Bakı Şəhəri Nizami Rayon Məhkəməsi Qərar — İş №3(007)-1025/2022

Azərbaycan Respublikası adından QƏRAR Bakı şəhəri İş № 3(007)-1025/2022 26.04.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, Bakı şəhəri Nizami rayon İcra Şöbəsinin böyük icra məmuru X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxx 1981-ci il tarixdə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanda qeydiyyatda olan, Şəxs barəsində Bakı şəhəri Nizami rayon İcra Şöbəsindən daxil olmuş inzibati xəta haqqında protokola və materiallara açıq məhkəmə iclasında baxaraq, MÜƏYYƏN E T D İ M: Bakı şəhəri Nizami rayon İcra Şöbəsinin rəisi ədliyyə müşaviri Rəşad Hacıyev tərəfindən qəbul edilmiş 26 aprel 2022-ci il tarixli (bir neçə icra sənədinin bir icraatda birləşdirilməsi haqqında) qərardan görünür ki, Bakı şəhəri Nizami rayon Məhkəməsinin 2 (007) 3851/2016 saylı xx.xx.2015-ci il tarixli icra sənədinə əsasən Şəxs cəmi 120,49 manat kreditor Bank "xxxx" ASC-nin xeyrinə tutulmalıdır; Bakı şəhəri Nizami rayon Məhkəməsinin 2 (007) 6815/2017 saylı xx.xx.2017-ci il tarixli icra sənədinə əsasən cavabdeh Şəxs "xxxx" MMC-nin xeyrinə 540 manat məbləğində borc tutulmalıdır; Bakı şəhəri 30 saylı Notariat Kontorunun 5966 nömrəli xx.xx.2020-ci il tarixli icra sənədinə əsasən Şəxs 895,96 manat məbləğində pul vəsaiti tutularaq tələbkar “X4” ASCnin xeyrinə ödənilməlidir. Bakı şəhəri Nizami rayon Məhkəməsinin 2 (007) 2420/2020-024 nömrəli xx.xx.2020-ci il tarixli icra sənədinə əsasən Şəxs 281,6 manat məbləğində pul vəsaiti tutularaq tələbkar Bank "xxxx" ASC-nin xeyrinə ödənilməlidir; Bakı şəhəri Nizami rayon Məhkəməsinin 2 (007) 3644/2021-003 nömrəli xx.xx.2021-ci il tarixli icra sənədinə əsasən Şəxs cəmi 177 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir; Bakı şəhəri 30 saylı Notariat Kontorunun 2938 nömrəli xx.xx.2022-ci il tarixli icra sənədinə əsasən Şəxs 885,64 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir. İnzibati işdə olan qərarlardan görünür ki, Bakı şəhəri Nizami rayon Məhkəməsinin 2 (007) 3851/2016 saylı xx.xx.2015-ci il tarixli, Bakı şəhəri Nizami rayon Məhkəməsinin 2 (007) 6815/2017 saylı xx.xx.2017-ci il tarixli, Bakı şəhəri 30 saylı Notariat Kontorunun 5966 nömrəli xx.xx.2020-ci il tarixli, Bakı şəhəri Nizami rayon Məhkəməsinin 2 (007) 2420/2020- 024 nömrəli xx.xx.2020-ci il tarixli, Bakı şəhəri Nizami rayon Məhkəməsinin 2 (007) 3644/2021-003 nömrəli xx.xx.2021-ci il tarixli və Bakı şəhəri 30 saylı Notariat Kontorunun 2938 nömrəli xx.xx.2022-ci il tarixli icra sənədləri Bakı şəhəri Nizami rayon İcra Şöbəsinin icraatına daxil olmuş və icra sənədlərinin icrasına başlanılmışdır. İnzibati işdə olan bildirişlərdən görünür ki, icra sənədləri üzrə borclu Şəxs tələbin könüllü icrası barədə məlumatlar göndərilmişdir. Bakı şəhəri Nizami rayon İcra Şöbəsinin böyük icra məmuru X2 tərəfindən tərtib olunmuş 26 aprel 2022-ci il tarixli MN № ******* saylı inzibati xəta haqqında protokoldan görünür ki, Şəxs barəsində olan “bir neçə icra sənədinin bir icraatda birləşdirilməsi haqqında” qərara əsasən borclarını ödəməmiş və bununla Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətmişdir. Məhkəmə iclasında icra məmuru X2 izahatında göstərmişdir ki, Bakı şəhəri Nizami rayon Məhkəməsinin 2 (007) 3851/2016 saylı xx.xx.2015-ci il tarixli icra sənədinə əsasən Şəxs cəmi 120,49 manat kreditor Bank "xxxx" ASC-nin xeyrinə tutulmalıdır; Bakı şəhəri Nizami rayon Məhkəməsinin 2 (007) 6815/2017 saylı xx.xx.2017-ci il tarixli icra sənədinə əsasən cavabdeh Şəxs "xxxx" MMC-nin xeyrinə 540 manat məbləğində borc tutulmalıdır; Bakı şəhəri 30 saylı Notariat Kontorunun 5966 nömrəli xx.xx.2020-ci il tarixli icra sənədinə əsasən Şəxs 895,96 manat məbləğində pul vəsaiti tutularaq tələbkar “X4” ASC-nin xeyrinə ödənilməlidir; Bakı şəhəri Nizami rayon Məhkəməsinin e-2 (007) 2420/2020-024 nömrəli xx.xx.2020-ci il tarixli icra sənədinə əsasən Şəxs 281,6 manat məbləğində pul vəsaiti tutularaq tələbkar Bank "xxxx" ASC-nin xeyrinə ödənilməlidir; Bakı şəhəri Nizami rayon Məhkəməsinin 2 (007) 3644/2021-003 nömrəli xx.xx.2021-ci il tarixli icra sənədinə əsasən Şəxs cəmi 177 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir; Bakı şəhəri 30 saylı Notariat Kontorunun 2938 nömrəli xx.xx.2022-ci il tarixli icra sənədinə əsasən Şəxs 885,64 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir. Həmin icra sənədləri Bakı şəhəri Nizami rayon İcra Şöbəsinin icraatına daxil olmuş və icra sənədlərinin icrasına başlanılmışdır. Borclu Şəxs icra sənədləri üzrə tələbin könüllü icrası barədə müvafiq məlumatlar göndərilmişdir. Lakin Şəxs xəbərdarlıq edilməsinə baxmayaraq icra vərəqələri üzrə ödəniş etməmişdir. Məhkəmə iclasında borclu Şəxs izahatında göstərmişdir ki, Bakı şəhəri Nizami rayon Məhkəməsinin 2(007) 3851/2016 saylı xx.xx.2015-ci il tarixli icra sənədinə əsasən cəmi 120,49 manat kreditor Bank "xxxx" ASC-nin, Bakı şəhəri Nizami rayon Məhkəməsinin 2 (007)-6815/2017 saylı xx.xx.2017-ci il tarixli icra sənədinə əsasən "xxxx" MMC-nin xeyrinə 540 manat, Bakı şəhəri 30 saylı Notariat Kontorunun 5966 nömrəli xx.xx.2020-ci il tarixli icra sənədinə əsasən 895,96 manat tələbkar “X4” ASC-nin, Bakı şəhəri Nizami rayon Məhkəməsinin e-2 (007) 2420/2020-024 nömrəli xx.xx.2020-ci il tarixli icra sənədinə əsasən 281,6 manat tələbkar Bank "xxxx" ASC-nin, Bakı şəhəri Nizami rayon Məhkəməsinin 2 (007) 3644/2021-003 nömrəli xx.xx.2021-ci il tarixli icra sənədinə əsasən cəmi 177 manat tələbkar "xxxx" MMC-nin, Bakı şəhəri 30 saylı Notariat Kontorunun 2938 nömrəli xx.xx.2022-ci il tarixli icra sənədinə əsasən 885,64 manat tələbkar "xxxx" MMC-nin xeyrinə ondan tutulmalıdır. Həmin icra sənədlərinin icrası ilə əlaqədar "xxxx" MMC-yə olan 540 manat borcunu ödəmişdir. Digər icra sənədləri üzrə olan borcunu da ödəyəcəkdir. Barəsində başlanmış inzibati iş üzrə icraata xitam verilməsini xahiş etmişdir. Məhkəmə, inzibati xəta haqqında protokolu daxil olmuş iş materialları ilə əlaqəli araşdırıb, tərəflərin izahatını dinləyərək hesab edir ki, Şəxs barəsində Azərbaycan Respublikası İXM-nin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. İşə əlavə olunmuş ödəniş qəbzindən görünür ki, Şəxs Bakı şəhəri Nizami rayon Məhkəməsinin 2 (007) 6815/2017 saylı xx.xx.2017-ci il tarixli icra sənədinə əsasən "xxxx" MMC-nin xeyrinə 540 manat borcunu ödəmişdir. Məhkəmə hesab edir ki, Şəxs Bakı şəhəri Nizami rayon Məhkəməsinin 2 (007) 6815/2017 saylı xx.xx.2017-ci il tarixli icra sənədi üzrə borcunu tam ödəməsi, icra məmurunun qanuni tələblərini üzürsüz səbəbdən icra etməmə kimi qiymətləndirilə bilməz. Odur ki, Şəxs barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2 və 114.2.1-ci maddələrinə əsasən, inzibati xəta haqqında işə baxılarkən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə yuxarıda qeyd olunan xüsusatları və qanunvericiliyin tələblərini nəzərə alaraq hesab edir ki, borclu Şəxs barəsində tərtib olunmuş 26 aprel 2022-ci il tarixli MN № ******* saylı inzibati xəta haqqında protokol üzrə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış iş üzrə icraata xitam verilməlidir. Yuxarıda göstərilənləri və Azərbaycan Respublikası İnzibati Xətalar Məcəlləsinin 40, 43, 53, 105.1, 114, 115, 128-130-cu maddələrini rəhbər tutaraq, QƏRARA A L D İ M: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Rauf Əhmədov