Bakı Şəhəri Nizami Rayon Məhkəməsi Qərar — İş №3(007)-286/2022

Azərbaycan Respublikası adından QƏRAR Bakı şəhəri İş № 3(007)-286/2022 10.03.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, Bakı şəhəri Nizami rayon İcra Şöbəsinin icra məmuru X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, 23 sentyabr 1981-ci il tarixdə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanda qeydiyyatda olan, Şəxs barəsində Bakı şəhəri Nizami rayon İcra Şöbəsindən daxil olmuş inzibati xəta haqqında protokola və materiallara açıq məhkəmə iclasında baxaraq, MÜƏYYƏN E T D İ M: İnzibati xəta haqqında iş üzrə icraat materiallarından və Bakı şəhəri Nizami rayon Məhkəməsinin xx.xx.2009-cu il tarixli 2 (007) 2700 saylı icra vərəqəsindən görünür ki, kredit müqaviləsi üzrə ödənilməmiş 9555 manat əsas borc, 3211 manat 54 qəpik faiz borcu, cəmi 12766 manat 54 qəpik "xxxx" ASC-nin xeyrinə cavabdeh Şəxs tutulmalıdır. Borcun tutulması 09 iyun 2008-ci il tarixli girov müqaviləsinə əsasən girovla yüklü edilmiş, “Mercedes Benz E-230” markalı (tip-Sedan.Mühərrik **********0695, Ban: WDB2100371A242120, buraxılış ili 1996-cı il rəngi tünd mavi metal) ** UG *** dövlət qeydiyyt nişanlı avtomaşına yönəldilməklə həmin avtomobil açıq hərracdan satılmalıdır. İnzibati işdə olan xx.xx.2012-ci il tarixli qərardan görünür ki, Bakı şəhəri Nizami rayon Məhkəməsinin xx.xx.2009-cu il trixli 2 (007) 2700 saylı icra vərəqəsi Bakı şəhəri Nizami rayon İcra Şöbəsinə daxil olmuş və icra sənədinin icrasına başlanılmışdır. Bakı şəhəri Nizami rayon İcra Şöbəsinin icra məmuru X2 tərəfindən tərtib olunmuş 28 yanvar 2022-ci il tarixli MN № ******* saylı inzibati xəta haqqında protokoldan görünür ki, Şəxs Bakı şəhəri Nizami rayon Məhkəməsinin xx.xx.2009-cu il trixli 2 (007) 2700 saylı icra sənədini üzürsüz səbəbdən icra etməmiş və bununla Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətmişdir. Məhkəmə iclasında icra məmuru X2 izahatında göstərmişdir ki, borclu Şəxs Bakı şəhəri Nizami rayon Məhkəməsinin xx.xx.2009-cu il trixli 2 (007) 2700 saylı icra sənədini üzürsüz səbəbdən icra etməmişdir. Faktla bağlı Şəxs barəsində inzibati xəta haqqında protokol tərtib edilmişdir. Məhkəmə iclasında borclu Şəxs izahatında göstərmişdir ki, Bakı şəhəri Nizami rayon Məhkəməsinin xx.xx.2009-cu il trixli 2 (007) 2700 saylı icra vərəqəsinə əsasən, kredit müqaviləsi üzrə ödənilməmiş 9555 manat əsas borc, 3211 manat 54 qəpik faiz borcu, cəmi 12766 manat 54 qəpik "xxxx" ASC-nin xeyrinə ondan tutulmalıdır. Borcun tutulması 09 iyun 2008-ci il tarixli girov müqaviləsinə əsasən girovla yüklü edilmiş, “Mercedes Benz E-230” markalı (tip-Sedan.Mühərrik **********0695, Ban: WDB2100371A242120, buraxılış ili 1996cı il rəngi tünd mavi metal) ** UG *** dövlət qeydiyyt nişanlı avtomaşına yönəldilməklə, həmin avtomobil açıq hərracdan satılmalıdır. Lakin, avtomobil oğurlandığından qərarın icrasını təmin etmək mümkün olmamışdır. Buna baxmayaraq borcundan ödəniş etmiş və bunun nəzərə alınaraq barəsində başlanmış inzibati iş üzrə icraata xitam verilməsini xahiş etmişdir. Məhkəmə, inzibati xəta haqqında protokolu daxil olmuş iş materialları ilə əlaqəli araşdırıb, inzibati işin baxılmasında iştirak edən şəxslərin izahatını dinləyərək hesab edir ki, Şəxs barəsində başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. İnzibati işin baxılması zamanı borclu Şəxs məhkəmənin icra sənədi ilə əlaqədar ödəniş edilmişdir. Məhkəmə hesab edir ki, borclu Şəxs ödəniş etməsi, icra məmurunun qanuni tələblərini üzürsüz səbəbdən icra etməmə kimi qiymətləndirilə bilməz. Odur ki, Şəxs əməlində inzibati xəta tərkibi olmadığına görə barəsində başlanılmış inzibati xəta haqqında işin icraatına xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2 və 114.2.1-ci maddələrinə əsasən, inzibati xəta haqqında işə baxılarkən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə yuxarıda qeyd olunan xüsusatları və qanunvericiliyin tələblərini nəzərə alaraq hesab edir ki, borclu Şəxs barəsində tərtib olunmuş 28 yanvar 2022-ci il tarixli MN № ******* saylı inzibati xəta haqqında protokol üzrə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış iş üzrə icraata xitam verilməlidir. Yuxarıda göstərilənləri və Azərbaycan Respublikası İnzibati Xətalar Məcəlləsinin 40, 43, 53, 105.1, 114, 115, 128-130-cu maddələrini rəhbər tutaraq, QƏRARA A L D İ M: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Rauf Əhmədov