Bakı Şəhəri Nizami Rayon Məhkəməsi Qərardad — İş №3(007)-1114/2024

Azərbaycan Respublikası adından QƏRARDAD Bakı şəhəri İş № 3(007)-1114/2024 23.02.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, Dadiyev Fərahim Balaş oğlunun katibliyi ilə, X1 Azərbaycan Respublikası Daxili İşlər Nazirliyi Baş X4 İdarəsinin 08 noyabr 2023cü il tarixli, EQ/ seriyalı, 17927697 nömrəli inzibati tənbeh vermə haqqında qərardan şikayət verilməsi üçün buraxılmış prosessual müddətin bərpasına dair vəsatətinə məhkəmə iclasında baxaraq, məhkəmə MÜƏYYƏNETDİ: X2 qızı Azərbaycan Respublikası Daxili İşlər Nazirliyi Baş X4 İdarəsinin 08 noyabr 2023-cü il tarixli, EQ/ seriyalı, 17927697 nömrəli inzibati tənbeh vermə haqqında qərardan şikayət vermək üçün ötürülmüş müddətin bərpası və həmin qərarın ləğv olunmasını xahiş etmişdir. Şikayət və ona əlavə edilmiş sənədlərdən aydın olur ki, X2 09 fevral 2024-cü il tarixdə BDYPİ-nin əməkdaşları tərəfindən saxlanılarkən barəsində protokol tərtib olunduunu ona bildirmişlər. O, dərhal BDYPİ-nə gedərək xx.xx.2024-cü il tarixdə qərarı əldə etmişdir. Vəsatət vermiş tərəf məhkəmə iclasının yeri və vaxtı barədə müvafiq qaydada xəbərdar edilsə də, məhkəmə iclasına gəlməmiş və gəlməməsinin üzürlü səbəbləri barədə məhkəməyə məlumat verməmişdir. Buna görə də, məhkəmə tərəflərin iştirakı olmadan işə baxılmasını mümkün hesab etmişdir. Azərbaycan Respublikası İnzibati Xətalar Məcəlləsinin 126.1-ci maddəsinə görə barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər. İnzibati Xətalar Məcəlləsinin 130.2-ci maddəsinə əsasən bu Məcəllənin 130.1-ci madəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Həmin Məcəllənin 138.1.1-ci maddəsinə görə inzibati xəta haqqında iş üzrə qərar, habelə şikayət və ya protest üzrə qəbul edilmiş qərar əgər bu qərardan şikayət və ya protest verilməmişdirsə, inzibati xəta haqqında iş üzrə qəbul edilmiş qərardan şikayətin verilməsi müddətinin bitdiyi gün qanuni qüvvəyə minir. İnzibati Xətalar Məcəlləsinin 130.2 və 130.3-cü maddələrinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Buraxılmış müddətin bərpası qeyri-mümkün hesab edildikdə, bu halda vəsatəti rədd etmə haqqında qərardad qəbul edilir. İnzibati Xətalar Məcəlləsinin 132-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən aşağıdakı məsələlər həll edilir: 132.1.1. inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi; 132.1.2. inzibati xəta haqqında iş üzrə icraatı rədd edən hallar mövcuddurmu; 132.1.3. vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılması üçün lazım olan şəxslər çağırılır. Beləliklə məhkəmə hesab edir ki, hazırkı iş üzrə şikayətçi X2 tərəfindən şikayətin verilməsi üçün qanunda nəzərdə tutulmuş prosessual müddət üzürsüz səbəblərdən buraxılmış, həmçinin şikayətçi şikayətində qərarı xx.xx.2024-cü il tarixdə aldığını qeyd etsə də, bunu təsdiq edən hər hansı bir sübut məhkəməyə təqdim edilməmişdir. Belə olduğu halda, şikayətçi tərəfindən qərarın hansı tarixdə əldə olunmasını, şikayət vermək üçün nəzərdə tutulmuş müddətin hansı səbəblərdən ötürülməsini müəyyən etmək mümkün olmamışdır. Ona görə də müddətin bərpasına dair şikayətçi X2 tərəfindən verilmiş vəsatət rədd edilməli və şikayəti geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 130-ci və 138-ci maddələrini rəhbər tutaraq, məhkəmə QƏRARAALDİ: X1 Azərbaycan Respublikası Daxili İşlər Nazirliyi Baş X4 İdarəsinin 08 noyabr 2023cü il tarixli, EQ/ seriyalı, 17927697 nömrəli inzibati tənbeh vermə haqqında qərardan verdiyi şikayətlə bağlı buraxılmış müddətin bərpası qeyri-mümkün hesab edilsin və şikayət ona əlavə edilmiş sənədlərlə birlikdə geri qaytarılsın. Hakim Nigar Qədirli