Bakı Şəhəri Nizami Rayon Məhkəməsi Qərar — İş №3(007)-2971/2025

Azərbaycan Respublikası adından QƏRAR Bakı şəhəri İş № 3(007)-2971/2025 15.07.2025 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, məhkəmə iclasının katibi Cavadov Rüfət Şahverən oğlunun katibliyi, barəsində inzibati xəta haqqında iş üzrə qərar qəbul edilmiş şəxs X2, Bakı şəhəri Səbail RPİ-nin DYPŞ-nin nümayəndəsi X3 iştirakı ilə, Bakı şəhəri Səbail RPİ-nin DYPŞ-nin polis polkovnik-leytenantı X8 tərəfindən qəbul edilmiş xx.xx.2025-ci il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayətə məhkəmənin binasında, açıq məhkəmə iclasında baxaraq, MÜƏYYƏN ETDİ X6 Bakı şəhəri Səbail RPİ-nin DYPŞ-nin polis polkovnik-leytenantı X8 tərəfindən qəbul edilmiş xx.xx.2025-ci il tarixli, TP seriyalı, ******* nömrəli inzibati tənbeh vermə haqqında qərardan şikayət verərək həmin qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Şikayət onunla əsaslandırılmışdır ki, 16 iyun 2025-ci il tarixdə Səbail rayon RPİ-nin DYPŞ-nin əməkdaşları tərəfindən Azərbaycan Respublikası İnzibati Xətalar Məcəlləsinin 329.3 və 333.1-ci maddələri ilə onun barəsində TP ******* nömrəli inzibati tənbeh vermə haqqında qərar qəbul edilmişdir. Həmin qərar tam qanunsuzdur, əsassızdır və hüquqa ziddir. 01 iyun 2025-ci il tarixdə “Dərya Fish” adlanan restoranda ailə üzvləri ilə birlikdə istrahət edərkən o bir bakal pivə içmişdir. Həyat yoldaşı X4 onun avtomobili idarə etməyinə razılıq verməmiş və özü sükan arxasına oturaraq “Kia Sorento” markalı, **-US-*** dövlət qeydiyyat nişanlı avtomobili idarə etmişdir. Həyat yoldaşı X4 avtomobillə Səbail rayonu, Bibiheybət adlanan ərazi ilə hərəkət edərkən Səbail rayon DYPŞ-nin əməkdaşları tərəfindən saxlanılmışdır. Əməkdaşlar avtomobili saxlayarkən sükan arxasında Fidanə əyləşmiş, onun yanındakı oturacaqda o, arxa oturacaqda isə 4 uşaqları oturmuşdur. O, avtomobilin sərnişin oturan yerindən düşüb yol polis əməkdaşlarına yaxınlaşmış və həmin əməkdaşlar kamera ilə çəkiliş edərkən görmüşlər ki, avtomobili o idarə etmir. Buna baxmayaraq ona və ailə üzvlərinə qarşı acıdil və kobut rəftar edərək avtomobildən 4 körpə uşaqlarını və həyat yoldaşını düşürdərək onları yolda qoyaraq avtomobili cərimə meydançasına aparmışlar. O, ziyalı insandır, həkim işləyir və ona qarşı törədilmiş bu haqsızlıqdan çox təəssüf hissi keçirir. O, avtomobili idarə etməmiş və hansı əsasla onun barəsində protokol tərtib olunduğunu başa düşə bilmir. Səbail rayon DYPŞ tərəfindən yuxarıda qeyd etdiyi protokol əsasında onun barəsində qəbul edilmiş inzibati tənbeh vermə haqqında 16 iyun 2025-ci il tarixli qərar ləğv edilməli və iş üzrə icraata xitam verilməldir. Göründüyü kimi o inzibati xəta törətməsi ilə razılaşmadığı şəraitdə, onun barəsində tərtib edilmiş protokol əsasında, salahiyyətli orqan protokolda göstərilən əməlin şəxs tərəfindən törədilib-törədilməməsini müəyyən etmək üçün əlavə sübut toplamadan, həmin protokolla kifayətlənib, inzibati tənbeh qərarı çıxarmışdır. Qeyd edilənlərə əsasən Bakı şəhəri Səbail RPİ-nin DYPŞ-nin polis polkovnik leytenantı X8 tərəfindən qəbul edilmiş, xx.xx.2025-ci il tarixli, TP seriyalı, ******* saylı inzibati tənbeh vermə haqqında qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Məhkəmə iclasında barəsində inzibati xəta haqqında iş üzrə qərar qəbul edilmiş şəxs X6 şikayətin məzmununa uyğun izahat vermiş və məhkəmədən Bakı şəhəri Səbail RPİ-nin DYPŞ-nin polis polkovnik leytenantı X8 tərəfindən qəbul edilmiş xx.xx.2025-ci il tarixli, TP seriyalı, ******* nömrəli qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Məhkəmə iclasında Bakı şəhəri Səbail RPİ-nin DYPŞ-nin nümayəndəsi X7 izahat verərək bildirmişdir ki, xx.xx.2025-ci il tarixdə saat 22:15 radələrində xidmət aparan zaman “Kia Sorento” minik markalı, **-US-*** dövlət qeydiyyat nişanlı avtomobilin işıq cihazlarından istifadə qaydalarını pozduğunu görmüşlər. Yol patrul xidməti əməkdaşlarını görən zaman sürücü ilə sərnişin yerlərini dəyişmişlər. Hərəkətini davam etdirdikdə avtomobili saxlamışlar və hansı səbəbə yer dəyişdiklərini soruşmuşlar. İlk növbədə spirtli içki qəbul etdiyini bildirmişdir. Ondan sərxoş halda avtomobili idarə etdiyini soruşduqda avtomobili həyat yoldaşının idarə etdiyini və yaxşı idarə edə bilmədiyi üçün özü idarə etmək istədiyini bildirmişdir. Sürücünü alkotesterlə müayinəyə dəvət etmişlər, onların işlərinə maneə yaratdığı üçün X14 əməkdaşlarını köməyə çağırmışlar. Daha sonra alkotesterlə müayinə olunmuş və spirtli içki qəbul etdiyi müəyyən edilmişdir. Bundan sonra nəqliyyat vasitəsi müvəqqəti duracağa təmin edilmişdir. Respublika Narkoloji Mərkəz tərəfindən verilən məlumata əsasən 1 saat ərzində kənar müdaxilə olmadan alkoqolun miqdarını 0.2 o/oo, dərman vasitələri kimi kənar müdaxilələr ilə isə daha çox aşağı salmaq olarİzahatında konkret olaraq içkili olduğunu göstərir. Əgər sürücü alkotesterin nəticəsi ilə razı deyildisə birbaşa bildirməli idi və həkim müayinəsindən keçməli idi. Şikayət əsassızdır, məhkəmədən şikayətin təmin edilməməsini xahiş etmişdir. Məhkəmə şikayəti və təqdim olunmuş materialları nəzərdən keçirərək hesab edir ki, şikayət əsassız olduğundan təmin olunmamalıdır. - Bakı şəhəri Səbail RPİ-nin DYPŞ-nin polis polkovnik leytenantı X8 tərəfindən qəbul edilmiş xx.xx.2025-ci il tarixli, TP seriyalı, ******* nömrəli inzibati tənbeh vermə haqqında qərardan görünür ki, X6 xx.xx.2025-ci il tarixdə, saat 22:15-də Bakı şəhəri, Səbail rayonu, Salyan yolunda “Kia Sorento” minik markalı, **-US-*** dövlət qeydiyyat nişanlı avtomobili alkoqoldan istifadə nəticəsində sərxoş vəziyyətdə idarə etdiyi müəyyən edilmişdir. X1 Azərbaycan Respublikası İXM-nin 331.1-ci maddəsində nəzərdə tutulan inzibati xətanı törətməkdə təqsirli bilinib 400 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 331.1-ci maddəsinə əsasən nəqliyyat vasitəsini idarə etmək hüququ olan şəxs tərəfindən nəqliyyat vasitəsinin alkoqoldan istifadə olunması nəticəsində sərxoş vəziyyətdə idarə edilməsinə görə dörd yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Həmin Məcəllənin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən isə heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 99.1.1-ci maddəsinə əsasən inzibati xəta hadisəsinin mövcudluğunu göstərən kifayət qədər halların səlahiyyətli vəzifəli şəxs tərəfindən bilavasitə və ya xüsusi texniki vasitələrin köməyi, eləcə də müvafiq icra hakimiyyəti orqanının müəyyən etdiyi orqanın (qurumun) informasiya sistemi, habelə digər dövlət informasiya sistemləri (ehtiyatları) vasitəsi ilə aşkar edilməsi inzibati xəta haqqında iş üzrə icraata başlamağa səbəbdir. Həmin Məcəllənin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Məhkəmə inzibati tənbeh vermə haqqında qərardan şikayət verən şəxs X5 istinad edilən inzibati xətaya qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur, sübutların məcmusu inzibati xətaya qiymət verilməsi baxımından kifayət edir və onun əməli düzgün olaraq İXM-nin 331.1-ci maddəsi ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 134.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: 134.1.1. qərarın dəyişdirilmədən, şikayətin və ya protestin isə təmin edilmədən saxlanılması haqqında; 134.1.2. bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında; 134.1.3. bu Məcəllənin 135.1.5-1-ci maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında; 134.1.4. bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında; 134.1.5. şikayətə və ya protestə baxılarkən inzibati xəta haqqında iş üzrə qərarı buna səlahiyyəti çatmayan hakimin, orqanın (vəzifəli şəxsin) qəbul etdiyi müəyyən olunduqda, qərarın ləğv edilməsi və işin aidiyyəti üzrə baxılmaq üçün göndərilməsi haqqında. Şərh edilən normaları rəhbər tutaraq məhkəmə hesab edir ki, xx.xx.2025-ci il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsi barədə X2 verdiyi şikayət əsassız olduğu üçün təmin edilməməlidir. Göstərilənlərə əsaslanaraq və Azərbaycan Respublikası İXM-nin 128, 129 və 133- 136-cı maddələrini rəhbər tutaraq, məhkəmə QƏRARA ALDİ Bakı şəhəri Səbail RPİ-nin DYPŞ-nin polis polkovnik leytenantı X8 tərəfindən qəbul edilmiş xx.xx.2025-ci il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayət təmin edilməsin. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət və ya protest verilə bilər. Sədrlik edən Mətanət Hacıyeva