Bakı Şəhəri Nizami Rayon Məhkəməsi Qərar — İş №3(007)-2633/2022

Azərbaycan Respublikası adından QƏRAR Bakı şəhəri İş № 3(007)-2633/2022 05.12.2022 BAKI ŞƏHƏRİ NİZAMİ RAYON MƏHKƏMƏSİ Hakim Qədirli Nigar Aftandil qızının sədrliyi, məhkəmə iclasının katibi Səfərov Rəşad Ramazan oğlunun katibliyi, inzibati xəta haqqında protokolu tərtib etmiş Azərbaycan Respublikasının X1 Bakı regional bölməsinin nümayəndəsi X2, barəsində inzibati xəta haqqında iş üzrə icraat aparılan Şəxs MMC-nin etibarnamə üzrə nümayəndəsi X3 iştirakları ilə, Hüquqi ünvanı Bakı şəhəri, Nizami rayonu, Mərdanov qardaşları küçəsi, ev 137 ünvanında yerləşən Şəxs MMC (VÖEN: **********) barəsində Azərbaycan Respublikası İXM-nin 544.2-ci maddəsi ilə olan işə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: Azərbaycan Respublikasının X1 Bakı regional bölməsindən daxil olmuş 11 noyabr 2022-ci il tarixli, MN seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən xx.xx.2022-ci il tarixdə X1 Bakı regional bölməsinin əməkdaşları tərəfindən Bakı şəhəri, Nizami rayonu, 6-cı köndələn ünvanında yerləşən "xxxx" MMC-yə məxsus olan İD ********** nömrəli sənəd ilə idxal olunan “Çağlak” kərə yağı məhsuluna, müraciətdə qeyd olunan anbara baxış keçirilmiş, lakin məhsul anbarda aşkar olunmamışdır. Məhkəmə iclasında inzibati xəta haqqında protokolu tərtib etmiş Azərbaycan Respublikasının Qida Təhlükəsizliyinin nümayəndəsi X4 izahatında göstərmişdir ki, "xxxx" MMC-yə məxsus olan İD ********** nömrəli sənəd ilə idxal olunan “Çağlak” kərə yağı məhsulundan nümunənin götürülməsi "xxxx" MMC tərəfindən təmin edilmiş və aktlaşdırılmışdır. İş üzrə icraata xitam verilməsinə etiraz etmədiyini bildirmişdir. Məhkəmə iclasında Şəxs MMC-nin etibarnamə üzrə nümayəndəsi X5 izahatında göstərmişdir ki, X1 əməkdaşları tərəfindən sonradan "xxxx" MMC-yə məxsus olan İD ********** nömrəli sənəd ilə idxal olunan “Çağlak” kərə yağı məhsulundan nümunənin götürülməsi "xxxx" MMC tərəfindən təmin edilmişdir. Hesab edir ki, artıq inzibati xəta törədən hallar aradan qaldırılmışdır.İş üzrə icraata xitam verilməsini məhkəmədən xahiş etmişdir. Məhkəmə işdə iştirak edən şəxsin izahatını dinləyib, iş materiallarına əlavə edilmiş Azərbaycan Respublikası X1 “məhsul nümunələrinin götürülməsinə dair” xx.xx.2022-ci il tarixli, İD ********** nömrəli akta və tədqiq olunmuş sübutlara məcmu halda hüquqi qiymət verərək,hesab edir ki, Şəxs MMC -nin əməlində Azərbaycan Respublikası İXM-nin 544.2cü maddəsi ilə nəzərdə tutulan inzibati xətanın tərkibi olmadığından iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 75-ci maddəsinə əsasən inzibati xəta haqqında iş üzrə icraat zamanı inzibati xəta hadisəsinin törədilib-törədilməməsi, inzibati xəta törətmiş şəxs və sair hallar müəyyən edilməlidir; 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, Şəxs MMC-nin əməlində Azərbaycan Respublikası İXM-nin 544.2-cü maddəsində nəzərdə tutulmuş inzibati xəta tərkibi olmadığından, MMC-nin barəsində başlanmış inzibati xəta haqqında iş üzrə icraata xitam verilməlidir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut və məhkəmə məsrəfi yoxdur. Şərh olunanlara əsaslanaraq və Azərbaycan Respublikası İXM-nin 18, 53, 105, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İXM-nin 544.2-cü maddəsində nəzərdə tutulan inzibati xətanın tərkibi olmadığından, iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim: Nigar Qədirli