Bakı Şəhəri Nizami Rayon Məhkəməsi Qərardad — İş №3(007)-2570/2025

Azərbaycan Respublikası adından QƏRARDAD Bakı şəhəri İş № 3(007)-2570/2025 23.05.2025 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Qədirli Nigar Aftandil qızı, X1 qərarlardan verdiyi şikayəti nəzərdən keçirərək, MÜƏYYƏN ETDİM: X2 şikayət ərizəsi ilə məhkəməyə müraciət edərək, EQ9815302, BNA 2337509, İPX5433181, EQ24810586, EQ24810587, EQ24810588, EQ24810589, EQ24810590 saylı saylı İnxibati xəta haqqında Protokolların əsasında verilmiş qərarların ləğv edilməsi həmçinin BYDP tərəfindən xx.xx.2025-ci il tarixində qeydə alınmış hadisə üzrə İXM-nin 328.1-ci maddəsi ilə protokol və qərar, AYNA tərəfindən xx.xx.2025-ci il tarixində qeydə alınmış hadisə İXM-nin 346-1.1-ci maddəsi ilə protokol və qərar, BYDP tərəfindən xx.xx.2025-ci il tarixində qeydə alınmış hadisə üzrə İXM-nin 346.1-ci maddəsi ilə protokol və qərar, BYDP tərəfindən xx.xx.2025-ci il tarixində qeydə alınmış hadisə üzrə İXM-nin 328.1-ci maddəsi ilə protokol və qərar, BYDP tərəfindən xx.xx.2025-ci il tarixində qeydə alınmış hadisə üzrə İXM-nin 328.2-ci maddəsi ilə protokol və qərar, BYDP tərəfindən xx.xx.2025-ci il tarixində qeydə alınmış hadisə üzrə İXM-nin 328.1-ci maddəsi ilə protokol və qərarın ləğv edilməsini və işlər üzrə icraata xitam verilməsini məhkəmədən xahiş etmişdir. Şikayət və təqdim edilmiş sənədləri nəzərdən keçirərək hesab edirəm ki, şikayətə baxılması qeyri-mümkündür, ona görə də geri qaytarılmalıdır. Belə ki, hazırki iş üzrə barəsində şikayət verilmiş inzibati xəta haqqında iş üzrə qərarların surəti iş materiallarına əlavə edilməmiş, məhkəməyə göndərilməmişdir. Belə olan halda isə sənədlər natamam olduğundan şikayətçinin qeyd etdiyi qərarların həqiqətən də mövcud olub-olmamasını müəyyən etmək mümkün olmamışdır. Həmçinin qərarların surətinin alınması üçün şikayətçinin özünün səlahiyyətli orqana (vəzifəli şəxsə) müraciət etməsi, lakin qərarların surətinin ona verilməməsi barədə iş materiallarına heç bir sübut da əlavə edilməmişdir. Şikayətçi özü qərarların surətinin alınması üçün həmin səlahiyyətli orqana müraciət etməli, qərarın surətini aldıqdan sonra, məhkəməyə həmin qərardan şikayət verə bilər. Əgər səlahiyyətli orqan qərarların surətinin şikayətçiyə verilməsindən imtina edərsə, şikayətçi yuxarı səlahiyyətli orqana müraciət edə bilər. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Göstərilənlərə əsasən hesab edirəm ki, hazırki iş üzrə məhkəməyə təqdim edilmiş sənədlərdə barəsində şikayət verilən qərarlar mövcud olmadığından, sənədlər natamam olduğundan şikayət geri qaytarılmalı, şikayətçiyə qərarın təsviri hissəsində göstərilmiş çatışmazlıqları aradan qaldırıldıqdan sonra hər bir qərardan ayrı-ayırılqda şikayətlə yenidən məhkəməyə müraciət etmək hüququ izah edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 106, 109-cu maddələrinə əsasən, QƏRARA ALDİM: Şikayət və ona əlavə edilmiş sənədlər geri qaytarılsın. Şikayətçiyə izah edilsin ki, qərardadda göstərilən çatışmamazlıqlar aradan qaldırıldıqdan sonra hər bir qərardan ayrı-ayırlıqda məhkəməyə yenidən şikayət verilə bilər. Qərardaddan şikayət və ya prosest verilə bilməz. Hakim Nigar Qədirli