Bakı Şəhəri Nəsimi Rayon Məhkəməsi Qərar — İş №3(006)-7586/2025

Azərbaycan Respublikası adından QƏRAR Bakı şəhəri İş № 3(006)-7586/2025 19.12.2025 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclasının katibi Qasımova Leyla Nurəddin qızının katibliyi Barəsində inzibati xəta haqqında iş üzrə icraat aparılan hüquqi şəxsin nümayəndəsi X3 iştirakı ilə, "xxxx" Məhdud Məsuliyyətli Cəmiyyəti (hüquqi ünvanı: Bakı şəhəri, Nəsimi rayonu, 28 May, ev 71-77; VÖEN **********) barəsində Azərbaycan Respublikası İnzibati Xətalar Məcəlləsinin 347-ci maddəsi üzrə tərtib olunmuş xx.xx.2025-ci il tarixli, İXP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏNETDİ: Bakı şəhəri Nəsimi Rayon Polis İdarəsindən daxil olmuş xx.xx.2025-ci il tarixli, İXP ******* saylı inzibati xəta haqqında protokola görə "xxxx" MMC-nin mülkiyyətində olan «CHEVROLET MALİBU MİNİK» markalı, 77YK330 dövlət qeydiyyat nişanlı avtomobillə xx.xx.2025-ci il tarixdə, saat 01:37-də inzibati xətanı törətmiş fiziki şəxs barəsində olan sorğuya qanunvericiliklə müəyən edilmiş 5 gün müddətində məlumat verməmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxsin nümayəndəsi X4 izahatında bildirmişdir ki, xx.xx.2025-ci il tarixində daxil olan İXM-nin 346.1-ci maddəsi (2499569) və 328.1-ci maddəsi (2506527) üzrə elektron protokolların **-YK-*** dövlət qeydiyyat nişanlı Chevrolet Malibu markalı nəqliyyat vasitəsinin sürücüsü X1 adına aid edilməsi barədə xx.xx.2025-ci il tarixli 1708/25 nömrəli cavab məktubu tərtib edilmiş, poçt vasitəsilə göndərilərək məktub qəbul edilmişdir. Hesab edirik ki, məktubun daxil olma tarixi xx.xx.2025-ci il, cavab məktubunun göndərilmə tarixi xx.xx.2025-ci il olmasına əsaslanaraq 5 gün müddət ötürülməmişdir. Sadəcə texniki səhv olaraq cavab məktubu ilk əvvəl Bakı şəhəri Xətai RPİ-nə göndərilmişdir. Lakin sonradan qeyd olunan məktub Bakı şəhəri Nəsimi RPİ-nə də göndərilmişdir. Göstərilənləri nəzərə alaraq iş üzrə icraata xitam verilməsini xahiş etmişdir. Məhkəmə iclasının vaxtı və yeri barədə məlumatlandırılması üzrə görülmüş tədbirlərə baxmayaraq inzibati xəta haqqında protokolu tərtib etmiş qurumun nümayəndəsi məhkəməyə gəlməmiş, bunun səbəbləri barədə məhkəməyə məlumat verilməmişdir. Məhkəmə işə inzibati xəta haqqında protokolu tərtib etmiş qurumun nümayəndəsinin iştirakı olmadan baxılmasını mümkün hesab etmişdir. İş materiallarında olan Bakı şəhər Nəsimi Rayon Polis İdarəsinin Dövlət Yol Polisi Şöbəsinin məktubu və müvafiq xəbərnamədən görünür ki, "xxxx" MMC-yə məxsus «CHEVROLET MALİBU MİNİK» markalı, 77YK330 dövlət qeydiyyat nişanlı avtomobil ilə xx.xx.2025-ci il tarixdə, saat 01:37-də İnzibati Xətalar Məcəlləsinin 346.1-ci maddəsində nəzərdə tutulmuş xətanı törədən şəxs barəsində şöbəyə 5 gün ərzində məlumatın verilməsi xahiş olunmuş, bununla bağlı göndərilmiş məktub xx.xx.2025-ci il tarixdə "xxxx" MMC-yə çatdırılmışdır. İş materiallarında olan "xxxx" MMC-nin xx.xx.2025-ci il tarixli, 1708/2025 saylı məktubdan görünür ki, “CHEVROLET MALİBU MİNİK” markalı, 77YK330 dövlət qeydiyyat nişanlı nəqliyyat vasitəsini idarə edən sürücü X2r (AD 227765). Beləliklə aydın olur ki, "xxxx" MMC-nin mülkiyyətində olan “CHEVROLET MALİBU MİNİK” markalı, 77YK330 dövlət qeydiyyat nişanlı avtomobillə xx.xx.2025-ci il tarixdə, saat 01:37-də inzibati xətanı törətmiş fiziki şəxs barəsində məlumatın verilməsinə dair sorğu xx.xx.2025-ci il tarixdə "xxxx" MMC-nin ünvanına daxil olmuş, həmin sorğuya "xxxx" MMC tərəfindən xx.xx.2025-ci il tarixində cavab verilmişdir. Belə olan halda isə iş üzrə inzibati xəta hadisəsi mövcud deyil. Azərbaycan Respublikası İXM-nin 347-ci maddəsi hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə məsuliyyət müəyyən edir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Bu Məcəllənin 53.1.1-ci maddəsinin tələbinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq QƏRARAALDİ: "xxxx" MMC barəsində İnzibati Xətalar Məcəlləsinin 347-ci maddəsi ilə başlanmış inzibati xəta haqqında iş üzrə icraata xitam verilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən Solmaz Mustafayeva