Bakı Şəhəri Nizami Rayon Məhkəməsi Qərardad — İş №3(007)-2629/2024

Azərbaycan Respublikası adından QƏRARDAD Bakı şəhəri İş № 3(007)-2629/2024 05.08.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X1 iclas katibliyi ilə Şəxs tərəfindən İnzibati Xətalar Məcəlləsinin 529.1-ci maddəsində nəzərdə tutulmuş inzibati xətanın törədilməsi barədə Bakı şəhər Nizami rayon İcra şöbəsindən daxil olmuş inzibati xəta haqqında protokola və əlavə edilmiş materiala baxaraq, məhkəmə MÜƏYYƏN ETDİ: Məhkəməyə təqdim edilmiş yuxarıda qeyd edilən inzibati xəta haqqında protokol və materialları araşdıraraq məhkəmə hesab edir ki, protokol və digər sənədlər natamam olduğundan və məhkəmə araşdırması zamanı aradan qaldırılması mümkün olmadığından geri qaytarılmalıdır. Belə ki, Bakı şəhər Nizami rayon İcra şöbəsi tərəfindən qəbul edilmiş MN ******* saylı inzibati xəta haqqında protokolun tərtib olunması əsaslarından biri qismində çıxış edən MN ******* saylı inzibati tənbeh vermə haqqında qərar Binəqədi Rayon Məhkəməsinin 3(001)-3694/2024 saylı qərarına əsasən ləğv edilmiş və yenidən araşdırılması üçün Ekologiya və Təbii Sərvətlər Nazirliyi 11 saylı Regional Ekologiya və Təbii sərvətlər İdarəsinə geri qaytarılmışdır. Belə olduğu təqdirdə hal-hazırda məhkəmə tərəfindən işə baxılması mümkün olmadığından material və protokol baxılmadan Bakı şəhəri Nizami rayon İcra Şöbəsinə geri qaytarılmalıdır. İXM-in 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Şərh olunanlara əsasən və İnzibati Xətalar Məcəlləsinin 106, 109-cu maddələrinə əsasən, məhkəmə QƏRARA ALDİ: İnzibati xəta haqqında protokol və əlavə edilmiş sənədlər Bakı şəhər Nizami rayon İcra şöbəsinə geri qaytarılsın. Hakim Nigar Qədirli