Bakı Şəhəri Nizami Rayon Məhkəməsi Qərar — İş №3(007)-1047/2022

Azərbaycan Respublikası adından QƏRAR Bakı şəhəri İş № 3(007)-1047/2022 05.05.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, Bakı şəhəri Nizami rayon İcra Şöbəsinin icra məmuru X1, tələbkar X3 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxxx 1983-cü il tarixdə Saatlı rayonunun Əliabad kəndində anadan olmuş, Azərbaycan Respublikasının vətəndaşı, ünvan 1 ünvanda qeydiyyatda olan, Şəxs barəsində Bakı şəhəri Nizami rayon İcra Şöbəsindən daxil olmuş inzibati xəta haqqında protokola və materiallara açıq məhkəmə iclasında baxaraq, MÜƏYYƏN E T D İ M: İnzibati xəta haqqında iş üzrə icraat materiallarına və Bakı şəhəri Xətaİ rayon Məhkəməsinin 2(011)-2480/2021 saylı xx.xx.2021-ci il tarixli icra vərərqəsinə əsasən, xx.xx.2020-ci il təvəllüdlü X5 yetkinlik yaşına çatanadək saxlanılması üçün Şəxs xx.xx.2021-ci tarixdən hesablanmaqla hər ay 175 manat sabit pul məbləğində aliment alınaraq X4 ödənilməlidir. xx.xx.2020-ci il təvəllüdlü X5 3 yaşına çatanadək, yəni xx.xx.2023-cü il tarixədək Şəxs xx.xx.2021-ci tarixdən hesablanmaqla hər ay 80 manat məbləğində sabit pul şəkilində aliment alınaraq X4 ödənilməlidir. İnzibati işdə olan qərardan görünür ki, Bakı şəhəri Xətaİ rayon Məhkəməsinin 2(011)- 2480/2021 saylı xx.xx.2021-ci il tarixli icra vərərqəsi 19 mart 2021-ci il tarixdə Bakı şəhəri Nizami rayon İcra Şöbəsinin icraatına daxil olmuş və icra sənədinin icrasına başlanılmışdır. İnzibati işdə olan bildirişdən görünür ki, icra sənədi üzrə borclu Şəxs tələbin könüllü icrası barədə məlumat göndərilmişdir. Bakı şəhəri Nizami rayon İcra Şöbəsinin icra məmuru X2 tərəfindən tərtib olunmuş 27 aprel 2022-ci il tarixli MN № ******* saylı inzibati xəta haqqında protokoldan görünür ki, Şəxs Bakı şəhəri Xətaİ rayon Məhkəməsinin 2 (011) 2480/2021 saylı xx.xx.2021-ci il tarixli icra vərərqəsi üzrə yaranmış 3570 manat borcu tələbkarın xeyrinə ödəməmiş və bununla Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətmişdir. Məhkəmə iclasında icra məmuru X2 izahatında göstərmişdir ki, Bakı şəhəri Xətaİ rayon Məhkəməsinin 2 (011) 2480/2021 saylı xx.xx.2021-ci il tarixli icra vərərqəsinə əsasən, xx.xx.2020-ci il təvəllüdlü X5 yetkinlik yaşına çatanadək saxlanılması üçün Şəxs xx.xx.2021-ci tarixdən hesablanmaqla hər ay 175 manat sabit pul məbləğində aliment alınaraq X4 ödənilməlidir. xx.xx.2020-ci il təvəllüdlü X5 3 yaşına çatanadək, yəni xx.xx.2023-cü il tarixədək Şəxs xx.xx.2021-ci tarixdən hesablanmaqla hər ay 80 manat məbləğində sabit pul şəkilində aliment alınaraq X4 ödənilməlidir. İcra sənədi Bakı şəhəri Nizami rayon İcra Şöbəsinin icraatına daxil olmuş və icra sənədinin icrasına başlanılmışdır. Borclu Şəxs icra sənədi üzrə tələbin könüllü icrası barədə müvafiq bildiriş göndərilmişdir. Lakin, Şəxs xəbərdarlıq edilməsinə baxmayaraq icra vərəqəsi üzrə yığılmış borcunu ödəməmişdir. Məhkəmə iclasında tələbkar X6 izahatında göstərmişdir ki, Bakı şəhəri Xətaİ rayon Məhkəməsinin 2 (011) 2480/2021 saylı xx.xx.2021-ci il tarixli icra vərərqəsinə əsasən, xx.xx.2020-ci il təvəllüdlü X5 yetkinlik yaşına çatanadək saxlanılması üçün Şəxs xx.xx.2021-ci tarixdən hesablanmaqla hər ay 175 manat sabit pul məbləğində aliment və xx.xx.2020-ci il təvəllüdlü X5 3 yaşına çatanadək, yəni xx.xx.2023-cü il tarixədək Şəxs xx.xx.2021-ci tarixdən hesablanmaqla hər ay 80 manat məbləğində sabit pul şəkilində aliment alınaraq ona ödənilməlidir. İcra sənədi üzrə Şəxs 3570 manat aliment borcu yığılmışdır. Hazırda həmin borcdan Şəxs ona 1000 manat ödəmiş və 2570 manat borc qalmışdır. Bunun nəzərə alınmasını xahiş etmişdir. Məhkəmə iclasında borclu Şəxs izahatında göstərmişdir ki, Bakı şəhəri Xətaİ rayon Məhkəməsinin 2 (011) 2480/2021 saylı xx.xx.2021-ci il tarixli icra vərərqəsinə əsasən öhdəliyində olan 3570 manat aliment borcundan hazırda həmin borcdan 1000 manat ödəmiş və digər qalan 2570 manat borcu isə qısa müddət ərzində ödəyəcəkdir. Barəsində başlanmış inzibati iş üzrə icraata xitam verilməsini xahiş etmişdir. Məhkəmə, inzibati xəta haqqında protokolu daxil olmuş iş materialları ilə əlaqəli araşdırıb, tərəflərin izahatını dinləyərək hesab edir ki, Şəxs barəsində Azərbaycan Respublikası İXM-nin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. İşə əlavə olunmuş ödəniş qəbzlərindən və sənədlərdən görünür ki, Şəxs Bakı şəhəri Xətaİ rayon Məhkəməsinin 2(011)-2480/2021 saylı, xx.xx.2021-ci il tarixli icra vərərqəsi üzrə yığılmış 3570 manat aliment borcundan tələbkara 1000 manat ödəniş etmişdir. Məhkəmə hesab edir ki, Şəxs Bakı şəhəri Xətaİ rayon Məhkəməsinin 2(011)- 2480/2021 saylı xx.xx.2021-ci il tarixli icra vərərqəsi üzrə ödəniş etməsi, icra məmurunun qanuni tələblərini üzürsüz səbəbdən icra etməmə kimi qiymətləndirilə bilməz. Odur ki, Şəxs barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2 və 114.2.1-ci maddələrinə əsasən, inzibati xəta haqqında işə baxılarkən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə yuxarıda qeyd olunan xüsusatları və qanunvericiliyin tələblərini nəzərə alaraq hesab edir ki, borclu Şəxs barəsində tərtib olunmuş 27 aprel 2022-ci il tarixli MN № ******* saylı inzibati xəta haqqında protokol üzrə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış iş üzrə icraata xitam verilməlidir. Yuxarıda göstərilənləri və Azərbaycan Respublikası İnzibati Xətalar Məcəlləsinin 40, 43, 53, 105.1, 114, 115, 128-130-cu maddələrini rəhbər tutaraq, QƏRARA A L D İ M: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Rauf Əhmədov