Bakı Şəhəri Nəsimi Rayon Məhkəməsi Qərar — İş №3(006)-864/2020

Azərbaycan Respublikası adından QƏRAR Bakı şəhəri İş № 3(006)-864/2020 07.08.2020 BAKI ŞƏHƏRİ NƏSİMİ RAYON MƏHKƏMƏSİ Nəsimi rayon məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mustafayeva İlhamə Mövlan qızının katibliyi ilə Şəxs barəsində Bakı şəhəri Nəsimi rayon Polis İdarəsi tərəfindən daxil olmuş inzibati xəta haqqında materiallara baxaraq məhkəmə m ü ə y yən e t d i : Şəxs xx.xx.2020-ci il tarixində, saat 20:50 radələrində özünə məxsus, texniki cəhətdən saz vəziyyətdə olan “BMW” markalı, ** DG *** dövlət qeydiyyat nişanlı avtomaşınla Nəsimi rayonu, Cavadxan küçəsi ilə üzü 4-cü mikrorayon dairəsi istiqamətində hərəkət edərək, yol kəsişməsində sağ istiqamətdə H.Seyidzadə küçəsinə doğru hərəkətini davam edərkən, ehtiyatsızlıq nəticəsində avtomaşının idarəetməni itirib qarşı əks istiqamətli yolda qoşa xətti keçərək svetaforun qırmızı işığında gözləyən sürücü Zərərçəkmiş şəxs İrşad qızının idarə etdiyi “Nissan” markalı, ** LK *** dövlət qeydiyyat nişanlı avtomaşının ön sol hissəsindən idarə etdiyi avtomaşının ön hissəsi ilə toqquşmuş, nəticədə Zərərçəkmiş şəxs İrşad qızına yüngül bədən xəsarətinin yetirilməsinə səbəb olan yol-nəqliyyat hadisəsi törətmişdir. Məhkəmə iclasının yeri və vaxtı barədə qanunla müəyyən olunmuş qaydada xəbərdarlıq edilməsinə baxmayaraq barəsində inzibati icraat aparılan Şəxs, Zərərçəkmiş şəxs məhkəmə iclasına gəlməmiş və gəlməmələrinin səbəbi barədə məhkəməyə məlumat verməmişlər. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə Şəxs, Zərərçəkmiş şəxs iştirakı olmadan baxılmasını mümkün hesab edir. İşdə olan video görüntülərə baxış keçirilməsi barədə xx.xx.2020-ci il tarixli protokoldan görünür ki, yol-nəqliyyat hadisəsi faktı əsasında toplanmış material ilə əlaqədar olaraq, TŞ-3-003 saylı videomüşahidə kamera görtüntülərinə baxış keçirilmiş və baxış zamanı xx.xx.2020-ci il tarixdə saat 19:49-da “BMV” markalı, **-DG-*** dövlət qeydiyyat nişanlı avtomaşın Nəsimi rayonu, Cavadxan küçəsi ilə 4-cü mikrorayon dairəsi istiqamətdə hərəkət edərək sağ istiqamətdə H.Seyidzadə küçəsinin yolayırıcında hərəkətini davam etdirdikdə H.Seyidzadə küçəsində qoşa xətti kəsməklə yolun əks istiqamətində svetaforun qırmızı siqnalında gözləyən “Nissan” markalı avtomobilə ön hissədən toqquşaraq yol nəqliyyat hadisəsi baş vermişdir. İşdə olan Azərbaycan Respublikası Səhiyyə Nazirliyi Məhkəmə-Tibbi Ekspertiza və Pataloji Anatomiya ETT Birliyi tərəfindən verilən 188 saylı xx.xx.2020-ci il tarixli canlı şəxsin məhkəmə-tibbi müayinəsindən görünür ki, 1996-cı il təvəllüdlü Zərərçəkmiş şəxs bədənində aşkar edilmiş xəsarətlər - sağ gicgah nahiyəsinin qapalı kəllə-beyin travması və baş beyin silkələnməsi ilə müşayiət olunaı qançır-şişkinliyi, sağ baldırın qançırı və sağ əlin İ barmağının sıyrığı bərk küt əşyamı (əşyaların) təsirindən müayinədən 1-2 gün əvvvəl əmələ gəlmişdirlər, onun tibbi yardın üçün Baş Sİ-nin X3 müraciət etdiyi və qərarın təsviri hissəsində göstərilən xx.xx.2020-ci il tarixdə əmələ gələ bilərdilər və dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa YÜNGÜL zərər vurmaya aiddirlər. Zərərçəkmiş şəxs bədənində aşkar edilmiş xəsarətlərin xarakterini və lokalizasiyasını nəzərə alaraq demək olar ki, həmin xəsarətlərin qərarın təsviri hissəsində göstərilən şəraitdə, yəni yol-nəqliyyat hadisəsi nəticəsində əmələ gələ bilmələri mümkündür. Bakı şəhəri Nəsimi rayon X2 Şöbəsinin baş təhqiqatçısı Babək Mirzəyev tərəfindən qəbul edilmiş xx.xx.2020-ci il tarixli cinayət işinin başlanmasının rədd edilməsi haqqında qərara əsasən yuxarıda qeyd edilmiş hadisə ilə bağl toplanmış material üzrə cinayət işinin başlanması rədd edilmişdir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır.Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzabat xəta haqqında iş üzrə materialları araşdırıb, sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 327.8ci maddəsində nəzərdə tutulmuş əməli törətməsi təhqiqat zamanı özünün və zərərçəkmiş şəxsin izahatları, Nəsimi rayon Polis İdarəsi DYPŞ-nin YNH üzrə inspektoru X1 tərəfindən tərtib edilmiş xx.xx.2020-ci il tarixli, AP ******* nömrəli inzibati xəta haqqında protokol və digər iş materialları ilə sübuta yetirilir. Azərbaycan Respublikası İnzibati Xətalar Məcəlləsinin 38.1-ci maddəsinə əsasən inzibati tənbeh inzibati xətanın törədildiyi gündən ən geci üç ay keçənədək verilə bilər. Yol hərəkəti qaydaları, gömrük qaydaları, ətraf mühitin qorunması qaydaları, xarici dövlətlərin qeyri-hökumət təşkilatlarının filial və ya nümayəndəliklərinin fəaliyyət göstərməsi qaydaları, qrant müqavilələrinin (qərarlarının) qeydə alınması qaydaları, eləcə də maliyyə, vergilərin və rüsumların ödənilməsi qaydaları əleyhinə olan inzibati xətalara görə, habelə hüquqi şəxslərin dövlət reyestri üçün zəruri məlumatların verilməməsinə, qeyri-hökumət təşkilatları haqqında və cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulmasına görə inzibati tənbeh inzibati xətanın törədildiyi gündən ən geci bir il keçənədək verilə bilər. Məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 38-1-ci maddəsində nəzərdə tutulmuş xətanı törətməsi məhkəmə baxışı zamanı təsdiq edilsə də, inzibati xətanın törədilməsindən, həmçinin cinayət işinin başlanmasının rədd edilməsinə dair qərarın qəbul edilməsindən3 aydan artıq müddət keçdiyindən, ona inzibati tənbeh verilə bilməz, onun barəsində inzibati iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 53.0.6-ci maddəsinə əsasən bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 114.2.1-ci maddəsinə əsasən inzibati xətalar haqqında işlərə baxılarkən bu Məcəllənin 53-cü maddəsində nəzərdə tutulan hallardan biri mövcud olduqda iş üzrə icraata xitam verilməsi haqqında qərar çıxarılır. Beləliklə iş materiallarını araşdırıb, iş üzrə toplanmış sübutlara hüquqi qiymət verərək məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş xətanı törətməkdə təqsirli bilinməli, lakinAzərbaycan Respublikası İnzibati Xətalar Məcəlləsinın 38-ci maddəsində nəzərdə tutulmuş müddət keçdiyindən iş üzrə icraata xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 53, 49-51, 105, 115 və 128-129-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinsin və inzibati məsuliyyətə cəlb etmə müddəti başa çatdığından inzibati xəta haqqında iş üzrə icraata xitam verilsin. Qərarın surəti rəsmi qaydada alındığı gündən 10 (on) gün müddətində Bakı Apelyasiya Məhkəməsinə Nəsimi rayon məhkəməsi vasitəsi ilə şikayət və ya protest verilə bilər. Hakim: Elməddin Hüseynov