Bakı Şəhəri Nizami Rayon Məhkəməsi Qərar — İş №3(007)-1157/2021

Azərbaycan Respublikası adından QƏRAR Bakı şəhəri İş № 3(007)-1157/2021 06.04.2021 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, məhkəmə iclas katibi Azadəli Orhan Nasir oğlunun katibliyi, barəsində inzibati xəta haqqında iş üzrə qərar qəbul edilən şəxs X2 iştirakı ilə, Bakı şəhəri Xətai RPİ-nin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayətə məhkəmənin binasında, açıq məhkəmə iclasında baxaraq, MÜƏYYƏN ETDİ: X3 Bakı şəhəri Xətai RPİ-nin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərardan şikayət verərək həmin qərarın ləğv olunmasını və inzibati xəta haqqında iş üzrə icraata xitam verilməsini xahiş etmişdir. Şikayət onunla əsaslandırılmışdır ki, Xətai rayon DYPŞ Yol Patrul Xidməti inspektoru, polis serjantı X1 TP ******* saylı, xx.xx.2020-ci il tarixli qərarı ilə İnzibati Xətalar Məcəlləsinin 211.1-ci maddəsində nəzərdə tutulmuş inzibati xatanı törətməkdə təqsirli bilinərək 200 (iki yüz) manat məbləğində cərimə olunmuşdur. Aşağıdakı əsaslara görə Xətai Rayon DYPŞ-nin TP ******* saylı, xx.xx.2020-ci il tarixli qərarı qanunsuz və əsassız olmaqla yanaşı, eyni zamanda təxribat xarakterlidir, insanların bu ağır və çətin durumundan istifadə edərək bu cür qərarla onları dövlətə qarşı çıxarmaq məqsədi daşıyır və qeyd olunan qərarlar ləğv olunmalıdır. Yuxarıda qeyd olunan qərarda göstərilən inzibati xətanı törətməmişdir. Bu cür qərarın olmasından məlumatsız olmuş və belə bir qərarın olmasından yalnız Nizami rayon İcra və Probasiya Şöbəsi tərəfindən ona ünvanlanmış tələbin könüllü icrası haqqında bildirişi aldığı zaman, yəni xx.xx.2020-ci il tarixdə məlumat tutmuşdur. Bildirişi aldıqdan sonra Nizami rayon İcra və Probasiya Şöbəsinə yaxınlaşmış, icra məmurundan məsələnin nədən ibarət olduğunu soruşmuş, o isə ona bildirmişdir ki, barəsində Xətai rayon DYPŞ tərəfindən xx.xx.2020-ci il tarixdə inzibati tənbeh vermə haqqında qərar qəbul olunmuş və bunun əsasında da xx.xx.2020-ci il tarixdə icraata başlama haqqında qərar qəbul olunmuşdur. Göründüyü kimi, onun iştirakı və xəbəri olmadan onun barəsində xx.xx.2020-ci il tarixdə inzibati tənbeh vermə haqqında qərar qəbul edilmiş və bu qərarın üzərindən təxminən 7 ay keçdikdən sonra icra məmuru tərəfindən icraata başlama haqqında qərar qəbul edilmiş və baş verənlər barəsində ona xx.xx.2020-ci il tarixdə məlumat verilmişdir. O, hələ də barəsində protokol tərtib olunubolunmaması barədə məlumatsızdır, protokol tərtib olunsa belə protokol tərtib olunarkən qanunvericiliklə müəyyən edilmiş hüquqlarını (protokoldan şikayət vermək, protokola dair izahat və mülahizə təqdim etmək hüququnu) həyata keçirmək imkanından məhrum edilmişdir. Qərarda qeyd olunmuş inzibati xətanı törətməyi barədə heç bir sübut yoxdur. Xətai rayon DYPŞ-nin TP ******* saylı, xx.xx.2020-ci il tarixli qərarını rəsmi qaydada xx xxxxxx 2021-ci il tarixdə əldə etmiş və qanunvericiliklə müəyyən olunmuş müddətdə məhkəməyə müraciət etmişdir. Lakin, inzibati tənbeh vermə haqqında qərarlardan bir yerdə şikayət verdiyi üçün şikayət ərizəsi Nizami Rayon Məhkəməsinin 3(007)-714/2021 saylı qərardadı ilə geri qaytarılmışdır. Məhkəmə iclasında barəsində inzibati xəta haqqında iş üzrə qərar qəbul edilən şəxs X3 şikayətin məzmununa uyğun izahat verərək məhkəmədən Bakı şəhəri Xətai RPİ-nin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərarın ləğv olunmasını və inzibati xəta haqqında iş üzrə icraata xitam verilməsini xahiş etmişdir. Məhkəmə iclasının yeri və vaxtı barədə lazımi qaydada xəbərdar edilmiş Bakı şəhəri Xətai RPİ-nin X6 Şöbəsi məhkəmə iclasında nümayəndəsinin iştirakını təmin etməmişdir. Məhkəmə işə Bakı şəhəri Xətai RPİ-nin X6 Şöbəsinin nümayəndəsinin iştirakı olmadan baxılmasını mümkün hesab edir. İş materiallarında olan və məhkəmə baxışında tədqiq edilmiş Bakı şəhəri Xətai RPİnin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərardan görünür ki, X3 Azərbaycan Respublikası İXM-nin 211.1-ci maddəsində nəzərdə tutulmuş inzibati xətanı törətməkdə təqsirli bilinib 200 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən isə heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 76.2-ci maddəsinə əsasən qanuna zidd olaraq əldə edilmiş sübutların istifadə edilməsinə yol verilmir. Həmin Məcəllənin 134.1-ci maddəsinə əsasən inzibati xəta haqqında iş üzrə Azərbaycan Respublikası İnzibati Xətalar Məcəlləsinin 134.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: 134.1.1. qərarın dəyişdirilmədən, şikayətin və ya protestin isə təmin edilmədən saxlanılması haqqında; 134.1.2. bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında; 134.1.3. bu Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında; 134.1.4. bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında; 134.1.5. şikayətə və ya protestə baxılarkən inzibati xəta haqqında iş üzrə qərarı buna səlahiyyəti çatmayan hakimin, orqanın (vəzifəli şəxsin) qəbul etdiyi müəyyən olunduqda, qərarın ləğv edilməsi və işin aidiyyəti üzrə baxılmaq üçün göndərilməsi haqqında. Həmin Məcəllənin 135.1.6-cı maddəsinə əsasən inzibati xəta haqqında iş üzrə qərarın ləğv edilməsi və ya dəyişdirilməsi üçün bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması əsasdır. Məhkəməyə X2 Azərbaycan Respublikası İnzibati Xətalar Məcəlləsinin 211.1-ci maddəsində nəzərdə tutulan inzibati xətanı törətməsi haqqında xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərarın əsaslı olmasını təsdiq edən sübut təqdim olunmamışdır. Beləliklə, qeyd olunanlara əsasən məhkəmə hesab edir ki, X3 tərəfindən verilmiş şikayət təmin edilməli, onun barəsində Bakı şəhəri Xətai RPİ-nin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərar ləğv edilməli və inzibati xəta haqqında iş üzrə icraata xitam verilməlidir. Göstərilənlərə əsaslanaraq və Azərbaycan Respublikası İXM-nin 128, 129 və 133- 136-cı maddələrini rəhbər tutaraq, məhkəmə QƏRARA ALDİ: Şikayət təmin edilsin. Bakı şəhəri Xətai RPİ-nin DYPŞ-nin Yol Patrul Xidməti inspektoru, polis serjantı E.E.Məmmədli tərəfindən qəbul edilmiş xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərar ləğv edilsin və inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə şikayət verilə bilər. Sədrlik edən Mətanət Hacıyeva