Bakı Şəhəri Nizami Rayon Məhkəməsi Qərar — İş №3(007)-2699/2024

Azərbaycan Respublikası adından QƏRAR Bakı şəhəri İş № 3(007)-2699/2024 27.05.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Hacıyeva Mətanət İsfəndiyar qızının sədrliyi, məhkəmə iclasının katibi Dadaşova Emina Bəhruz qızının katibliyi, Bakı şəhəri Nizami RPİ-nin 25-ci PŞ-nin sahə inspektoru, polis baş leytenantı X3, barəsində inzibati xəta haqqında iş üzrə icraat aparılan şəxs Şəxs, onun müdafiəçisi – “KREDO” Vəkil Bürosunun vəkili X1 iştirakı ilə, xx.xx.1993-cü ildə Naxçıvan Muxtar Respublikası, Sədərək rayonu, Sədərək kəndində anadan olmuş, Naxçıvan Muxtar Respublikası, Sədərək rayonu, ünvan 1 ünvanında yaşayan (FİN xxxxxxx) Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanı törətməsinə dair Bakı şəhəri Nizami RPİ-nin 25-ci Polis Şöbəsindən daxil olmuş inzibati xəta haqqında materiala baxaraq, MÜƏYYƏN ETDİ: Bakı şəhəri Nizami RPİ-nin 25-ci Polis Şöbəsindən daxil olmuş inzibati xəta haqqında materiala əsasən Şəxs xx.xx.2024-cü il tarixdə, saat 20:10 radələrində Bakı şəhəri Nizami RPİ-nin X11 Şöbəsində polis əməkdaşlarının qanuni tələblərinə tabe olmamış, şöbənin iş rejimini pozmuşdur. Bu barədə Bakı şəhəri Nizami RPİ-nin 25-ci PŞ-nin sahə inspektoru, polis baş leytenantı X5 tərəfindən xx.xx.2024-cü il tarixdə MN seriyalı, ******* nömrəli inzibati xəta haqqında protokol tərtib edilmişdir. Məhkəmə iclasında Bakı şəhəri Nizami RPİ-nin 25-ci PŞ-nin sahə inspektoru, polis baş leytenantı X5 inzibati xəta haqqında protokolun məzmununa uyğun izahat verərək, Şəxs barəsində inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, xx.xx.2024-cü il tarixdə, saat 20:10 radələrində Bakı şəhəri, Nizami rayonu, Heydər Əliyev prospektində “Yamaha” markalı motosiklet ilə hərəkətdə olarkən Dövlət X10 əməkdaşları tərəfindən saxlanılmış və Polis Şöbəsinə dəvət edilmişdir. O, etiraz etməyərək polis əməkdaşları ilə birlikdə Bakı şəhəri Nizami RPİ-nin X11 Şöbəsinə getmişdir. Polis Şöbəsində olan zaman ona bildirilmişdir ki, avtoxuliqanlıq etmişdir. O, etiraz edərək bildirmişdir ki, əvvəldə saxlanılmış, lakin şikayət etdiyi üçün inzibati xəta törətmədiyi məlum olmuşdur. Bundan əlavə bildirmişdir ki, o, qanunları yaxşı bilməsə də, qardaşı vəkil olduğu üçün ona hər zaman qanunları izah etdiyindən hansı hərəkətlərin avtoxuliqanlıq hesab olunması barədə məlumatı var. Bu zaman Bakı şəhəri Nizami RPİ-nin Dövlət X10 əməkdaşları onun sözlərindən hiddətlənərək ona hücum etmiş, ona qarşı nalayiq ifadələr işlədərək, onu boğmuş, həmçinin, müxtəlif yumruq zərbələri ilə onu vurmuşlar. O, həmin zaman başa düşmüşdür ki, polis əməkdaşları onu qanuna zidd hərəkət etməyə məcbur edir. Bu zaman o, öz sakitliyini qorumuş, polis əməkdaşlarının hərəkətlərinə reaksiya verməmiş, nalayiq ifadələr işlətməmiş, polis əməkdaşlarına qarşı hər-hansı bir tabesizlik göstərməmiş, əl-qol atmamışdır. Məhkəmədən barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında şahid qismində dindirilən Bakı şəhəri Nizami rayon Polis İdarəsinin Dövlət X10 yol-patrul xidməti inspektoru X4 bildirmişdir ki, xx.xx.2024-cü il tarixdə, saat 20:10 radələrində Bakı şəhəri, Nizami rayonu, Heydər Əliyev prospektində xidmətdə olarkən “Yamaha” markalı motosiklet sürücüsü yol hərəkəti qaydalarını pozduğu üçün saxlanılmış, sürücüyə hüquq və vəzifələri, törətdiyi inzibati xətanın mahiyyəti izah edilmiş, həmçinin, videogörüntülərə baxış keçirilməsi üçün sürücü Şəxs Bakı şəhəri Nizami RPİ-nin X11 Şöbəsinə dəvət edilmişdir. Şəxs etiraz etməyərək onunla birlikdə Bakı şəhəri Nizami RPİ-nin X11 Şöbəsinə getmişdir. Bakı şəhəri Nizami RPİ-nin X2 zaman Şəxs barəsində inzibati xəta haqqında protokol tərtib edilməsinə etiraz edərək səs-küy salmış, onun və digər polis əməkdaşlarının ünvanlarına nalayiq ifadələr işlətmiş, Polis Şöbəsinin iş rejimini pozmuşdur. İş materiallarında olan və məhkəmə baxışında tədqiq edilmiş: - xx.xx.2024-cü il tarixli tutma protokolundan görünür ki, Şəxs xx.xx.2024-cü il tarixdə saat 20:10-da inzibati qaydada tutulmuşdur. Məhkəmə iş materiallarını araşdırıb hesab edir ki, Şəxs əməlində inzibati xəta tərkibi olmadığından inzibati xəta haqqında iş üzrə icraata xitam verilməlidir. Azərbaycan Respublikası İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə həmin maddədə inzibati məsuliyyət nəzərdə tutulur. Məhkəmə iclasında Şəxs polis əməkdaşlarının qanuni tələblərinə qəsdən tabe olmaması, polis əməkdaşlarını nalayiq ifadələrlə təhqir etməsi öz təsdiqini tapmamışdır. İnzibati məsuliyyətə cəlb olunmuş Şəxs öz təqsirsizliyini sübut etməyə borclu olmadığından və sübut etmək yükü inzibati xəta hadisəsini aşkar edən orqanın üzərinə düşdüyündən, Şəxs Azərbaycan Respublikası İnzibati Xətalar Мəcəlləsinin 535.1-ci maddəsində nəzərdə tutulmuş inzibati xətanı törətməsinə dair mötəbər sübut təqdim edilmədiyindən məhkəmə Bakı şəhəri Nizami RPİ-nin 25-ci PŞ-nin sahə inspektoru, polis baş leytenantı X5 tərəfindən tərtib edilmiş inzibati xəta haqqında protokolun əsassız olduğu qənaətinə gəlmişdir. Beləliklə, məhkəmə iclasında Şəxs Azərbaycan Respublikası İnzibati Xətalar Мəcəlləsinin 535.1-ci maddəsində nəzərdə tutulmuş inzibati xətanı törətməsi sübuta yetirilmədi. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 76.2-ci maddəsinə əsasən qanuna zidd olaraq əldə edilmiş sübutların istifadə edilməsinə yol verilmir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilənlərə əsasən məhkəmə hesab edir ki, Şəxs əməlində Azərbaycan Respublikası İXM-nin 535.1-ci maddəsində nəzərdə tutulmuş inzibati xəta tərkibi olmadığından onun barəsində başlanmış icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 115, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Мəcəlləsinin 535.1-ci maddəsində nəzərdə tutulmuş inzibati xəta törətməsinə dair iş üzrə icraata əməlində inzibati xəta tərkibi olmadığından xitam verilsin. İnzibati qaydada tutulmuş Şəxs dərhal məhkəmə iclas zalından azad edilsin. Qərarın surəti rəsmi qaydada verildiyi vaxtdan 10 (on) gün müddətində qərardan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayəti verilə bilər. Sədrlik edən Mətanət Hacıyeva