024-cü il tarixli «İcraata başlamaq haqqında» Qərarın və həmin tarixli bildirişin surətindən görünür ki, Şəxs MMC-yə icraata başlama haqqında qərarın surəti göndərilmiş və Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir. - Bakı şəhəri Nəsimi rayon İcra şöbəsinin icra məmuru X4 xx.xx.2024-cü il tarixin akt tərtib edərək hal şahidləri olan icra məmuru Xudaverdiyev Muradın və Şəxs MMC-nin hüquqşünası Əliyev Nicatın iştirakları ilə Bakı şəhəri Nəsimi Rayon Məhkəməsinin 16(006)-291/2024 nömrəli, xx.xx.2024-cü il tarixli icra sənədinin icrası ilə əlaqədar ünvan 2 ünvanına baxış keçirilmiş və “Şəxs MMC-yə sözügedən ünvanda yerləşən X6 məxsus fərdi yaşayış evinə xidmət edən avtomobil və piyada yolunun yerləşdiyi torpaq sahəsinin ərazisində qazıntı, söküntü və tikinti işlərinin aparılmasının məsuliyyəti barədə məlumat vermişdir. - Bakı şəhəri Nəsimi rayon İcra şöbəsinin icra məmuru X4 tələbkarın müraciətinə əsasən xx.xx.2024-cü il tarixində akt tərtib edilərək hal şahidləri olan icra məmuru Ramin Quliyevin və tələbkar X2 etibarnamə üzrə nümayəndəsi X7 iştirakları ilə ünvan 2 ünvanında yerləşən evin ərazisinə baxış keçirilmişdir.Baxış zamanı müəyyən olunmuşdur ki, sözügedən ərazi üçün köhnə avtomobil və piyada keçidi üçün nəzərdə tutulan torpaq sahəsi satılıb. Həmin ev üçün şirkət tərəfindən digər sahədən yol saxlanıldığı qeyd olunub. Azərbaycan Respublikası Konstitusiyasının 129-cu maddəsinin İ bəndindən görünür ki, məhkəmənin qəbul etdiyi qərarlar dövlətin adından çıxarılır və onların icrası məcburidir. «İcra haqqında» Azərbaycan Respublikası Qanununun 3-cü maddəsində göstərildiyi kimi, «Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar». Həmin Qanunun 28.2-ci maddəsi ilə müəyyən edilmiş icraatda tərəflər, yəni tələbkar və borclu Qanunun 29.2-ci maddəsinə əsasən, icra hərəkətlərinin həyata keçirilməsi zamanı icra haqqında Azərbaycan Respublikası qanunvericiliyinin tələblərini yerinə yetirməyə borcludurlar. Nəhayət, adı çəkilən Qanunun 84.1-ci maddəsinin tələblərinə görə, «icra məmurunun qanuni tələblərinin yerinə yetirilməməsinə görə, icra sənədinin itirilməsinə və ya onun vaxtında göndərilməməsinə görə, habelə borclunun iş yeri və ya yaşayış yeri, onun gəlirləri və əmlak vəziyyəti haqqında dəqiq olmayan məlumat təqdim edilməsinə görə icra məmuru təqsirkar şəxslərin inzibati məsuliyyətə cəlb olunması üçün qanunvericiliyə uyğun olaraq inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir». Eyni zamanda, məhkəmə qərarlarının icrasının məcburiliyi “Məhkəmələr və hakimlər haqqında” Qanunun 5-ci maddəsində də əks olunmuşdur. Həmin maddəyə əsasən məhkəmələr baxılmış işlər üzrə Azərbaycan Respublikası adından qətnamələr, hökmlər, qərardadlar və qərarlar çıxarırlar. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş bu qərarlar Azərbaycan Respublikası ərazisində bütün fiziki və hüquqi şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətə səbəb olur. İnsan Hüquqları üzrə Avropa Məhkəməsinin qanuni qüvvəyə minmiş məhkəmə aktlarının icrasına dair mövqeyinə görə, iştirakçı dövlətin daxili hüquq sistemi məcburi qüvvəyə malik yekun məhkəmə qərarının tərəflərdən birinin ziyanına olaraq yerinə yetirilməmiş qalmasına imkan versəydi, məhkəmə araşdırması hüququ xəyali hüquq olardı. Hər hansı məhkəmə tərəfindən çıxarılmış qərarın icrası Konvensiyanın 6-cı maddəsinin məqsədləri üçün “məhkəmə araşdırmasının” ayrılmaz tərkib hissəsi sayılmalıdır (Hornsbi Yunanıstana qarşı iş üzrə 19 mart 1997-ci il tarixli Qərar, §40). “Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair” Azərbaycan Respublikası Konstitusiya Məhkəməsi Plenumunun 02 oktyabr 2012-ci il tarixli Qərarına əsasən məhkəmə aktlarının qərəzli icra edilməməsini aşağıdakılara əsasən müəyyən etmək olar: - məhkəmə qərarında nəzərdə tutulmuş tələblərin həmin qərarda müəyyən edilmiş müddət ərzində icra edilməməsi; - borcluya məhkəmə qərarının icra edilməməsi haqqında dəfələrlə rəsmi xəbərdarlıq edilməsi; - borclunun məhkəmə qərarını icra etməməsinə görə inzibati məsuliyyətə cəlb edilməsi; - borclu tərəfindən məhkəmə qərarının icrası üçün yetərli tədbirlərin görülməməsi; - borclunun məhkəmə qərarının icrası üçün faktiki imkanlarının olması. Məhkəmə hesab edir ki, barəsində inzibati xəta haqqında iş üzrə icraat aparılan Şəxs MMC dəfələrlə rəsmi xəbərdarlıq edilməsinə baxmayaraq icra sənədlərinin icrasından qərəzli olaraq yayınır və icra məmurunun həmin icra sənədinə dair qanuni tələblərini yerinə yetirmir. Həmçinin icra işinin materiallarında olan icra məmuru tərəfindən tərtib edilmiş xəbərdarlıq məktubları ilə borclunun icra sənədinin icrasından yayınmasının hüquqi nəticələrinin izah olunduğu aydın olur. Bununla yanaşı, borclu tərəfindən məhkəmə qərarının icrası üçün yetərli tədbirlərin görülməsi və ya icra sənədinin icrası üçün faktiki imkanlarının olmamasına dair hər hansı tutarlı dəlil təqdim edilməmişdir. Buna görə də məhkəmə Şəxs MMC-nin hərəkətlərini icra sənədinin icrasına dair icra məmurunun qanuni tələblərini qərəzli olaraq icra etməmə kimi qiymətləndirir və barəsində tərtib edilmiş inzibati xəta haqqında protokol üzrə onun inzibati məsuliyyətə cəlb edilməsi qənaətinə gəlir. Belə ki, Azərbaycan Respublikası İnzibati Xətalar Məcəlləsinin 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İnzibati Xətalar Məcəlləsinin: 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir; 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-in 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə, icra işinin materialını və inzibati xəta haqqında protokolu nəzərdən keçirib, icra məmurunun izahatını dinləyib, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan əməli törətməsi iş üzrə toplanmış və məhkəmə iclasında tədqiq edilmiş sübutlarla tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Beləliklə məhkəmə hesab edir ki, Şəxs MMC Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinməli, törətmiş olduğu inzibati xətanın xarakterini, onun şəxsiyyətini, habelə təqsirinin dərəcəsi və tətbiq olunacaq inzibati tənbehin şəxsin islah olunmasına təsirini, iş üzrə sübutlarla müqayisəli şəkildə qiymətləndirərək belə nəticəyə gəlir ki, Şəxs MMC-nə cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 34-1, 40, 43, 48-51, 114, 128-130-cu maddələrini rəhbər tutaraq QƏRARA ALDİ: Şəxs MMC Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməkdə təqsirli bilinsin və barəsində 3000 (üç min) manat inzibati cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Bakı Şəhəri Nəsimi Rayon Məhkəməsi vasitəsilə və ya bilavasitə Bakı Apelyasiya Məhkəməsinə şikayət verilə bilər. Sədrlik edən Anar İbadzadə