Bakı Şəhəri Nizami Rayon Məhkəməsi Qərar — İş №3(007)-1192/2021

Azərbaycan Respublikası adından QƏRAR Bakı şəhəri İş № 3(007)-1192/2021 30.03.2021 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Hacıyeva Mətanət İsfəndiyar qızının sədrliyi, məhkəmə iclas katibi Azadəli Orhan Nasir oğlunun katibliyi, Bakı şəhəri Nizami RPİ-nin 23-cü PB-nin polis sahə inspektoru, polis mayoru Abbasov Nazim Rasim oğlunun, barəsində inzibati xəta haqqında iş üzrə icraat aparılan şəxs Şəxs və onun müdafiəçisi – Bakı şəhəri 6 saylı Vəkil Bürosunun vəkili Vəkil iştirakı ilə, xx.xx.1998-ci il tarixdə Astara rayonunun Təngərud kəndində anadan olmuş, Astara rayonu, Təngərud kəndində qeydiyyatda olan və ünvan 1 mənzil 15 ünvanında yaşayan (FİN xxxxxxx) Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanı törətməsinə dair Bakı şəhəri Nizami RPİ-nin 23-cü Polis Bölməsindən daxil olmuş inzibati xəta haqqında materiala baxaraq, MÜƏYYƏN ETDİ: Bakı şəhəri Nizami RPİ-nin 23-cü Polis Bölməsindən daxil olmuş inzibati xəta haqqında materiala əsasən Şəxs xx.xx.2021-ci il tarixdə saat 18:00 radələrində Bakı şəhəri, Nizami rayonu, H.Əliyev prospektində DYPİ-nin əməkdaşlarının qanuni tələbinə tabe olmamışdır. Bu barədə Bakı şəhəri Nizami RPİ-nin 23-cü PB-nin polis sahə inspektoru, polis mayoru N.R.Abbasov tərəfindən xx.xx.2021-ci il tarixdə MN seriyalı, ******* nömrəli inzibati xəta haqqında protokol tərtib edilmişdir. Məhkəmə iclasında Bakı şəhəri Nizami RPİ-nin 23-cü PB-nin polis sahə inspektoru, polis mayoru X5 inzibati xəta haqqında protokolun məzmununa uyğun izahat verərək məhkəmədən Şəxs barəsində inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, o, xx.xx.2021-ci il tarixdə saat 17:00-18:00 radələrində H.Əliyev prospektindən üzü Mərdəkan istiqamətində hərəkət edən zaman **-YP-*** nömrəli patrul avtomobili ona saxla əmri vermiş, o, avtomobili saxlamışdır. İnspektor ona yaxınlaşaraq sənədlərini təqdim etməsini istəmişdir. O, inspektora sənədlərinin üzərində olmadığını, xəstəsi olduğu üçün tələsdiyini deyərək sənədlərini portal vasitəsi ilə yoxlamasını xahiş etmişdir. Bu zaman polis əməkdaşları avtomobilini cərimə meydançasına yerləşdirəcəklərini demişlər. O, səbəbini soruşduqda polis əməkdaşı ona cavab olaraq “indi sənə göstərərəm səbəbini” demiş və sonra PPX əməkdaşlarını çağırmışdır. PPX əməkdaşları gəlib onu bölməyə dəvət etmişlər. O, etiraz etmədən özü könüllü olaraq avtomobilə əyləşərək bölməyə getmişdir. Bölmədə həmin DYPİ-nin əməkdaşı ona “gördün səni necə gətirdim bölməyə” demişdir. Polis əməkdaşı ona qarşı aqressiv olmuşdur. Avtomobilinin şüşə siləninin biri olmadığı üçün ona 50 manat cərimə də yazmışlar. O, polis əməkdaşına qarşı hər-hansı müqavimət, tabesizlik göstərməmişlər. Evində xəstəsi vardır. Məhkəmədən qərar qəbul edərkən ailə vəziyyətinin nəzərə alınmasını xahiş etmişdir. İş materiallarında olan və məhkəmə baxışında tədqiq edilmiş: - Bakı şəhər Nizami RPİ-nin DYPŞ-nin YPX inspektorları X3 və X1 tərəfindən tərtib edilmiş raportdan görünür ki, xx.xx.2021-ci il tarixdə saat 18:15 radələrində **-YP-*** nömrəli avtopatrulla xidmətdə olarkən H.Əliyev prospektində “VAZ-2115” markalı, **-RC- *** dövlət qeydiyyat nişanlı avtomobilin sürücüsü yol hərəkəti qaydasını pozduğu üçün tərəflərindən “saxla” işarəsi verilmişdir. Sürücüyə yaxınlaşıb özünü təqdim etdikdən sonra sənədlərini təqdim etməsini xahiş etmiş, sürücü sənədləri verməkdən imtina etmiş, telefonla sinəsinə vuraraq “al danış telefonu” demişdir. Sonuncunu özünü təmkinli aparmağa, polisin qanuni tələblərinə riayət etməyə dəvət etsələr də sürücü sənəd verməkdən imtina etmiş, uca səslə qışqıra-qışqıra “səninlə sonra söhbət edəcəm, xidmətdən sonra” demişdir. Sürücüyə hüquq və vəzifələri izah olunsa da sürücü tabe olmaqdan imtina etmişdir. Efir vasitəsi ilə post-patrul xidmətindən kömək çağırmışlar. Sonradan müəyyən etmişlər ki, sürücü Şəxsdur. PPX naryadın köməkliyi ilə 23-cü PŞ-nə dəvət etmişlər. - xx.xx.2021-ci il tarixli tutma protokolundan görünür ki, Şəxs xx.xx.2021-ci il tarixdə saat 19:00-da inzibati qaydada tutulmuşdur. İnzibati xəta haqqında işin materiallarını tədqiq edərək məhkəmə hesab edir ki, toplanmış sübutlarla Şəxs Azərbaycan Respublikası İXM-nin 535.1-ci maddəsi ilə inzibati xəta törətməkdə təqsiri tam sübuta yetir və onun törətdiyi əməl düzgün olaraq Azərbaycan Respublikasının İnzibati Xətalar Məcəlləsinin 535.1-ci maddəsi ilə tövsif olunmuşdur. “Polis haqqında” Azərbaycan Respublikası Qanununun 7-ci maddəsinin İİ hissəsinə görə Azərbaycan Respublikasının ərazisində olan bütün hüquqi və fiziki şəxslər polis əməkdaşının qanuni tələblərini icra etməlidirlər. “Polis haqqında” Azərbaycan Respublikası Qanununun 17-ci maddəsinin 1 bəndinə görə hər bir şəxsdən cinayətlərə və digər hüquqpozmalara, şəxsiyyət və ictimai asayiş üçün təhlükə törədən və onlara şərait yaradan hərəkətlərə son qoyulmasını tələb etmək üzərinə düşən vəzifələrin yerinə yetirilməsi üçün polis əməkdaşının hüququdur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. İnzibati tənbeh tətbiq edərkən məhkəmə İnzibati Xətalar Məcəlləsinin 31.2-ci maddəsinə əsasən inzibati xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə iclasında Şəxs məsuliyyətini yüngülləşdirən və ağırlaşdıran hal müəyyən edilmədi. Törədilmiş inzibati xətanın xarakterini və İXM-nin 31.2-ci maddəsində göstərilən digər halları nəzərə alaraq məhkəmə Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib barəsində inzibati cərimə növündə tənbeh tətbiq edilməsini məqsədəmüvafiq hesab edir. Məhkəmə, Şəxs barəsində cərimə növündə inzibati tənbeh tədbiri tətbiq edərkən onun inzibati qaydada tutulmasını və İXM-nin 31.4-1-ci maddəsinin tələblərini də nəzərə alır. Azərbaycan Respublikasının İnzibati Xətalar Məcəlləsinin 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. Məhkəmə hesab edir ki, vəkilin işlə tanış olduğu və məhkəmədə iştirak etdiyi müddət 3 iş saatı müddətinə bərabər olduğundan, həmin iş saatı üçün Azərbaycan Respublikası Nazirlər Kabinetinin xx.xx.2018-ci il tarixli, 202 №-li qərarına əsasən hüquqi yardım haqqı 6 (altı) manat miqdarında nəzərə alınmaqla 18 manat (3x6) məbləğində əmək haqqı Bakı şəhəri 6 saylı Vəkil Bürosu vasitəsi ilə müdafiəçi Vəkil dövlət büdcəsi hesabına ödənilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 115, 128-130-cu maddələrini rəhbər tutaraq QƏRARA ALDİ: xx.xx.1998-ci il tarixdə Astara rayonunun Təngərud kəndində anadan olmuş, Astara rayonu, Təngərud kəndində qeydiyyatda olan və ünvan 1 mənzil 15 ünvanında yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib 150 (bir yüz əlli) manat məbləğində cərimə edilsin. İnzibati qaydada tutulmuş Şəxs dərhal məhkəmə iclas zalından azad edilsin. Barəsində inzibati xəta haqqında iş üzrə icraat aparılan şəxs Şəxs 3 saat hüquqi yardım göstərdiyinə görə müdafiəçi Vəkil 18 (on səkkiz) manat əmək haqqı Bakı şəhəri 6 saylı Vəkil Bürosu vasitəsi ilə Azərbaycan Respublikasının dövlət büdcəsi vəsaiti hesabına ödənilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən Mətanət Hacıyeva