Bakı Şəhəri Nizami Rayon Məhkəməsi Qərar — İş №3(007)-1934/2025

Azərbaycan Respublikası adından QƏRAR Bakı şəhəri İş № 3(007)-1934/2025 19.04.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X1 iclas katibliyi, barəsində inzibati xəta haqqında iş üzrə icraat aparılan şəxs Şəxs, onun müdafiəçisi – Bakı şəhəri 6 saylı vəkil Bürosunun vəkili Vəkil, Bakı şəhəri Nizami rayon Polis İdarəsi 24-cü Polis Şöbəsinin polis sahə inspektoru, polis mayoru X2 iştirakları ilə, xx.xx.1970-ci il təvəllüdlü, Gürcüstan Respublikası vətəndaşı, Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddəsi ilə Bakı şəhəri Nizami rayon Polis İdarəsi 24-cü Polis Şöbəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Şəxs xx.xx.2025-ci il tarixdə, saat təxminən 13:00 radələrində ünvan 1 ünvanında küçə ticarəti ilə məşğul olan zaman qanunsuz olaraq quraşdırılmış piştaxtaların sökülməsinə maneçilik törətmiş, mübahisə yaradaraq yol-patrul xidmətinin əməkdaşlarının qanuni tələblərinə tabe olmamış və nalayiq ifadələr işlətmişdir. Bununla da o, İXM-in 510 və 535.1-ci maddələrində nəzərdə tutulmuş inzibati xətanı törətmişdir. Onun barəsində Bakı şəhəri Nizami rayon Polis İdarəsi 24-cü Polis Şöbəsi tərəfindən müvafiq olaraq xx.xx.2025-ci il tarixli, MN ******* saylı inzibati xəta haqqında protokol tərtib olunmuşdur. Protokol tərtib etmiş Bakı şəhəri Nizami rayon Polis İdarəsinin 24-cü Polis Şöbəsinin polis sahə inspektoru X4 məhkəməyə verdiyi izahatında protokolun məzmununa uyğun ifadə verərək bildirdi ki, xx.xx.2025-ci il tarixdə sözügedən ünvanda reyd keçirilən zaman barəsində inzibati xəta haqqında iş üzrə icraat aparılan şəxs Şəxs qanunsuz küçə ticarəti ilə məşğul olduğu məlum olmuş, bu zaman şəxs qanunsuz qoyulmuş piştaxtaların sökülməsinə maneçilik törətmiş, həmin zaman mübahisə yaranmış, bu səbəbdən piştaxtaların sökülməsi mümkün olmamışdır. Daha sonra xx.xx.2025-ci il tarixdə yenidən eyni ünvanda reyd keçirilən zaman Şəxs yenə də qanunsuz olaraq küçə ticxarəti ilə məşğul olduğu aşkar olunmuş, ona bununla bağlı irad bildirilərkən heç bir səbəb olmadan polisin qanuni tələblərinə qəsdən tabe olmayaraq ünvanlı və ünvansız yüksək səslə nalayiq ifadələr işlətmiş, onu nizam0intizama dəvət etsələr də, heç bir məhəl qoymayaraq öz qanunsuz hərəkətlərinə davam etmiş, Azərbaycan polisinin nüfuzunu aşağı salan hərəkətlər edərək ətrafda olan digər şəxsləri də bu cür hərəkətlər etməyə sövq etmişdir. Yaranmış mübahisə zamanı Şəxs yerdə olan dəmir borunu götürüb polis əməkdaşlarının üzərinə hücum edən zaman həmin dəmir əşya onun əlindən alınmış, bu zaman özünə xəsarət yetirmişdir. Daha sonra həmin şəxs bölməyə təmin olunmuş, orada barəsində protokol tərtib olunaraq baxılması üçün məhkəməyə göndərilmişdir. Həmçinin qeyd etdi ki, şəxsə dəfələrlə başqa ünvanda qanuni şəkildə ticarətlə məşğul olması təklif olunmuş, lakin şəxs bununla raazılaşmayaraq qanunsuz olaraq küçə ticarəti ilə məşğul olmağa davam edir. Bütün bunları nəzərə alaraq şəxs barəsində inzibati tənbeh tədbirinin tətbiq edilməsini məhkəmədən xahiş etdi. Barəsində inzibati xəta haqqında iş üzrə icraat aparılan şəxs Şəxs məhkəməyə verdiyi izahatında bildirdi ki, o, maddi vəziyyəti pis olduğu üçün məcburiyyətdən qanunsuz olaraq küçə ticarəti ilə məşğul olmuşdur. Belə ki, özü ürək xəstəsidir, əri şəkər xəstəsi, oğlu isə İİİ qrup əlildir. Lakin o, polis əməkdaşlarına qarşı nalayiq ifadələr işlətməmişdir. Polis əməkdaşları piştaxtaları söküb aparmaq istəyən zaman o, öz malını götürmək istəmiş, bu zaman aralarında mübahisə yaranmış, onun məqsədi ancaq öz malını götürmək olmuşdur. Yaranmış mübahisə zaman əsəbləşmiş, özünü itirmiş, bu səbəbdən yerdən dəmir boru götürərək polis əməkdaşları tərəfə getmiş, lakin polis əməkdaşları dəmiri alarkən onun barmağını sındırmışlar. O, barmağı sındığı üçün qışqırmış, nalayiq ifadələr işlətməmişdir. Sonda əməlindən peşman olduğunu, məcburiyyətdən küçə ticarəti ilə məşğul olduğunu bildirərək barəsində yüngül inzibati tənbeh tədbirinin tətbiq olunmasını məhkəmədən xahiş etdi. Müdafiəçi Vəkil məhkəməyə verdiyi izahatında bildirdi ki, Şəxs polis əməkdaşlarına qarşı tabesizlik göstərsə də, onun xuliqanlıq etmək niyyəti olmamış, hadisələrin təbii gedişatı həmin mərhələyə gəlib çıxmışdır. Bütün bunları nəzərə alaraq şəxs barəsində yüngül inzibati tənbeh tədbirinin tətbiq olunmasını məhkəmədən xahiş etdi. Həmçinin məhkəmə iclası zamanı hadisənin video görüntülərini özündə əks etdirən CD diskə baxış keçirilərkən Şəxs polis əməkdaşlarının qanuni tələblərinə tabe olmaması tam sübuta yetirilir. İXM-in 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər inzibati xəta kimi müəyyən edilmişdir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamaq inzibati xəta kimi müəyyən edilmişdir. “Polis haqqında” Qanunun 3-cü maddəsinin İİ hissəsinin 1-ci bəndinə əsasən ictimai qaydanı qorumaq və ictimai təhlükəsizliyi təmin etmək polisin əsas vəzifələrinə aid edilmişdir. Həmin Qanunun 14-cü maddəsinə əsasən hər bir şəxsin təhlükəsizliyini təmin etmək, Azərbaycan Respublikasının qanunvericiliyi ilə səlahiyyətlərinə aid edilmiş inzibati xətalara dair işlər üzrə icraatı aparmaq, kütləvi tədbirlər zamanı ictimai asayişi təmin etmək, Azərbaycan Respublikasının qanunvericiliyində nəzərdə tutulmuş digər vəzifələri yerinə yetirmək ictimai qaydanın qorunması və ictimai təhlükəsizliyin təmin edilməsi sahəsində polis əməkdaşının vəzifələrinəaid edilmişdir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İş materiallarında olan Bakı şəhəri Nizami rayon Polis İdarəsinin 24-cü Polis Şöbəsinin rəisinə ünvanlanmış xx.xx.2025-ci il tarixli raportla Şəxs hazırkı inzibati xəta haqqında protokolda göstərilən əməli törətməsi öz əksini tapmışdır. Göstərilənlərə əsasən müəyyən edilmiş əməl polis işçisinin ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama və xırda xuliqanlıq etmə kimi qiymətləndirilir. Beləliklə sadalananlara əsasən Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, özünün etirafedici ifadəsi və digər sübutlarla tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasıİnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Beləliklə, məhkəmə hesab edir ki, iş üzrə inzibati xəta törətmiş şəxs törədilmiş inzibati xətalardan daha ciddi xətaya görə müəyyən edilmiş İnzibati Xətalar Məcəlləsinin 535.1-ci maddəsinin sanksiyası çərçivəsində tənbeh edilməlidir. Məhkəmə törədilmiş inzibati xətaya görə, təqsirləndirilən şəxsin əməlini etiraf etməsini nəzərə alaraq sanksiyada nəzərdə tutulmuş cərimə növündə inzibati tənbeh verilməsini məqsədə müvafiq hesab edir. Ona görə də şəxs saxlanılarkən və tutularkən həbsdə qaldığı müddət nəzərə alınmaqla tənbeh yüngülləşdirilərək, tənbehin həddi müəyyən edilir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut yoxdur, vəkilin iş materialları ilə tanış olduğu və məhkəmədə iştirak etdiyi müddət 4 iş saatı müddətinə bərabər olduğundan, həmin iş saatları üçün Nazirlər Kabinetinin xx.xx.2018-ci il tarixli, 202 saylı qərarına əsasən hüquqi yardım haqqı 6 manat miqdarında nəzərə alınmaqla müdafiəçiyə dövlət büdcəsinin vəsaiti hesabına ödənilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirli bilinib İXM-in 34.3-cü maddəsinə əsasən İXM-in 535.1-ci maddəsi ilə İXM-nin 31.4-1-ci maddəsi nəzərə alınmaqla 150 (bir yüz əlli) manat məbləğində inzibati qaydada cərimə edilsin. Şəxs məhkəmə iclas zalında dərhal azad edilsin. Barəsində inzibati xəta haqqında iş üzrə icraat aparılan şəxs Şəxs məhkəmədə 04 saat göstərdiyi pulsuz hüquqi yardıma görə iş üzrə dəvət olunmuş müdafiəçi Vəkil 24 (iyirmi dörd) manat (4x6) məbləğində əmək haqqı Bakı şəhəri 6 saylı Vəkil Bürosu vasitəsi ilə Azərbaycan Respublikasının dövlət büdcəsi vəsaiti hesabına ödənilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Nigar Qədirli