Bakı Şəhəri Nizami Rayon Məhkəməsi Qərardad — İş №3(007)-1455/2020

Azərbaycan Respublikası adından QƏRARDAD Bakı şəhəri İş № 3(007)-1455/2020 11.09.2020 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu,İmanov Nizami Bəxtiyar oğlunun katibliyi ilə, X1 barəsində xx xxxxxxxx 2020-ci il tarixli, MN seriyalı,0736168 saylı inzibati xəta haqqında protokoldan verdiyi şikayətə açıq məhkəmə iclasında baxaraq, MÜƏYYƏN ETDİM: xx xxxxxxxx 2020-ci il tarixdə X1 barəsində tərtib edilmiş inzibati xəta haqqında protokoldan verdiyi şikayəti məhkəməyə daxil olmuşdur. X1 şikayət ərizəsi onunla əsaslandırılmışdır ki, xx xxxxxxxx 2020-ci il tarixdə metronun Həzi Aslanov stansiyasından 104 saylı marşurut avtobusuna minib evə gedərkən maskanın bir qulpu qopmuşdur. O, əli ilə maskanı tutumuş və həmin zaman polis əməkdaşları avtobusu saxlayıb yoxlama etməyə başlamışlar. O, əlini çəkərkən maska düşmüş və polis əməkdaşlarına izah edə bilməmişdir ki, maska avtobusda qopmuşdur. Onlar onun ad soyadını götürərərək cərimə edəcklərini bildirmişlər və səhəri gün onu cərimə etmişlər. Sonda o, barəsində tərtib edilmiş xx xxxxxxxx 2020-ci il tarixli, MN seriyalı,0736168 saylı inzibati xəta haqqında protokola mahiyyəti üzrə baxılıb hüquqi qiymət verilməsini məhkəmədən xahiş etmişdir. Məhkəmə, şikayət ərizəsini və iş materiallarını araşdıraraq hesab edir ki, şikayət baxılmadan geri qaytarılmalı və şikayətdə yol verilmiş nöqsanlar aradan qaldırıldıqdan sonra yenidən şikayət vermək hüququ tərəfə izah edilməlidir. Belə ki, Azərbaycan Respublikası İnzibati Xətalar Məcəlləsinin 128.1-ci maddəsinə əsasənbarəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Göründüyü kimi, qanunvericilikdə inzibati xəta haqqında protokoldan deyil, məhz həmin protokol əsasında qəbul edilmiş qərardan şikayət verilə bilər. Bundan əlavə, şikayətdən görünür ki, X3 tərəfindən şikayət ərizəsinə, onun məhkəməyə şikayət verməsinə əsas olmuş protokolun və qərarın surəti, həmin qərarın əldə edilməsi üçün hansısa Polis İdarəsinə müraciət edib-etməməsi barədə hər hansı sənəd əlavə edilməmişdir. Belə olan halda, məhkəmə hesab edir ki, şikayət baxılmadan geri qaytarılmalı, göstərilən nöqsanlar aradan qaldırıldıqdan sonra yenidən məhkəməyə müraciət etmək hüququ X2 izah edilməlidir. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 128-136-cı maddələrini rəhbər tutaraq, məhkəmə QƏRARA ALDİM: X1 barəsində tərtib inzibati xəta haqqında protokol əsasında qəbul edilmiş qərardan verdiyi şikayət baxılmadan geri qaytarılsın. X2 qərardadda göstərilən nöqsan aradan qaldırdıqdan sonra təkrarən məhkəməyə müraciət etmək hüququ izah olunur. Hakim Rauf Əhmədov