Bakı Şəhəri Nizami Rayon Məhkəməsi Qərardad — İş №3(007)-2641/2022

Azərbaycan Respublikası adından QƏRARDAD Bakı şəhəri İş № 3(007)-2641/2022 17.11.2022 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədov Rauf Tağı oğlu, "xxxx" ASC-nin barəsində Azərbaycan Respublikası İnzibati Xətalar Məcəlləsinin 469.3-cü maddəsi ilə başlanmış və Bakı şəhəri Xətai Rayon Polis İdarəsindən daxil olmuş inzibati xəta haqqında materiala açıq məhkəmə iclasında baxaraq, M Ü Ə Y Y Ə N E T D İ: Bakı şəhəri Xətai rayon DYPŞ yol patrul xidmətinin inspektoru, polis leytenantı X1 tərəfindən tərtib edilmiş xx.xx.2022-ci tarixli İXP ******* saylı inzibati xəta haqqında protokoldan görünür ki, "xxxx" ASC Azərbaycan Respublikasının İnzibati Xətalar Məcəlləsinin 469.3-cü maddəsi ilə nəzərdə tutulan inzibati xətanı törətmişdir. "xxxx" ASC-nin barəsində tərtib olunmuş xx.xx.2022-ci tarixli İXP ******* saylı inzibati xəta haqqında protokol və toplanmış sənədlər baxılması üçün Bakı şəhəri Nizami Rayon Məhkəməsinə daxil olmuşdur. Məhkəmə inzibati xəta haqqında protokolu inzibati iş üzrə icraat materialları ilə əlaqəli araşdırıb hesab edir ki, "xxxx" ASC-nin barəsində Azərbaycan Respublikası İnzibati Xətalar Məcəlləsinin 469.3-cü maddəsi ilə başlanmış inzibati xəta haqqında protokol geri qaytarılmalıdır. Belə ki, materialda olan xx.xx.2022-ci il tarixli bildirişin "xxxx" ASC-yə təqdim edilməsi barədə sənəd iş materiallarına əlavə edilməməklə protokolun tərtib olunmasından məlumatlı olub-olmaması müəyyən olunmur. Azərbaycan Respublikası İXM-nin 109.1.6-cı maddəsinin tələbinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Qeyd olunanlara əsasən məhkəmə hesab edir ki, "xxxx" ASC-nin barəsində tərtib edilmiş inzibati xəta haqqında protokol və ona əlavə edilmiş sənədlər protokol tərtib etmiş orqana geri qaytarılmalıdır. Yuxarıda göstərilənləri və Azərbaycan Respublikası İnzibati Xətalar Məcəlləsinin 40, 43, 53, 105.1, 114, 115, 128-130-cu maddələrini rəhbər tutaraq, Q Ə R A R A A L D İ M: "xxxx" ASC barəsində tərtib edilmiş xx.xx.2022-ci tarixli İXP ******* saylı inzibati xəta haqqında protokol və ona əlavə edilmiş sənədlər Bakı şəhəri Xətai Rayon Polis İdarəsinə qaytarılsın. Hakim: Rauf Əhmədov