Bakı Şəhəri Nizami Rayon Məhkəməsi Qərar — İş №3(007)-2561/2022

Azərbaycan Respublikası adından QƏRAR Bakı şəhəri İş № 3(007)-2561/2022 22.11.2022 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X5 iclas katibliyi ilə, barəsində inzibati xətalar haqqında iş üzrə icraat aparılan şəxsin müdafiəçisi Bakı şəhəri 18 saylı vəkil bürosunun vəkili X3, protokol tərtib etmiş səlahiyyətli orqanın nümayəndəsi X2 iştirakları ilə, Hüquqi ünvanı ünvan 1 Şəxs QSC (VÖEN: **********) barəsində Azərbaycan Respublikası İnzibati Xətalar Məcəlləsinin 464-cü maddəsi ilə Azərbaycan Respublikası Maliyyə Nazirliyindən daxil olmuş inzibati xəta haqqında işə baxaraq, MÜƏYYƏN ETDİ: İnzibati xəta haqqında iş üzrə materiallardan görünür ki, Şəxs QSC 2020-ci il üzrə maliyyə hesabatlarının 2021-ci ildə auditini aparmamışdır. Bununla da o, İXM-in 464-cü maddəsində nəzərdə tutulmuş inzibati xətanı törətmişdir. Onun barəsində 20 oktyabr 2022-ci il tarixli, MN № ******* saylı inzibati xəta haqqında protokol tərtib olunmuşdur. Məhkəmə iclasında barəsində inzibati xətalar haqqında iş üzrə icraat aparılan şəxsin nümayəndəsi X7 ərizə ilə məhkəmə müraciət edərək bildirdi ki, Şəxs QSC 2020-ci il üzrə illik maliyyə hesabatlarının auditinin keçirilməsini təmin etmiş, "xxxx" MMC tərəfindən keçirilmiş audit yoxlaması nəticəsində müstəqil audit rəyi tərtib edilmişdir. Göstərilənlərə əsasən, iş üzrə icraata xitam verilməsini xahiş etmişdir. Məhkəmə iclasında protokol tərtib etmiş səlahiyyətli orqanın nümayəndəsi X4 bildirdi ki, Şəxs QSC tərəfindən təqdim edilmiş 2020-ci il üzrə illik maliyyə hesabatlarının audutinin keçirilməsinə dair audit rəyini qəbul edir, həqiqiliyini təsdiq edir və inzibati iş üzrə icraata xitam verilməsinə etiraz etmir. Məhkəmə işdə iştirak edən şəxsi dinləyib, tədqiq olunmuş sübutlara məcmu halda hüquqi qiymət verərək, hesab edir ki, Şəxs QSC-nin əməlində Azərbaycan Respublikası İXM-nin 464-cü maddəsi ilə nəzərdə tutulan inzibati xətanın tərkibi olmadığından iş üzrə icraata xitam verilməlidir. İş materiallarından görünür ki, “X1” MMC tərəfindən keçirilmiş audit yoxlaması nəticəsində Şəxs QSC –nin 31 dekabr 2021-ci il tarixinə maliyyə hesabatı tərtib edilmişdir. İş materiallarından görünür ki, "xxxx" MMC tərəfindən keçirilmiş audit yoxlaması nəticəsində Şəxs QSC –nin 31 dekabr 2020-ci il tarixinə maliyyə hesabatı tərtib edilmişdir. Məhkəmə iclasında tədqiq olunmuş sübutlarla müəyyən edilmişdir ki, Şəxs QSC tərəfindən 2020-ci il üzrə maliyyə hesabatının məcburi auditi aparılmış, və Şəxs QSC –nin 31 dekabr 2020-ci il tarixinə maliyyə hesabatı tərtib edilmişdir. Həmin rəy Azərbaycan Respublikasının Maliyyə Nazirliyinə vaxtında təqdim edilmədiyindən MMC-nin barəsində 20 oktyabr 2022-ci il tarixdə inzibati xəta haqqında protokol tərtib edilmişdir. Lakin məhkəmə işin faktiki hallarını nəzərə alaraq, hesab edir ki, MMC-nin təqsirli bilinərək inzibati qaydada tənbeh olunması üçün əsaslar yoxdur. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 75-ci maddəsinə əsasən inzibati xəta haqqında iş üzrə icraat zamanı inzibati xəta hadisəsinin törədilib-törədilməməsi, inzibati xəta törətmiş şəxs və sair hallar müəyyən edilməlidir; 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, Şəxs QSC-nin əməlində Azərbaycan Respublikası İXM-nin 464-cü maddəsində nəzərdə tutulmuş inzibati xəta tərkibi olmadığından, yəni həmin MMC qanunvericiliklə nəzərdə tutulmuş halda həyata keçirilməli olan məcburi auditdən yayınmadığına görə Şəxs QSC -nin barəsində başlanmış inzibati xəta haqqında iş üzrə icraata xitam verilməlidir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut və məhkəmə məsrəfi yoxdur. Şərh olunanlara əsaslanaraq və Azərbaycan Respublikası İXM-nin 18, 53, 115, 128-130-cu maddələrini rəhbər tutaraq, məhkəmə, QƏRARA ALDİ: Şəxs QSC barəsində İnzibati Xətalar Məcəlləsinin 464-cü maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Nigar Qədirli