Bakı Şəhəri Nəsimi Rayon Məhkəməsi Qərar — İş №3(006)-959/2024

Azərbaycan Respublikası adından QƏRAR Bakı şəhəri İş № 3(006)-959/2024 29.02.2024 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri, Nəsimi rayon məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mustafayeva İlhamə Mövlan qızının katibliyi, protokolu tərtib etmiş Bakı şəhəri Nəsimi rayon X9 Şöbəsinin baş inspektoru X2, barəsində inzibati xəta haqqında iş üzrə icraat aparılan Şəxs iştirakları ilə xx.xx.2001-ci ildə Bakı şəhərində doğulmuş, Azərbaycan Respublikası vətəndaşı, orta təhsilli, subay, işləməyən, ünvan 1 ünvanında qeydiyyatda olan yaşayan Şəxs barəsində Azərbaycan Respublikası DİN Bakı şəhəri Nəsimi rayon Polis İdarəsi tərəfindən daxil olmuş inzibati xəta haqqında materiallara baxaraq məhkəmə müəyyən etdi: Şəxs xx.xx.2024-cü il tarixdə saat 06:30 radələrində etibarnaməsiz və sürücülük hüququ olmadan idarə etdiyi, “Toyota Prius” markalı **-FB-*** dövlət qeydiyyat nişanlı avtomobillə Nəsimi rayonu, 28 may küçəsi ilə gəlib Fikrət Əmirov küçəsinə dönən vaxt ehtiyatsızlıq edib gözləmədiyi üçün piyada keçidində piyada yolu keçən X5 vurması nəticəsində sonuncuya yüngül bədən xəsarəti yetirilməsinə səbəb olan yol-nəqliyyat hadisəsi törətmişdir. Məhkəmə iclasında barəsində inzibati xəta haqqında iş üzrə icraat aparılan Şəxs özünü təqsirli bilərək verdiyi izahatında göstərmişdir ki, o, əmisi X1 xahiş etmişdir ki, istifadəsində olan Toyoto Prius markalı **-FB-*** dövlət qeydiyyat nişanlı avtomobili ona sürüb pul qazanması üçün versin. Əmisi xx.xx.2024-cü il tarixdə saat 05:30 radələrində avtomobili ona vermişdir. O, xx.xx.2024-cü il tarixdə saat 06:30 radələrində etibarnaməsiz və sürücülük hüququ olmadan idarə etdiyi Toyoto Prius markalı **-FB-*** dövlət qeydiyyat nişanlı avtomobillə Nəsimi rayonu 28 may küçəsi ilə gəlib Fikrət Əmirov küçəsinə dönən vaxt piyada keçidində piyada yolu keçən X3 vurmuş, o, yerə yıxılmışdır. O, maşını saxlamış, ona yaxınlaşmış, onu maşına əyləşdirmək istəmiş, o, razılaşmamışdır. Sonra DİN-nin 102 xidmətinə məlumat vermiş, sonra onu maşına əyləşdirib KTM-ə aparmış, orada müayinə olunmuşdur. Maşının surəti 7-8 km olmuşdur. Maşına ziyan dəyməmişdir. Törətdiyi inzibati xətadan peşmandır. Qeyd olunanları nəzərə alaraq barəsində daha yüngül cəza təyin edilməsini xahiş etmişdir. Məhkəmə iclasında inzibati xəta haqqında protokolu tərtib etmiş X4 izahatında bildirmişdir ki, Şəxs xx.xx.2024-cü il tarixdə saat 06:30 radələrində etibarnaməsiz və sürücülük hüququ olmadan idarə etdiyi, “Toyota Prius” markalı **-FB-*** dövlət qeydiyyat nişanlı avtomobillə Nəsimi rayonu, 28 may küçəsi ilə gəlib Fikrət Əmirov küçəsinə dönən vaxt ehtiyatsızlıq edib gözləmədiyi üçün piyada keçidində piyada yolu keçən X3 vurması nəticəsində sonuncuya yüngül bədən xəsarəti yetirilməsinə səbəb olan yol-nəqliyyat hadisəsi törətmişdir. Bu səbəbdən də Şəxs barəsində inzibati xəta haqqında protokol tərtib edilərək baxılması üçün aidiyyətı üzrə məhkəməyə göndərilmişdir. Məhkəmə barəsində inzibati xəta haqqında iş üzrə icraat aparılan şəxsi və inzibati xəta haqqında protokolu tərtib etmiş şəxsi dinləyib, inzibati xəta haqqında iş üzrə materialları araşdırıb, sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş əməli törətməsi özünün etirafı, Bakı şəhəri Nəsimi rayon X9 Şöbəsinin baş inspektoru X4 tərəfindən tərtib edilmiş 29 fevral 2024-cü il tarixli, İXP ******* nömrəli inzibati xəta haqqında protokol və digər iş materialları ilə sübuta yetirilir. Məhkəmə inzibati xəta törətmiş şəxs Şəxs əməlindən səmimi peşman olmasını yüngülləşdirən hal kimi nəzərə alır. Məhkəmədə inzibati xəta törətmiş şəxs Şəxs məsuliyyətini ağırlaşdıran hallar müəyyən edilmədi. Azərbaycan Respublikası İnzibati Xətalar Məcəlləsinin 9.1-ci maddəsinin tələbinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsinin tələbinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati tənbeh tədbiri tətbiq edərkən inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin şəxsiyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 332.4-cü maddəsinin sanksiyasında nəzərdə tutulan cərimə növündə inzibati cəzanın tətbiq edilməsi məqsədə müvafiqdir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 49-51, 114-115, 117, 129 və 130-cu maddələrini rəhbər tutaraq məhkəmə q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş inzibati xətanın törətməkdə təqsirli bilinib, 500 (beş yüz) manat miqdarında inzibati qaydada cərimə edilsin. Qərarın surəti rəsmi qaydada alındığı gündən 10 (on) gün müddətində Bakı Apellyasiya Məhkəməsinə Nəsimi Rayon Məhkəməsi vasitəsi ilə şikayət verilə bilər. Hakim: Elməddin Hüseynov