Bakı Şəhəri Nizami Rayon Məhkəməsi Qərar — İş №3(007)-1049/2022

Azərbaycan Respublikası adından QƏRAR Bakı şəhəri İş № 3(007)-1049/2022 27.04.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, Bakı şəhəri Nizami rayon İcra Şöbəsinin icra məmuru X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1968-ci il tarixdə Beyləqan rayonunda anadan olmuş, Azərbaycan Respublikasının vətəndaşı, Bakı şəhəri, Nizami rayonu, Babək prospekti, ev 71, mənzil 2də yaşayan, Şəxs barəsində Bakı şəhəri Nizami rayon İcra Şöbəsindən daxil olmuş inzibati xəta haqqında protokola və materiallara açıq məhkəmə iclasında baxaraq, MÜƏYYƏN E T D İ M: İnzibati xəta haqqında iş üzrə icraat materiallarından və Bakı şəhəri Sabunçu rayon Məhkəməsinin 2(008)-3833/2016 saylı, xx.xx.2016-cı il tarixli icra vərəqəsindən görünür ki, cavabdehlər X2, X3 və Şəxs müştərək qaydada iddiaçı "xxxx" QSC-nin xeyrinə 957,27 ABŞ dolları məbləğində kredit borcu, 3074,03 ABŞ dolları məbləğində faiz borcu və 200 ABŞ dolları məbləğində cərimə, cəmi 12811,30 ABŞ dolları (ödəniş günü Azərbaycan Respublikası Mərkəzi Bankının müəyyən etdiyi məzənnəyə uyğun manatla) məbləğində pul və ödənilmiş 20 manat məbləğində dövlət rüsumu tutulmalıdır. İnzibati işdə olan qərardan görünür ki, Bakı şəhəri Sabunçu rayon Məhkəməsinin 2(008)-3833/2016 saylı, xx.xx.2016-cı il tarixli icra vərəqəsi Bakı şəhəri Nizami rayon İcra Şöbəsinin icraatına daxil olmuş və icra sənədinin icrasına başlanılmışdır. İnzibati işdə olan bildirişdən görünür ki, icra sənədi üzrə borclu Şəxs tələbin könüllü icrası barədə məlumatlar göndərilmişdir. Bakı şəhəri Nizami rayon İcra Şöbəsinin icra məmuru X4 tərəfindən tərtib olunmuş 27 aprel 2022-ci il tarixli MN № ******* saylı inzibati xəta haqqında protokoldan görünür ki, protokolda X2, X3 və Şəxs 12811,30 ABŞ dollarının tutularaq AccessBank” QSC-yə ödənilməli olduğu qeyd edilmişdir. Nəticə etibarı ilə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanın kimin tərəfindən törədilməsi qrafasında isə heç bir qeyd aparılmamışdır. Həmçinin Şəxs bankla razılıq əldə edib ödəniş olunacağını bildirdiyi protokolda qeyd olunmuşdur. Məhkəmə iclasında icra məmuru X4 izahatında göstərmişdir ki, Bakı şəhəri Sabunçu rayon Məhkəməsinin 2(008)-3833/2016 saylı xx.xx.2016-cı il tarixli icra vərəqəsinə əsasən, cavabdehlər X2, X3 və Şəxs müştərək qaydada iddiaçı "xxxx" QSC-nin xeyrinə 957,27 ABŞ dolları məbləğində kredit borcu, 3074,03 ABŞ dolları məbləğində faiz borcu və 200 ABŞ dolları məbləğində cərimə, cəmi 12811,30 ABŞ dolları (ödəniş günü Azərbaycan Respublikası Mərkəzi Bankının müəyyən etdiyi məzənnəyə uyğun manatla) məbləğində pul və ödənilmiş 20 manat məbləğində dövlət rüsumu tutulmalıdır. İcra sənədi üzrə iki dəfə 200 ABŞ dolları olmaqla cəmi 400 ABŞ dolları ödəniş olunmuşdur. Faktla bağlı tərəfindən inzibati xəta haqqında protokol tərtib edilmişdir. Məhkəmə iclasında borclu Şəxs izahatında göstərmişdir ki, Bakı şəhəri Sabunçu rayon Məhkəməsinin 2(008)-3833/2016 saylı, xx.xx.2016-cı il tarixli icra vərəqəsinə əsasən, cavabdehlər X2, X3 və ondan müştərək qaydada iddiaçı "xxxx" QSC-nin xeyrinə 957,27 ABŞ dolları məbləğində kredit borcu, 3074,03 ABŞ dolları məbləğində faiz borcu və 200 ABŞ dolları məbləğində cərimə, cəmi 12811,30 ABŞ dolları (ödəniş günü Azərbaycan Respublikası Mərkəzi Bankının müəyyən etdiyi məzənnəyə uyğun manatla) məbləğində pul və ödənilmiş 20 manat məbləğində dövlət rüsumu tutulmalıdır. İcra sənədi üzrə xx.xx.2022 və xx.xx.2022-ci il tarixlərdə hər biri 200 ABŞ dolları olmaqla cəmi 400 ABŞ dolları ödəniş olunmuşdur. Barəsində başlanmış inzibati iş üzrə icraata xitam verilməsini xahiş etmişdir. Məhkəmə, inzibati xəta haqqında protokolu daxil olmuş iş materialları ilə əlaqəli araşdırıb, tərəflərin izahatını dinləyərək hesab edir ki, Şəxs barəsində Azərbaycan Respublikası İXM-nin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. İşə əlavə olunmuş ödəniş qəbzlərindən görünür ki, xx.xx.2022-ci il tarixdə 200 ABŞ dolları və xx.xx.2022-ci il tarixdə 200 ABŞ dolları olmaqla cəmi 400 ABŞ dolları məbləğində vəsait X2 tərəfindən "xxxx" QSC-nin xeyrinə ödənilmişdir. Məhkəmə qeyd edir ki, Bakı şəhəri Sabunçu rayon Məhkəməsinin 2 (008) 3833/2016 saylı xx.xx.2016-cı il tarixli icra sənədi üzrə tələbkara ödənişin edilməsi faktı onu göstərir ki, borclu tərəfindən məhkəmə qərarının icrası ilə əlaqədar icra məmurunun qanuni tələbinin yerinə yetirilməsindən yayınma istisna edilir. Odur ki, Şəxs barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2 və 114.2.1-ci maddələrinə əsasən, inzibati xəta haqqında işə baxılarkən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə yuxarıda qeyd olunan xüsusatları və qanunvericiliyin tələblərini nəzərə alaraq hesab edir ki, borclu Şəxs barəsində tərtib olunmuş 27 aprel 2022-ci il tarixli MN № ******* saylı inzibati xəta haqqında protokol üzrə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış iş üzrə icraata xitam verilməlidir. Yuxarıda göstərilənləri və Azərbaycan Respublikası İnzibati Xətalar Məcəlləsinin 40, 43, 53, 105.1, 114, 115, 128-130-cu maddələrini rəhbər tutaraq, QƏRARA A L D İ M: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Rauf Əhmədov