Azərbaycan Respublikası adından QƏRAR Bakı şəhəri İş № 3(007)-2200/2025 05.06.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Hacıyeva Mətanət İsfəndiyar qızının sədrliyi, məhkəmə iclasının katibi Əsədli Gülsu Araz qızının katibliyi, Azərbaycan Respublikası Fövqəladə Hallar Nazirliyi X6 Xidməti 3-cü ərazi X6 İdarəsinin baş inspektoru, dövlət xidməti mayoru X3, barəsində inzibati xəta haqqında iş üzrə icraat aparılan Şəxs MMC-nin direktoru X2 iştirakı ilə, Şəxs MMC-nin Azərbaycan Respublikası İXM-nin 518.1-ci maddəsində nəzərdə tutulmuş inzibati xətanı törətməsinə dair Azərbaycan Respublikası Fövqəladə Hallar Nazirliyi X6 Xidməti 3-cü ərazi X6 İdarəsindən daxil olmuş inzibati xəta haqqında protokola və ona əlavə edilmiş sənədlərə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: 25 aprel 2025-ci il tarixli, MN seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən xx.xx.2025-ci il tarixində ünvan 1 ünvanında yerləşən Şəxs MMC-yə məxsus avtoservisdə keçirilən yanğın-texniki müayinəsi zamanı YTQ № 01-2001 b-6.1; № 03 2002, b-2.2.1 tələblərinin pozulduğu müəyyən edilmişdir. Məhkəmə iclasında inzibati xəta haqqında protokolu tərtib etmiş Azərbaycan Respublikasının Fövqəladə Hallar Nazirliyi X6 Xidmətinin 3-cü ərazi X6 İdarəsinin baş inspektoru, dövlət xidməti mayoru X5 izahat verərək bildirmişdir ki, tərəfindən tərtib olunan protokola əsasən xx.xx.2025-ci il tarixində Nizami rayonu, O.Vəliyev küçəsi, ev 9E ünvanında yerləşən Şəxs MMC-yə məxsus “Avtoservis”də keçirilən yoxlama zamanı məlum olmuşdur ki, YTQ-nın müvafiq bəndlərinin tələbləri pozulmuş, bununla da Şəxs MMC tərəfindən Azərbaycan Respublikası İXM-nin 518.1-ci maddəsində nəzərdə tutulmuş inzibati xəta törədilmişdir. Məhkəmədən Şəxs MMC-nin barəsində inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs MMC-nin direktoru X4 izahat verərək bildirmişdir ki, ona xəbərdarlıq etmişlər ki, 3 gün ərzində qeyd edilən sənədləri toplamalıdır. O, Bakıda olmadığı üçün əməkdaşlarla əlaqə saxlayaraq demişdir ki, sənədləri gəldikdən sonra təqdim edəcəkdir. Onlar da ona vaxtın keçdiyini bildirmişlər. Vaxtın keçdiyini bilməmiş, bu gün gəlmiş və məhkəmə olacağını öyrənmişdir. Naqillər və s. hamısı yaxşı vəziyyətdədir. Həmin ərazinin siqnalizasiyaya ehtiyacı yoxdur. Orada mühafizəçi var və səhərə qədər nəzarət edir. Mühafizə digər otaqlarda olan təhlükəni dərhal bilir və mütəmadi olaraq özü də yoxlayır. X7 Nazirliyi tərəfindən gətirilən yanğından mühafizə üçün balonları almışlar və digər bütün tədbirləri də görmüşlər. Sığorta müqaviləsi də mövcuddur və müqavilə protokoldan əvvəl bağlanılmışdır. Obyekt açıq olmuş və əməkdaşlar hər şeyi görmüşlər. Qeyd olunanlara əsasən Şəxs MMC-nin barəsində olan inzibati xəta haqqında iş üzrə icraata xitam verilməsini xahiş etmişdir. İşdə olan və məhkəmə iclasında tədqiq edilmiş - Azərbaycan Respublikası Fövqəladə Hallar Nazirliyi X6 Xidmətinin 3-cü ərazi X6 İdarəsinin xx.xx.2025-ci il tarixli, 3104 nömrəli qərarından və yoxlama suallarının siyahısından görünür ki, ünvan 1 ünvanında yerləşən Şəxs MMC-yə məxsus avtoservisdə xx.xx.2025-ci il tarixdən xx.xx.2025-ci il tarixədək-1.Azərbaycan Respublikası ərazisində fəaliyyət növündən asılı olmayaraq bütün sahibkarlıq subyektlərinin icbari sığortaya cəlb edilməsi. (“X1” Azərbaycan Respublikası Qanununun 23-cü, “İcbari Sığorta Haqqında” Azərbaycan Respublikası Qanununun 35.2-ci maddəsi. Sual 142); 2.Azərbaycan Respublikası ərazisində yerləşən hüquqi şəxslərin (müəssisələr) yanğın təhlükəsizliyi tələblərinin yerinə yetirilməsinin təmin edilməsi sahəsində vəzifələri (1.9-1.9.12. Sual 143); 4.Yanğın təhlükəsizliyinin təmin edilməsi üzrə tədbirlərin təşkili. (YTQ № 01-2001 bənd 2.1-2.6. Sual 249); Təxliyyə yollarının normalara uyğunluğu və saxlanılma vəziyyəti, köçürmə yollarına dair yanğın təhlükəsizliyi tələbləri. (YTQ № 01-2001 bənd 5.1-5.6. Sual 252); Elektrik qurğularına dair yanğın təhlükəsizliyi tələbləri (YTQ № 01.2001 bənd 6.1- 6.10. Sual 253); Yanğın avadanlığı və ilkin yanğın söndürmə vəsaitlərinin saxlanılmasına dair yanğın təhlükəsizliyi tələbləri. (YTQ № 01-2001 bənd 10.1-10.4. Sual 257); 14.Ticarət, ictimai iaşə müəssisələrinin, yarmarkaların, bazaların və anbarların ərazisinin yanğın təhlükəsizliyi tələblərinə uyğun saxlanılması. (YTQ № 03-2002 bənd 2.1-2.1.9. sual 259);
15. Ticarət, ictimai iaşə müəssisələrinin, yarmarkaların, bazaların və anbarların bina və otaqlarının yanğın təhlükəsizliyi tələblərinə uyğun saxlanılması. (YTQ № 03-2002 bənd 2.2-2.2.17. sual 260); Ticarət, ictimai iaşə müəssiələrində, yarmarkalarda, bazalar və anbarlarda yanğın avtomatikası qurğularının istismar vəziyyəti. (YTQ № 03-2002 bənd 3.1-.3.16.8. Sual 261); 17. Ticarət, ictimai iaşə müəssiələrində, yarmarkalarda, bazalar və anbarlarda isitmə sisteminin istismar vəziyyəti. (YTQ № 03-2002 bənd 3.17-3.17.18.9. sual 262); 18.Ticarət, ictimai iaşə müəssiələrində, yarmarkalarda, bazalar və anbarlarda havalandırma (ventilyasiya) sistemləri və tüstüyə qarşı qurğuların istismar vəziyyəti. (YTQ № 03-2002 bənd 3.19.1-3.19.27. Sual 263); 19.Ticarət, ictimai iaşə müəssiələrində, yarmarkalarda, bazalar və anbarlarda elektrik qurğularının istismar vəziyyəti. (YTQ № 03.2002 bənd 3.19.1-3.19.27. Sual 264); 163. Tikintisi başa çatmış obyektlərinin istismara qəbulu (Əsas: “X1” Azərbaycan Respublikası Qanununun 25-ci maddəsi, Tikinti işlərinin təşkili, aparılması və tikintisi başa çatmış obyektlərin istismara qəbulu Qaydaları”. Sual 951) üzrə planlı (növbəti) yoxlama aparılması qərara alınmışdır. - Azərbaycan Respublikasının Fövqəladə Hallar Nazirliyi X6 Xidmətinin 3-cü ərazi X6 İdarəsinin əməkdaşı tərəfindən 25 aprel 2025-ci il tarixdə tərtib edilmiş 3104 nömrəli yanğın-texniki müayinə aktından görünür ki, ünvan 1 ünvanında yerləşən Şəxs MMC-yə məxsus avtoservisdə keçirilən yoxlama zamanı aşağıda qeyd olunan qanun pozuntuları aşkar edilmişdir: 142: daşınmaz əmlak icbari qaydada sığortalanmamışdır: “X1” Azərbaycan Respublikası Qanununun 23-cü maddəsi, “İcbari Sığorta Haqqında” Azərbaycan Respublikası Qanununun 35.2-ci maddəsi, 143: Hüquqi şəxs tərəfindən yanğın təhlükəsizliyi tələbləri yerinə yetirilməyib: YTQ 01-2001 b 1.9; 253: Obyektdə elektrik qurğularına dair yanğın təhlükəsizlik tələbləri yerinə yerinə yetirilməyib, YTQ 01- 2001 b 6.1, YTQ 03-2002 b 3.19.16, 261: Obyekt avtomatik yanğın xəbərverici siqnalizasiya qurğusu ilə təchiz edilməyib: YTQ 03-2002 b 3.3, b 3.16; 260: obyektin otaqları yanğın təhlükəsizliyi tələblərinə uyğun saxlanılmır: YTQ 03-2002 b 2.2.1. Azərbaycan Respublikasının “X1” Qanununun 6-cı maddəsinə əsasən yanğın təhlükəsizliyi sahəsində müəssisələrin aşağıdakı vəzifələri vardır: 1) yanğın təhlükəsizliyi tələblərinə riayət etmək, habelə Azərbaycan Respublikasının müvafiq icra hakimiyyəti orqanının və onun müvafiq qurumlarının, habelə onların vəzifəli şəxslərinin göstərişlərini, qərarlarını və digər qanuni tələblərini yerinə yetirmək; 2) yanğın təhlükəsizliyinin təmin edilməsi tədbirlərini işləyib hazırlamaq və həyata keçirmək; 3) yanğına qarşı təbliğat aparmaq, habelə öz işçilərinə yanğın təhlükəsizliyi tədbirlərini öyrətmək; 4) yanğından müdafiə sistemlərini və vasitələrini, o cümlədən ilkin yanğınsöndürmə vasitələrini saz vəziyyətdə saxlamaq, onların başqa məqsədlərlə istifadə olunmasına yol verməmək; 5) yanğından mühafizə bölmələrini bu Qanunla və digər qanunvericilik aktları ilə nəzərdə tutulmuş qaydada yaratmaq və saxlamaq; 6) yanğınları söndürməkdə, onların törənməsi və yayılması səbəblərini və şəraitini müəyyənləşdirməkdə, habelə yanğın təhlükəsizliyi tələblərinin pozulmasında və yanğınların törənməsində təqsiri olan şəxslərin aşkar edilməsində yanğından mühafizə və yanğın nəzarəti qurumlarına köməklik göstərmək; 7) müəssisələrin ərazisində yanğınların söndürülməsi zamanı yanğınsöndürmə üzrə əməliyyatların yerinə yetirilməsində iştirak edən yanğından mühafizə şəxsi heyətinə və yanğının söndürülməsinə cəlb olunmuş qüvvələrə müəyyənləşdirilmiş qaydada zəruri qüvvə və vəsaitlər, yanacaqsürtgü materialları, habelə ərzaq məhsulları və istirahət yerləri vermək; 8) Azərbaycan Respublikasının müvafiq icra hakimiyyəti orqanının və onun bölmələrinin vəzifəli şəxsləri öz xidməti vəzifələrini yerinə yetirərkən onların ərazilərə, binalara, qurğulara və müəssisənin başqa obyektlərinə daxil olmasını təmin etmək; 9) Azərbaycan Respublikasının müvafiq icra hakimiyyəti orqanının və onun bölmələrinin vəzifəli şəxslərinin tələbi ilə müəssisələrdə yanğın təhlükəsizliyi vəziyyəti barəsində, o cümlədən istehsal etdikləri məhsulun yanğın təhlükəsizliyi, habelə öz ərazilərində baş vermiş yanğınlar və onların nəticələri barəsində məlumatlar və sənədlər vermək; 10) yanğınlar, mövcud yanğından müdafiə sistemlərinin və vasitələrinin nasazlığı, yolların və girişlərin vəziyyətindəki dəyişikliklər barədə Azərbaycan Respublikasının müvafiq icra hakimiyyəti orqanına və ya onun bölmələrinə ləngimədən məlumat vermək. Məhkəmə işdə iştirak edən şəxslərin izahatını dinləyib, işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirərək, o nəticəyə gəlir ki, Şəxs MMC tərəfindən Azərbaycan Respublikası İXM-nin 518.1-ci maddəsi ilə nəzərdə tutulmuş inzibati xəta törədilmişdir, iş üzrə toplanmış mötəbər sübutlarla Şəxs MMC-nin həmin maddə ilə inzibati xəta törətməkdə təqsiri tam sübuta yetir və törədilən əməl düzgün olaraq Azərbaycan Respublikası İXM-nin 518.1-ci maddəsi ilə tövsif olunmuşdur. Odur ki, barəsində inzibati xəta haqqında iş üzrə icraat aparılan Şəxs MMC həmin maddə ilə təqsirli bilinərək inzibati qaydada tənbeh edilməlidir. Azərbaycan Respublikası İXM-nin 518.1-ci maddəsinə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə - fiziki şəxslərə xəbərdarlıq edilir və ya onlar iyirmi manatdan otuz manatadək məbləğdə cərimə edilir, vəzifəli şəxslərə xəbərdarlıq edilir və ya onlar yüz manatdan yüz əlli manatadək məbləğdə, hüquqi şəxslər üç yüz əlli manatdan beş yüz manatadək məbləğdə cərimə edilir. Məhkəmə barəsində inzibati xəta haqqında iş üzrə icraat aparılan hüquqi şəxsə inzibati tənbeh tətbiq etmək məsələsini həll edərkən inzibati xətalar qanunvericiliyinin aşağıdakı prinsip və müddəalarını rəhbər tutur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Hüquqi şəxs barəsində inzibati tənbeh tətbiq edərkən, məhkəmə Azərbaycan Respublikası İXM-nin 31.3-cü maddəsinə əsasən inzibati xətanın xarakterini, inzibati xəta nəticəsində hüquqi şəxsin əldə etdiyi xeyrin həcmini və ya onun maraqlarının təmin edilməsinin xarakterini və dərəcəsini, hüquqi şəxsi xarakterizə edən halları, o cümlədən onun maliyyə və əmlak vəziyyətini, xeyriyyəçilik və ya digər ictimai faydalı fəaliyyətlə məşğul olmasını, habelə məsuliyyətini yüngülləşdirən və ağırlaşdıran halları nəzərə alır. Məhkəmə iclasında barəsində inzibati xəta haqqında iş üzrə icraat aparılan Şəxs MMC-nin məsuliyyəti yüngülləşdirən və ağırlaşdıran hallar müəyyən olunmamışdır. Məhkəmə hüquqi şəxs Şəxs MMC-nin barəsində inzibati tənbeh tətbiq edərkən inzibati xətanın xarakterini, hüquqi şəxsi xarakterizə edən halları, onun təqsirlilik dərəcəsini, məsuliyyətini yüngülləşdirən və ağırlaşdıran halların olmamasını nəzərə alır və hesab edir ki, hüquqi şəxsin barəsində təqsirli bilindiyi maddənin sanksiyasında nəzərdə tutulan həddə inzibati cərimə tətbiq edilməsi məqsədəmüvafiqdir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək, məhkəmə qeyd edir ki, iş üzrə maddi sübut və məhkəmə məsrəfi yoxdur. Şərh olunanlara əsaslanaraq və Azərbaycan Respublikası İXM-nin 18, 40, 43, 114- 115, 128-130-cu maddələrini rəhbər tutaraq, məhkəmə
QƏRARA ALDİ:
Şəxs Azərbaycan Respublikası İXM-nin 518.1-ci maddəsi ilə təqsirli bilinib, barəsində 350 (üç yüz əlli) manat məbləğində inzibati cərimə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər.
Sədrlik edən Mətanət Hacıyeva