Bakı Şəhəri Nəsimi Rayon Məhkəməsi Qərardad — İş №3(006)-645/2021

Azərbaycan Respublikası adından QƏRARDAD Bakı şəhəri İş № 3(006)-645/2021 16.02.2021 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Lətifov Vəli Abdurəşid oğlunun katibliyi, Nəsimi rayon İcra şöbəsinin icra məmuru X1, tələbkarlar X2 və X3, barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1959-cı il tarixdə Neftçala rayonu, Xıllı qəsəbəsində anadan olmuş, Azərbaycan Respublikasının vətəndaşı (FİN: xxxxxxx), ünvan 1 ünvanında qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair inzibati xəta haqqında protokola və ona əlavə olunmuş materiallara açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməsinə dair xx xxxxxx 2021-ci il tarixli MN ******* nömrəli inzibati xəta haqqında protokol tərtib edilərək baxılması üçün məhkəməyə təqdim edilmişdir. İnzibati xəta haqqında protokola əsasən Nəsimi Rayon Məhkəməsinin xx xxxx 2017ci il tarixli, 2(006)-2937/2018 saylı icra sənədini və Bakı şəhəri 16 saylı Notariat Konturunun xx xxx 2020-ci il tarixli, 2470 saylı icra qeydini üzrsüz səbəbdən icra etmir. Göstərilənlərə əsasən Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Məhkəmə iclasında iştirak edən inzibati xəta haqqında protokolu tərtib etmiş Nəsimi rayon İcra Şöbəsinin icra məmuru M.Ə.Xudaverdiyev inzibati xəta haqqında protokolu müdafiə edərək bildirmişdir ki, Nəsimi Rayon Məhkəməsinin xx xxxx 2017-ci il tarixli, 2(006)-2937/2018 saylı icra sənədinə əsasən cavabdeh Şəxs 80.000 (səksən min) manat məbləğində borc və ödənilmiş 30 (otuz) manat dövlət rüsumu vəsaiti tutularaq iddiaçı M.İ.Cəfərova ödənilməlidir. Bakı şəhəri 16 saylı Notariat Konturunun xx xxx 2020-ci il tarixli, 2470 saylı icra qeydinə əsasən cavabdeh Şəxs 30.724 manat K.R.Kəngərliyə veriləməlidir. İcra sənədi üzrə icraata xx xxxx 2019-cu il tarixli qərarla və icra qeydi üzrə icraata xx xxxx 2020-ci il tarixli qərarla başlanılmış, borcluya tələbin könüllü icrası üçün müəyyən olunmuş müddət ərzində icranı həyata keçirmək ilə bağlı bildiriş göndərilmiş, daha sonra icra sənədlərinin ümumi icraatda birləşdirilməsi haqqında qərar qəbul edilmiş və Nəsimi Rayon Məhkəməsinə cavabdeh Şəxs daşınmaz əmlakının üzərinə həbs qoyulmasına dair təqdimat verilmişdir. Buna baxmayaraq, borclu icra sənədini icra etməmişdir. Qanuni qüvvədə olan məhkəmə qətnaməsini bugünədək icra etməməsi borclu Şəxs icranı təmin etməkdən üzrsüz səbəbdən boyun qaçırmasına əsas verir. Göstərilənlərə əsasən borclu Şəxs barəsində müvafiq inzibati tənbeh tədbirinin tətbiq edilməsini məhkəmədən xahiş etmişdir. Bundan əlavə icra məmuru M.Ə.Xudaverdiyev məhkəmə iclasında ona verilmiş suallara cavab olaraq bildirmişdir ki, borclu Şəxs bütün çağırışlara vaxtı-vaxtında gəlmişdir. Həmçinin qeyd etmişdir ki, borclunun işləməsi hazırda məhkəmə prosesinin gedişində ona məlum olmuş və bu səbəbdən tələbin onun əmək haqqısına yönəldilməsi ilə bağlı heç bir icra hərəkəti etməmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs bildirmişdir ki, o, Nəsimi Rayon Məhkəməsinin icra sənədindən və Bakı şəhəri 16 saylı Notariat Konturunun xx xxx 2020-ci il tarixli, 2470 saylı icra qeydindən məlumatı var. O müflis olduğuna görə yaranmış borcunun ödəyə bilmir, belə ki, onun adına olan bütün əmlak Hafiz Məmmədov adlı şəxsdədir. Bundan başqa, daha əvvəl tələbkar M.Cəfərovun atası onun şəriki olmuşdur. Həmçinin bildirmişdir ki, o üçüncü qrup əlildir, korona xəstəliyindən təzə sağalmışdır. Bundan başqa, o, şəkər və sinir xəstəliklərindən də əziyyət çəkir. Hazırda işləyir və icra məmuru tərəfindən onun əmək haqqısına hər-hansı yönəltmə olmamışdır. Göstərilənlərə əsasən barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında iştirak edən zərərçəkmiş şəxs M.İ.Cəfərov bildirmişdir ki, icra sənədinin icrasına başlayandan indiyənədək ona heç bir pul ödənilməmişdir. Borcunun tam ödənilməsini tələb edir. Göstərilənləri nəzərə alaraq borclu Şəxs barəsində müvafiq inzibati tənbeh tədbirinin tətbiq edilməsini məhkəmədən xahiş etmişdir. Məhkəmə iclasında iştirak edən zərərçəkmiş şəxs K.R.Kəngərli bildirmişdir ki, icra qeydinin icrasına başlayandan indiyənədək ona heç bir pul ödənilməmişdir. Borcunun tam ödənilməsini tələb edir. Göstərilənləri nəzərə alaraq borclu Şəxs barəsində müvafiq inzibati tənbeh tədbirinin tətbiq edilməsini məhkəmədən xahiş etmişdir. Məhkəmə inzibati xəta haqqında protokolu, ona əlavə edilmiş materialları nəzərdən keçirərək və proses iştirakçılarının izahatlarını dinləyərək hesab edir ki, materiallar natamam olduğundan, işə baxılarkən tamamlamaq mümkün olmadığından protokol Nəsimi rayon İcra və Probasiya şöbəsinə qaytarılmalıdır. Belə ki, məhkəmə iclasında müəyyən edilmişdir ki, icra sənədi icra şöbəsinin icraatına daxil olduqdan sonra borclunun gəlirləri və əmlak vəziyyəti barədə tam araşdırma aparılmamışdır. İcra məmuru tərəfindən müvafiq orqanlara borclu Şəxs mülkiyyətində hər hansı daşınar və ya daşınmaz əmlakının, banklarda hesablarının olub-olmaması, sığortaolunan və ya əmək pensiyaçısı kimi qeydiyyata alınıb-alınmaması barədə aidiyyatı təşkilatlara sorğular verilmiş, lakin heç bir əmlak və ya gəlir aşkar edilməmişdir. Lakin qeyd edilən araşdırmalar aparılsa da, icra məmuru tələbin borclu Şəxs əmək haqqısına yönəldilməsi ilə bağlı heç bir icra hərəkəti etməmişdir. Göstərilənlərə əsasən hazırki halda iş üzrə toplanmış materiallara əsasən icra sənədi üzrə tələbin barəsində inzibati xəta haqqında iş üzrə icraat aparılan Şəxs tərəfindən qərəzli və ya üzürsüz səbəbdən icra edilməməsini məhkəmə iclasında müəyyən etmək mümkün olmamışdır. Azərbaycan Respublikasının İXM-nin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Göstərilənlərə əsasən məhkəmə hesab edir ki, barəsində inzibati xəta haqqında iş üzrə icraat aparılan Şəxs Azərbaycan Respublikasının İnzibati Xətalar Məcəlləsinin 528.1ci maddəsi ilə nəzərdə tutulan inzibati xətanı törətməsinə dair inzibati xəta haqqında protokol və toplanmış material natamam olduğundan, həmin materiallar əsasında barəsində inzibati xəta haqqında iş üzrə icraat aparılan şəxsin icra sənədinin icrasından yayınmasının qərəzli olub-olmamasını müəyyən etmək mümkün olmadığından, mövcud natamamlıqları işə baxılarkən tamamlamaq mümkün olmadığından protokol və toplanmış material Bakı şəhəri Nəsimi rayon İcra şöbəsinə qaytarılmalıdır. Qeyd olunanları və Azərbaycan Respublikasının İnzibati Xətalar Məcəlləsinin 40, 100, 109, 110 və 114-cü maddələrini rəhbər tutaraq, məhkəmə QƏRARA ALDİ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair inzibati xəta haqqında protokol və toplanmış material Bakı şəhəri Nəsimi rayon İcra şöbəsinə qaytarılsın. Hakim: Azər Tağıyev