Bakı Şəhəri Nəsimi Rayon Məhkəməsi Qərardad — İş №3(006)-600/2023

Azərbaycan Respublikası adından QƏRARDAD Bakı şəhəri İş № 3(006)-600/2023 26.01.2023 BAKI ŞƏHƏRİ NƏSİMİ RAYON MƏHKƏMƏSİ Mən, Bakı şəhəri Nəsimi Rayon Məhkəməsinin hakimi Pənahov Babək Əkbər oğlu, Şəxs MMC barəsində Azərbaycan Respublikası İnzibati Xətalar Məcəlləsinin 505-ci maddəsi üzrə tərtib olunmuş xx.xx.2022-ci il tarixli, EP ******* (00100-00068/23) saylı inzibati xəta haqqında protokolu və ona əlavə edilmiş sənədləri məhkəmə iclasında baxılmağa hazırlayarkən M Ü Ə Y Y Ə N E T D İ M: Protokola əsasən "xxxx" MMC **********9784 saylı xx.xx.2022-ci il tarixli gömrük bəyannaməsi üzrə ümimilikdə 3.454,82 manat məbləğində gömrük ödənişlərinin ödənilməsindən yayınmışdır. İş materiallarına görə inzibati xəta xx.xx.2022-ci il tarixdə baş versə də, tərtib edilmiş inzibati xəta haqqında protokolun tarixi xx.xx.2022-ci il göstərilmişdir. Hesab edirəm ki, inzibati xəta haqqında protokol düzgün tərtib edilmədiyindən, o, ona əlavə edilmiş sənədlərlə birlikdə onu tərtib orqana geri qaytarılmalıdır. Azərbaycan Respublikası İnzibati Xətalar Məcəlləsinin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq Q Ə R A R A A L D İ M: Şəxs MMC barəsində Azərbaycan Respublikası İnzibati Xətalar Məcəlləsinin 505-ci maddəsi üzrə tərtib olunmuş xx.xx.2022-ci il tarixli, EP ******* (00100-00068/23) saylı inzibati xəta haqqında protokol və ona əlavə edilmiş sənədlər geri qaytarılsın. Hakim Babək Pənahov