Bakı Şəhəri Nəsimi Rayon Məhkəməsi Qərar — İş №3(006)-5907/2025

Azərbaycan Respublikası adından QƏRAR Bakı şəhəri İş № 3(006)-5907/2025 23.10.2025 BAKI ŞƏHƏRİ NƏSİMİ RAYON MƏHKƏMƏSİ Hakim İbadzadə Anar Qənimət oğlunun sədrliyi, məhkəmə iclas katibi Lətifov Vəli Abdurəşid oğlunun katibliyi, Şikayət vermiş şəxs X6 etibarnamə üzrə nümayəndəsi X2 iştirakı ilə, Azərbaycan Respublikası DİN-nin Baş X13 İdarəsi tərəfindən qəbul edilmiş EQ seriyalı 30869292 nömrəli, xx.xx.2025-ci il tarixli “İnzibati tənbeh vermə haqqında” qərardan X6 verdiyi şikayətə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X9, Azərbaycan Respublikası DİN-nin Baş X13 İdarəsi tərəfindən qəbul edilmiş EQ seriyalı 30869292 nömrəli, xx.xx.2025-ci il tarixli “İnzibati tənbeh vermə haqqında” qərardan şikayətlə məhkəməyə müraciət etmişdir. Şikayət onunla əsaslandırılmışdır ki, “Hyundai İX-35” minik markalı **-BR-*** dövlət qeydiyyat nişanlı avtomobilə dair sonuncu etibarnamə onun adına olmasına baxmayaraq faktiki olaraq anası Gülbəniz Əliyeva tərəfindən idarə edilir. 23 sentyabr 2025-ci il tarixində anası avtomobili müəllim kimi çalışdığı iş yerinə gedərkən hər zaman park etdiyi yerdə Bakı şəhəri İbrahimpaşa Dadaşov 117 küçəsində saxlamışdır. Həmin ərazidə hər hansı qadağa nişanı və piyada üçün nəzərdə tutulan səki mövcud deyil. Buna baxmayaraq onun mobil nömrəsinə SMS gələrək EQ 30869292 İXM-nin 346.9-cu maddəsi ilə 60 manat cərimə olunmağı bildirilmişdir. Aşağıdakı əsaslara görə hesab edir ki, qərar ləğv edilməli barəsində İXM-nin 346.9-cu maddəsinə əsasən başlanmış inzibati xəta haqqında iş üzrə icraata xitam verilməlidir. Birincisi ”Yol hərəkəti haqqında" Azərbaycan Respublikası Qanununun 52-ci maddəsinin 1-ci hissəsinə əsasən Nizamlama vasitələrində başqa göstəriş nəzərdə tutulmamışdırsa, nəqliyyat vasitələrinin yolun sağ tərəfində yol çiyinində, yol çiyini olmadıqda isə yolun hərəkət hissəsinin kənarında bir cərgədə dayanmasına və durmasına icazə verilir. Fotoşəkildən məlum olur ki, avtomobillərin hərəkəti üçün nəzərdə tutulan yoldur və burada hər hansı dayanmaq və ya durmaq qadağandır yol nişanı mövcud deyil. İkincisi ehtimal olunan qayda pozuntusu EQ 30869292 yəni elektron qərar Azərbaycan Respublikası DİN BDYPİ-nin X5 yerləşdirilmişdir. Lakin buna baxmayaraq Binəqədi RPİ-nin DYPŞ-nin əməkdaşı X8 tərəfindən ehtimal olunan qayda pozuntusu X1suz olaraq yerləşdirilmişdir. Qeyd olunanlardan göründüyü kimi ilkin olaraq qayda pozuntusu baş vermədiyi halda qayda pozuntusu kimi qiymətləndirilərək, həmçinin inzibati xəta haqqında iş üzrə icraat səhv aparılmışdır. Yuxarıda qeyd olunanlara əsasən Azərbaycan Respublikası DİN BDYPİ-nin xx.xx.2025-ci il tarixli EQ30869292 römrəli tənbeh vermə haqqında qərarı ləğv edilməli və Bakı şəhəri Binəqədi RPİ-nin DYPŞ-nin əməkdaşı X8 barəsində xidməti təhqiqatın aparılması üçün Azərbaycan Respublikası Daxili İşlər Nazirliyi Baş X13 İdarəsinə təqdimat verilməlidir. Qeyd olunanları nəzərə alaraq Baş X13 İdarəsinin xx.xx.2025-ci il tarixli, EQ 30869292 saylı inzibati tənbeh vermə haqqında qərarının ləğv ləğv edilməklə İXM-nin 346.9-cu maddəsi ilə başlanmış inzibati xəta haqqında iş üzrə icraata xitam verilməsini, Bakı şəhəri Binəqədi RPİ-nin DYPŞ-nin əməkdaşı X8 barəsində xidməti təhqiqatın aparılması üçün Azərbaycan Respublikası Daxili İşlər Nazirliyi Baş X13 İdarəsinə təqdimat verilməsini məhkəmədən xahiş etmişdir. Məhkəmə iclasında şikayət vermiş şəxs X6 etibarnamə üzrə nümayəndəsi X3 şikayətin məzmununa uyğun çıxış edərək, həmçinin avtomobili onun idarə etdiyini bildirərək şikayətin təmin olunmasını məhkəmədən xahiş etdi. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, inzibati xəta haqqında qərarı qəbul etmiş Azərbaycan Respublikası DİN-nin Baş X13 İdarəsi-nin nümayəndəsi məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, işə tərəflərin iştirakı olmadan baxılmasını mümkün hesab etmişdir. Məhkəmə, şikayəti və işdə olan materialları nəzərdən keçirərək hesab edir ki, aşağıdakı əsaslara görə şikayət qismən təmin edilməlidir. İş materiallarında olan və məhkəmə baxışında tədqiq edilmiş: - Azərbaycan Respublikası DİN-nin Baş X13 İdarəsi Mərkəzi Məlumat Xidməti tərəfindən qəbul edilmiş xx.xx.2025-ci il tarixli, EQ seriyalı 30869292 nömrəli “İnzibati tənbeh vermə haqqında” qərardan görünür ki, X9 Azərbaycan Respublikası İnzibati Xətalar Məcəlləsinin 346.9-cu maddəsində nəzərdə tutulmuş əməli törətməkdə təqsirli bilinərək 60 (altmış) manat miqdarında cərimə edilmişdir. Məhkəməyə təqdim edilmiş və digər sübutlarla birlikdə tədqiq edilmiş fotoşəkillərdən görünür ki, törədilməsi ehtimal olunan inzibati xətanın qeydə alındığı ərazidə **-BR-*** dövlət qeydiyyat nişanlı nəqliyyat vasitəsinin park edildiyi ərazinin səki olmasına və nəqliyyat vasitələrinin park edilməsini qadağan edilməsinə dair hər hansı nişan qoyulmamışdır. Azərbaycan Respublikası İnzibati Xətalar Məcəlləsinin 346.9-cu maddəsinə görə nizamlama vasitələrində başqa göstəriş nəzərdə tutulmamışdırsa, nəqliyyat vasitələrinin səkilərdə dayanmasına və ya durmasına görə altmış manat məbləğində cərimə edilir. Məhkəmə, iş üzrə sübutların şəxsin təqsirinin sübuta yetirilməsində kifayətedici olmamasına dair qeyd edir ki, iş materiallarında inzibati tənbeh vermə haqqında qərardan başqa heç bir sənəd mövcud deyil. Halbuki, Azərbaycan Respublikası İnzibati Xətalar Məcəlləsinin 133.2.8-ci maddəsinə əsasən, inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı, iş üzrə olan və əlavə təqdim edilmiş materiallar əsasında yoxlanılır. Hazırki halda, şəxs tərəfindən Azərbaycan Respublikası İXM-in 346.9-cu maddəsində nəzərdə tutulan inzibati xətanı törətməsi hər hansı sübutla təsdiq olunmur. Həmçinin, səlahiyyətli orqana məhkəmə iclasının vaxtı və yeri barədə məlumat verilərək sübutları təqdim etməsi təklif edilmiş, inzibati orqan tərəfindən hər hansı sübut məhkəməyə təqdim edilməmişdir. Məhkəmə qeyd edir ki, iş üzrə tədqiq edilmiş sənədlər məhkəmədə işə baxılarkən X9 tərəfindən qeyd olunan inzibati xətanı törətməsinə şübhə yaradır. X4 tərəfindən inzibati xəta törədilməsinə dəlalət edə biləcək hər hansı sübut və əsas göstərilmədən onun barəsində inzibati tənbeh vermə haqqında qərar qəbul etmişdir. İnzibati xətalara dair qanunvericiliyin tələbinə görə inzibati məsuliyyətə cəlb olunan şəxsin təqsirli olması barəsində şübhələr isə onun xeyrinə həll edilir. Odur ki, məhkəmə qeyd etməyi zəruri hesab edir ki, iş yenidən araşdırılmalı və barəsində inzibati tənbeh tətbiq edilmiş şəxsin xətanı törətməsinə dair hər hansı sübut olduğu halda, göstərilməklə, X6 iştirakı ilə yenidən əsaslı qərar qəbul edilməlidir. İnzibati Xətalar Məcəlləsinin prinsiplərinə dair normalar xətada təqsirləndirilən şəxsin təqsirinin sübuta yetirilməsində fundamental əhəmiyyət daşıyan ümumi qaydaları göstərir ki, onlara riayət edilməməsi bütövlükdə sübut etməni, onun nəticələrini əhəmiyyətsiz etmiş olar. Qiymətləndirmə zamanı qərarda həm konkret məsələ üzrə gəlinən nəticəni təsdiqləyən, həm də onu təkzib edən sübutlara istinad etməlidir. Bütün yuxarıda qeyd edilən hallara əsaslanaraq məhkəmə hesab edir ki, iş materiallarında olan sübutlar X9 tərəfindən Azərbaycan Respublikası İnzibati Xətalar Məcəlləsinin 346.9-cu maddəsi ilə təqsirli bilinməsi üçün kifayət etmir, toplanmış sübutların mötəbərliyi şübhə doğurur. Məhkəmə yuxarıda sadalanan hallardan belə qənaətə gəlmişdir ki, X9 barəsində olan inzibati iş üzrə səlahiyyətli orqanın gəldiyi nəticələr üzrə mühüm əhəmiyyət kəsb edən bütün faktiki hallar araşdırılmamış və Azərbaycan Respublikasının İnzibati Xətalar Məcəlləsi ilə müəyyən edilmiş tələblər işin hallarının hərtərəfli, tam və obyektiv araşdırılmasına maneə törədəcək dərəcədə pozulmuşdur. Məhkəmə iclasında Məhkəmə iclasında şikayət vermiş şəxs X6 etibarnamə üzrə nümayəndəsi X3 avtomobili onun idarə etdiyini, onun isə yol hərəkəti qaydalarını pozmadığını, törədilməsi ehtimal edilən inzibati xətanın qeydə alındığı ərazinin səki olmadığını bildirmişdir. Beləliklə də, məhkəmə hesab edir ki, Azərbaycan Respublikası DİN-nin Baş X13 İdarəsi tərəfindən baş vermiş hadisə üzrə tam, hərtərəfli və obyektiv araşdırma aparılmalı, ilk öncə törədilməsi ehtimal edilən inzibati xətanın baş verdiyi ərazinin səki hesab edilibedilməməsi, səki olduğu halda bunun nə ilə hansı formada müəyyən edilməsi, ərazidə hər hansı nişanın olub-olmaması və “Hyundai İX-35” minik markalı **-BR-*** dövlət qeydiyyat nişanlı avtomobilin 23 sentyabr 2025-ci il tarixdə kim tərəfindən idarə edilməsi müəyyən edilməlidir. Odur ki, məhkəmə qeyd etməyi zəruri hesab edir ki, iş yenidən (hazırki məhkəmə qərarının təsviri - əsaslandırıcı hissəsində göstərilən hallar) araşdırılmalı və barəsində inzibati tənbeh tətbiq edilmiş şəxsin xətanı törətməsinə dair hər hansı sübut olduğu halda, göstərilməklə X6 (nümayəndəsinin) iştirakı ilə yenidən əsaslı qərar qəbul edilməlidir. Azərbaycan Respublikasının İnzibati Xətalar Məcəlləsinin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İnzibati Xətalar Məcəlləsinin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. 134.1, 134.1.4-cü maddələrinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir; 135.1, 135.1.6-cı maddələrinə əsasən hakimin, səlahiyyətli orqanın (vəzifəli şəxsin) bu Məcəllə ilə müəyyən edilmiş tələbləri işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi üçün müəyyən edilən əsaslar sırasına daxildir. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxs) İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasını maneə törədəcək dərəcədə pozmaqla X9 barəsində EQ seriyalı 30869292 nömrəli, xx.xx.2025-ci il tarixli “İnzibati tənbeh vermə haqqında” qərar qəbul edərək sonuncunun hüquqlarını pozmuşdur. Buna görə də inzibati icraat zamanı yol verilmiş natamamlıqlarla bağlı iş üzrə yenidən araşdırma aparılmalı və müvafiq qərar qəbul edilməlidir. Ona görə də Azərbaycan Respublikası DİN-nin Baş X13 İdarəsi tərəfindən qəbul edilmiş EQ seriyalı 30869292 nömrəli, xx.xx.2025-ci il tarixli “İnzibati tənbeh vermə haqqında” qərar ləğv edilməli və iş yenidən baxılması üçün Azərbaycan Respublikası DİN-nin Baş X13 İdarəsinə göndərilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: X6 şikayəti qismən təmin edilsin. X6 barəsində Azərbaycan Respublikası DİN-nin Baş X13 İdarəsi tərəfindən qəbul edilmiş EQ seriyalı 30869292 nömrəli, xx.xx.2025-ci il tarixli “İnzibati tənbeh vermə haqqında” qərar ləğv edilsin. X9 barəsində Azərbaycan Respublikası İXM-in 346.9-cu maddəsi ilə inzibati xəta haqqında iş yenidən baxılması üçün Azərbaycan Respublikası DİN-nin Baş X13 İdarəsinə göndərilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Hakim: Anar İbadzadə