Bakı Şəhəri Nizami Rayon Məhkəməsi Qərar — İş №3(007)-3261/2021

Azərbaycan Respublikası adından QƏRAR Bakı şəhəri İş № 3(007)-3261/2021 28.12.2021 BAKI ŞƏHƏRİ NİZAMİ RAYON MƏHKƏMƏSİ Hakim Əhmədov Rauf Tağı oğlunun sədrliyi, məsləhətçi İmanov Nizami Bəxtiyar oğlunun katibliyi ilə, Bakı şəhər Statistika İdarəsinin nümayəndəsi X2 və Şəxs MMC-nin nümayəndəsi X1 iştirakları ilə, Şəxs MMC-nin Azərbaycan Respublikası İnzibati Xətalar Məcəlləsinin 389-cu maddəsi ilə nəzərdə tutulan inzibati xətanı törətməsinə dair Azərbaycan Respublikası Dövlət Statistika Komitəsinin Bakı şəhər Statistika İdarəsindən daxil olmuş inzibati xəta haqqında protokola və materiallara açıq məhkəmə iclasında baxaraq MÜƏYYƏN E T D İ: Bakı şəhər Statistika İdarəsinin rəis müavini X3 tərəfindən Şəxs MMC-nin barəsində Azərbaycan Respublikası İnzibati Xətalar Məcəlləsinin 389-cu maddəsi ilə 10 dekabr 2021-ci il tarixli MN № ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. İnzibati xəta haqqında protokoldan görünür ki, Şəxs MMC tərəfindən Bakı şəhəri, 2021-ci ilin (aylıq) 4 əmək (işçilərin sayı, hərəkəti və əmək haqqı fondu haqqında) hesabat oktyabr ayı üzrə noyabr ayının 23-də gecikmə ilə təqdim edilmişdir. Məhkəmə iclasında Bakı şəhər Statistika İdarəsinin nümayəndəsi X5 izahatında göstərmişdir ki, Şəxs MMC 2021-ci ilin (aylıq) 4 əmək (işçilərin sayı, hərəkəti və əmək haqqı fondu haqqında) hesabatı oktyabr ayı üzrə noyabr ayının 23-də gecikmə ilə təqdim etməklə, Azərbaycan Respublikası İnzibati Xətalar Məcəlləsinin 389-cu maddəsi ilə nəzərdə tutulan inzibati xətanı törətmişdir. Məhkəmə iclasında Şəxs MMC-nin nümayəndəsi X4 Şəxs MMC-nin barəsində tərtib edilmiş inzibati xəta haqqında protokola etiraz təqdim edərək, izahatında göstərmişdir ki, müəssisənin vergi, statistika üzrə dövrü hesabatları müvafiq idarələrə onlayın qaydada və ya kağız daşıyıcıda tərəfindən təqdim edilmişdir. 2021-ci ilin noyabr ayında “karona”ya yoluxduğu üçün işə çıxa bilməmiş, maddi imkanı olmadığından “test” veməmiş və ev şəraitində müalicə olunmuş və ona görə də Şəxs MMC-nin işçilərinin sayı və əmək haqqı barədə statistika idarəsinə təqdim etməli olduğu aylıq 4 əmək statistik hesabatı sağalandan sonra noyabr ayının 23-də gecikmə ilə kağız daşıyıcıda təqdim etmişdir. Məhkəmə daxil olmuş inzibati xəta haqqında protokolu və sənədləri araşdırıb, tərəflərin nümayəndələrinin izahatını dinləyərək hesab edir ki, Şəxs MMC inzibati iş üzrə təqsirli bilinməli və barəsində inzibati tənbeh tədbiri tərəbiq edilməlidir. İş materiallarında olan və məhkəmə baxışında tədqiq edilmiş: - Bakı şəhər Statistika İdarəsinin rəsmi statistika hesabatından görünür ki, Şəxs MMC 2021-ci ilin (aylıq) 4 əmək (işçilərin sayı, hərəkəti və əmək haqqı fondu haqqında) rəsmi statistika forması üzrə 2021-ci ilin oktyabr ayı üzrə hesabatı noyabr ayının 23-dı gecikmə ilə təqdim etmişdir. İşdə olan sənədlərə əsasən, Şəxs MMC-nin hüquqi ünvanı - ünvan 1 Respublikası İnzibati Xətalar Məcəlləsinin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. Azərbaycan Respublikası İnzibati Xətalar Məcəlləsinin 389-cu maddəsində, statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə - üç yüz manatdan beş yüz manatadək məbləğdə cərimə nəzərdə tutulmuşdur. Məhkəmə Şəxs MMC-nin barəsində inzibati tənbeh tədbiri tətbiq edilməsi məsələsini müzakirə edərkən, Azərbaycan Respublikası İnzibati Xətalar Məcəlləsinin 2, 9.1, 12.1, 21, 31.3, 32 və 33-cü maddələrinin tələblərini nəzərə alır. Azərbaycan Respublikası İnzibati Xətalar Məcəlləsinin 53-cü maddəsinə əsasən iş üzrə icraatı rədd edən hallar müəyyən edilməmişdir. Şərh olunanları və Azərbaycan Respublikası İnzibati Xətalar Məcəlləsinin 25, 40.0.1, 43, 48-51, 114, 115,128-130 maddələrini rəhbər tutaraq, məhkəmə QƏRARA A L D İ: Şəxs MMC Azərbaycan Respublikası İnzibati Xətalar Məcəlləsinin 389-cu maddəsi ilə təqsirli bilinərək 300 (üç yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 (on) gün müddətində Bakı Apellyasiya Məhkəməsinə apellyasiya şikayəti verilə bilər. Hakim Rauf Əhmədov