Bakı Şəhəri Nizami Rayon Məhkəməsi Qərardad — İş №3(007)-1095/2020

Azərbaycan Respublikası adından QƏRARDAD Bakı şəhəri İş № 3(007)-1095/2020 21.08.2020 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, məhkəmə iclas katibi Ələsgərova Aytac Hikmət qızının katibliyi, Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsinin nümayəndəsi X2, Şəxs MMC-nin nümayəndəsi X1 iştirakı ilə, X6 tərəfindən Azərbaycan Respublikası İXM-nin 211.2-ci maddəsində nəzərdə tutulmuş inzibati xətanın törədilməsinə dair Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsindən daxil olmuş inzibati xəta haqqında materiala baxaraq, M Ü Ə Y Y Ə N E T D İ: Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsindən daxil olmuş inzibati xəta haqqında materiala əsasən xx.xx.2020-ci il tarixdə saat 14:58-də Bakı şəhəri, Nizami rayonu, Q.Qarayev prospekti 39A ünvanında yerləşən “Rahat” marketdə epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı tələblər pozulmuşdur. Bu barədə Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsinin dövlət vergi müfəttişləri F.S.Muradzadə və İ.Q.Məmmədov tərəfindən xx.xx.2020-ci il tarixdə MN seriyalı, ******* nömrəli inzibati xəta haqqında protokol tərtib edilmişdir. Məhkəmə iclasında Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsinin nümayəndəsi X5 inzibati xəta haqqında protokolun məzmununa uyğun izahat vermiş və əlavə olaraq bildirmişdir ki, inzibati xəta haqqında protokol hüquqi şəxs Şəxs MMC-nin barəsində tərtib edilmişdir. Məhkəmə iclasında Şəxs MMC-nin nümayəndəsi X4 izahat verərək bildirmişdir ki, inzibati xəta haqqında protokol qanunvericiliyin tələblərinə uyğun şəkildə tərtib edilməmişdir. Azərbaycan Respublikası İXM-nin 75-ci maddəsi inzibati xəta haqqında iş üzrə sübut edilməli olan halları müəyyən edir. Bu hallardan biri də İXM-nin 75.0.2-ci bəndinə əsasən inzibati xəta törətmiş şəxsin müəyyən olunmasıdır. Protokoldan isə inzibati xəta törətmiş şəxsin Şəxs MMC və ya mağaza müdiri Nağıyev Ceyhun olması aydın deyildir. Protokolun giriş hissəsində inzibati xətanın hüquqi şəxs, müəyyən edildi hissəsində isə inzibati xətanın fiziki şəxs tərəfindən törədilməsi göstərilmişdir. Bu zaman İXM-nin 75.0.2-ci bəndinin tələbləri pozulmuşdur. Bundan əlavə İXM-nin inzibati xəta haqqında protokolla bağlı 100.1.3-cü bəndinin tələbləri də pozulmuşdur. Mağazalarda sanitariya-gigiyena qaydalarına əməl edilməsinə nəzarəti mağaza müdirləri həyata keçirirlər. Məhkəmədən xx.xx.2020-ci il tarixli, MN ******* nömrəli inzibati xəta haqqında protokol qanunvericiliyin tələbləri pozulmaqla tərtib edildiyi üçün ləğv edilməsini xahiş etmişdir. Azərbaycan Respublikası İXM-nin 106-cı maddəsinə görə hakim inzibati xətalar haqqında işlərə baxarkən maddədə imperativ formada sadalanmış digər məsələlərlə yanaşı həmçinin işin baxılmasının onun səlahiyyətinə aid olub-olmadığını, eləcə də inzibati xəta haqqında protokolun və işin digər materiallarının bu Məcəllənin tələblərinə müvafiq tərtib edilib-edilmədiyini həll etməlidir. Həmin Məcəllənin 100.1-ci maddəsinə əsasən inzibati xəta haqqında protokolda aşağıdakılar göstərilməlidir: protokolun tərtib edildiyi tarix və yer; protokolu tərtib etmiş şəxsin vəzifəsi, soyadı, adı, atasının adı; barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; inzibati xətanın törədildiyi yer, vaxt və bu xətanın mahiyyəti; inzibati xətaya görə məsuliyyət nəzərdə tutan bu Məcəllənin müvafiq maddəsi; olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; inzibati xətanın aşkar edilməsində xüsusi texniki vasitələrdən istifadə olunmuşdursa, onların göstəriciləri, habelə istifadə olunmuş xüsusi texniki vasitənin tipi, markası, modeli, yerləşdiyi yer, ölçmə vasitəsinin son dəfə müqayisəli dövlət yoxlamasından keçdiyi vaxt (bunu təsdiq edən sənədin nömrəsi, tarixi) və növbəti yoxlamanın keçirilməli olduğu vaxt barədə məlumatlar; inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; inzibati xəta haqqında iş üzrə icraat üçün zəruri olan digər məlumatlar. Həmin Məcəllənin 109.1.6-cı maddəsinin tələbinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. İnzibati xəta haqqında protokoldan görünür ki, protokolun giriş hissəsində barəsində inzibati xəta haqqında iş üzrə icraat aparılan hüquqi şəxs kimi Şəxs MMC qeyd edilmiş, “müəyyən edildi” hissəsində isə inzibati xətanın mağaza müdiri X6 tərəfindən törədildiyi qeyd edilmişdir. Bununla da inzibati xəta haqqında protokolun hüquqi şəxs barəsində və yaxud fiziki şəxs barəsində tərtib edildiyini müəyyən etmək mümkün olmamışdır. Qeyd olunanlara əsasən məhkəmə hesab edir ki, X3 barəsində tərtib olunmuş inzibati xəta haqqında protokol natamam olduğu və işə baxılarkən tamamlamaq mümkün olmadığı üçün protokol və ona əlavə edilmiş sənədlər onu tərtib etmiş orqana geri qaytarılmalıdır. Göstərilənlərə əsasən və Azərbayсan Respublikası İnzibati Xətalar Məсəlləsinin 109 və 118-сi maddələrini rəhbər tutaraq, QƏRARA ALDİ: X3 barəsində tərtib edilmiş xx.xx.2020-ci il tarixdə MN seriyalı, ******* nömrəli inzibati xəta haqqında protokol və ona əlavə edilmiş sənədlər Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X7 üzrə Baş İdarəsinə geri qaytarılsın. Sədrlik edən Mətanət Hacıyeva