Bakı Şəhəri Nizami Rayon Məhkəməsi Qərar — İş №3(007)-2479/2022

Azərbaycan Respublikası adından QƏRAR Bakı şəhəri İş № 3(007)-2479/2022 07.12.2022 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X1 iclas katibliyi ilə Hüquqi ünvanı Bakı şəhəri, Nizami rayonu, Babək prospekti 31 D ünvanında yerləşən “SETTE MOBİLİ” barəsində Azərbaycan Respublikası İnzibati Xətalar Məcəlləsinin 428.7.1-ci maddəsi ilə X5 Bakı Şəhəri Reklam İdarəsindən daxil olmuş inzibati xəta haqqında işə baxaraq, MÜƏYYƏN ETDİ: “SETTE MOBİLİ” tərəfindən xx.xx.2022-ci il tarixdə Bakı şəhəri, Nizami rayonu, Babək prospekti 31 D ünvanında yerləşən “SETTE MOBİLİ” adlı obyektin üzərində müvafiq icazə sənədi və icazə müqaviləsi olmadan açıq məkanda reklam yerləşdirilməsi faktı müəyyən edilmişdir. Bununla da o, İXM-in 428.7.1-ci maddəsində nəzərdə tutulmuş inzibati xətanı törətmişdir. Onun barəsində xx.xx.2022-ci il tarixli, MN № ******* saylı inzibati xəta haqqında protokol tərtib olunmuşdur. Protokol tərtib etmiş səlahiyyətli orqanın (vəzifəli şəxs) nümayəndəsi X2 bildirdi ki, “SETTE MOBİLİ” Reklam haqqında Qanunun tələblərini pozaraq, Nizami rayonu, Babək prospekti 31 D ünvanında müvafiq icazə sənədi və icazə müqaviləsi olmadan açıq məkanda reklam yerləşdirilməsi faktı müəyyən edilmiş, həmin şirkətə müvafiq icazə sənədi almaq və icazə müqaviləsi bağlamaq təklif edilsə də, bundan yayınmışdır. Barəsində inzibati xətalar haqqında iş üzrə icraat aparılan şəxs X6 məhkəmə iclasında iştirak edərək bildirdi ki, qeyd olunan ünvanda yerləşən obyekt ona məxsus deyildir. xx.xx.2022-ci il tarixdə açıq məkanda reklam yerləşdirilməsinə dair icazənin verilməsi ilə bağlı ərizə ilə müraciət etsə də, sonradan qeyd olunan obyekt onun tərəfindən icarəyə götürülməmişdir. Bu səbəbdən iş üzrə icraata xitam verilməsini məhkəmədən xahiş etdi. İXM-in 428.7.1-ci maddəsinə əsasən açıq məkanda reklam haqqında qanunvericiliyin pozulması, yəni müvafiq icazə, texniki şərtlər pasportu və icazə müqaviləsi olmadan, həmçinin onların tələbləri pozulmaqla açıq məkanda reklam yerləşdirilməsi inzibati xəta kimi müəyyən edilmişdir. “SETTE MOBİLİ”-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla və protokola əlavə edilmiş obyektin üzərindəki reklam barədə çəkilmiş fotoşəkillər, X5 Bakı Şəhəri Reklam İdarəsinin “SETTE MOBİLİ”yə ünvanladığı xx.xx.2022-ci il tarixli məktubla tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddərini rəhbər tutaraq, QƏRARA ALDİ: “SETTE MOBİLİ” İnzibati Xətalar Məcəlləsinin 428.7.1-ci maddəsi ilə təqsirli bilinərək, 1500 manat (min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Nigar Qədirli