Bakı Şəhəri Nizami Rayon Məhkəməsi Qərar — İş №3(007)-2707/2024

Azərbaycan Respublikası adından QƏRAR Bakı şəhəri İş № 3(007)-2707/2024 11.06.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X3 iclas katibliyi, Protokol tərtib etmiş səlahiyyətli orqanın (vəzifəli şəxs) nümayəndəsi X1 və Barəsində inzibati xətalar haqqında iş üzrə icraat aparılan şəxs Şəxs iştirakları ilə, Hüquqi ünvanı Bakı şəhəri, Nizami rayonu, Q.Qarayev prospekti, 74 ünvanında yerləşən “Lombard” adlı obyektin sahibi (vəzifəli şəxs) Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsi ilə X6 Bakı Şəhəri Reklam İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs tərəfindən xx.xx.2024-cü il tarixdə, saat 16:38 radələrində Bakı şəhəri, Nizami rayonu, Q.Qarayev prospekti ünvanında yerləşən “Lombard” adlı obyektin üzərində müvafiq icazə olmadan açıq məkanda reklam yerləşdirilməsi faktı müəyyən edilmişdir. Bununla da o, İXM-in 428.7.1-ci maddəsində nəzərdə tutulmuş inzibati xətanı törətmişdir. Onun barəsində xx.xx.2024-cü il tarixli, MN № ******* saylı inzibati xəta haqqında protokol tərtib olunmuşdur. Protokol tərtib etmiş səlahiyyətli orqanın (vəzifəli şəxs) nümayəndəsi X2 bildirdi ki, xx.xx.2024-cü il tarixdə, saat 16:38 radələrində “Lombard” adlı obyekt tərəfindən Reklam haqqında Qanunun tələblərini pozaraq, Nizami rayonu, Q.Qarayev prospekti ünvanında müvafiq icazə olmadan açıq məkanda reklam yerləşdirilməsi faktı müəyyən edilmiş, bu səbəbdən də xx.xx.2024-cü il tarixli, MN № ******* saylı inzibati xəta haqqında protokol tərtib olunmuşdur. Həmçinin qeyd etdi ki, protokol tərtib olunmazdan əvvəl müvafiq akt tərtib olunmuş, pozuntunun aradan qaldırılması üçün icrası məcburi olan yazılı bildiriş göndərilmiş, pozuntu aradan qaldırılmadığı üçün protokol tərtib olunmuşdur. Barəsində inzibati xətalar haqqında iş üzrə icraat aparılan şəxs Şəxs məhkəmə iclasında iştirak edərək bildirdi ki, inzibati xətanı törətmişdir, sadəcə maddi imkanı olmadığı üçün müvafiq icazə ilə bağlı rüsumu ödəyə bilməmişdir. Protokol tərtib olunarkən həmin obyektdə o fəaliyyət göstərmiş, lakin sonradan başqa şəxsə təhvil vermiş, hazırda isə həmin obyektdə fəaliyyət göstərmir. İXM-in 428.7.1-ci maddəsinə əsasən açıq məkanda reklam haqqında qanunvericiliyin pozulması, yəni müvafiq icazə, texniki şərtlər pasportu və icazə müqaviləsi olmadan, həmçinin onların tələbləri pozulmaqla açıq məkanda reklam yerləşdirilməsi inzibati xəta kimi müəyyən edilmişdir. Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla və protokola əlavə edilmiş obyektin üzərindəki reklam barədə çəkilmiş fotoşəkillər, X6 Bakı Şəhəri Reklam İdarəsinin “Lombard”-a ünvanladığı xx.xx.2024-cü il tarixli məktubla tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddərini rəhbər tutaraq, məhkəmə QƏRARA ALDİ: Vəzifəli şəxs Şəxs İnzibati Xətalar Məcəlləsinin 428.7.1-ci maddəsi ilə təqsirli bilinərək, 1500 manat (bir min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Nigar Qədirli