Bakı Şəhəri Nizami Rayon Məhkəməsi Qərar — İş №3(007)-2324/2025

Azərbaycan Respublikası adından QƏRAR Bakı şəhəri İş № 3(007)-2324/2025 22.05.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X1 iclas katibliyi, protokol tərtib etmiş səlahiyyətli orqanın etibarnamə üzrə nümayəndəsi X2 iştirakları ilə, Hüquqi ünvanı: Bakı şəhəri, Nizami rayonu, Q.Qarayev prospekti, ev 56, mənzil 16 ünvanında yerləşən Şəxs MMC (VÖEN: **********) barəsində Azərbaycan Respublikası İnzibati Xətalar Məcəlləsinin 469.2-ci maddəsi ilə Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidməti Bakı şəhər İdarəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Şəxs MMC Azərbaycan Respublikası Əmək Məcəlləsinin 469.2-ci maddəsinə əsasən işçilərin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortasını təmin etməmişdir. Bununla da İXM-in 469.2-ci maddəsində nəzərdə tutulmuş inzibati xətanı törətmişdir. Barəsində xx.xx.2025-ci il tarixli, MN № ******* saylı inzibati xəta haqqında protokol tərtib olunmuşdur. Protokol tərtib etmiş səlahiyyətli orqanın nümayəndəsi X5 çıxış edərək bildirdi ki, İSB tərəfindən ötürülmüş xx.xx.2025-ci il tarixli məlumatdan məlum olmuşdur ki, Şəxs MMC tərəfindən Azərbaycan Respublikası Əmək Məcəlləsinin 225-ci maddəsinin tələbləri pozularaq aktiv əmək müqaviləsi olan 19 sayda işçi istehsalatda baş vermiş bədbəxt hadisə və peşə xəstəlikləri nəticəsində peşə əmək qabiiyyətinin itirilməsi hallarından icbari sığorta olunmamışdır. Bununla da hüquqi şəxs tərəfindən Əmək Məcəlləsinin 469.2-ci maddəsinin tələbləri pozulmuşdur. Bu səbəbdən barələrində protokol tərtib olunaraq baxılması üçün məhkəməyə göndərilmişdir. Qeyd olunanlara əsaslanaraq Şəxs MMC barəsində inzibati tənbeh tətbiq edilməsini xahiş etdi. Barəsində inzibati xəta haqqında iş üzrə icraat aparılan hüquqi şəxsə məhkəmə iclasının vaxtı və yeri barədə məlumat verilməsinə baxmayaraq, nümayəndəsi məhkəmə iclasına gəlməmiş və gəlməməsinin üzrlü səbəbləri barədə məhkəməyə heç bir məlumat verməmişdir. Ona görə də məhkəmə barəsində inzibati xəta haqqında iş üzrə icraat aparılan hüquqi şəxsin nümayəndəsinin iştirakı olmadan işə baxılmasını mümkün hesab edir. İXM-in 469.2-ci maddəsinə əsasən “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” Azərbaycan Respublikasının Qanununa əsasən, müvafiq riskləri icbari qaydada sığorta etdirmək vəzifəsi müəyyən edilmiş fiziki və ya hüquqi şəxslər tərəfindən sığortaçı ilə icbari sığorta müqaviləsinin bağlanmaması inzibati xəta kimi müəyyən edilmişdir. Tərtib edilmiş protokoldan görünür ki, İSB tərəfindən ötürülmüş xx.xx.2025-ci il tarixli məlumatda Şəxs MMC tərəfindən Azərbaycan Respublikası Əmək Məcəlləsinin 225ci maddəsinin tələbləri pozularaq aktiv əmək müqaviləsi olan 19 sayda işçinin (X6, X7 və daha 17 işçi) istehsalatda baş vermiş bədbəxt hadisə və peşə xəstəlikləri nəticəsində peşə əmək qabiiyyətinin itirilməsi hallarından icbari sığorta olunmadığı müəyyən olunmuşdur. Şəxs MMC-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, xx.xx.2025-ci il tarixli ******* saylı qərardad və digər sənədlərlə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddərini rəhbər tutaraq, məhkəmə QƏRARA ALDİ: Şəxs MMC İnzibati Xətalar Məcəlləsinin 469.2-ci maddəsi ilə təqsirli bilinərək, 5000 manat (beş min manat) məbləğində inzibati qaydada cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Nigar Qədirli