Bakı Şəhəri Nizami Rayon Məhkəməsi Qərar — İş №3(007)-3348/2024

Azərbaycan Respublikası adından QƏRAR Bakı şəhəri İş № 3(007)-3348/2024 10.07.2024 BAKI ŞƏHƏRİ NİZAMİ RAYON MƏHKƏMƏSİ Hakim Əliyeva Qumru Yəhya qızının sədrliyi, Kərimli Aygül Əfqan qızının katibliyi, inzibati xəta haqqında protokolu tərtib etmiş Bakı şəhəri Nizami rayon icra şöbəsinin icra məmuru X1, barəsində inzibati xəta haqqında iş üzrə icraat aparılan-Şəxs və onun müdafiəçisi- “Verdiktum” vəkil bürosunun vəkili X5 iştirakları ilə, xx.xx.1974-cü il tarixdə Şəki rayonunda anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan Şəxs barəsində Azərbaycan Respublikası İXM-nin 528.1-ci maddəsi ilə olan işə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: Bakı şəhəri Nizami rayon icra şöbəsindən daxil olmuş xx.xx.2024-cü il tarixli, MN seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən Şəxs ünvan 2 ünvanında yerləşən mənzilin boşaldılmasına dair Bakı Ağır Cinayətlər Məhkəməsinin 1(101)-1408/2021 saylı xx.xx.2021-ci il tarixli icra sənədini icra etmir. Məhkəmə iclasında inzibati xəta haqqında protokolu tərtib etmiş Bakı şəhəri Nizami rayon icra şöbəsinin icra məmuru X4 protokolun məzmununa uyğun izahat vermiş, əlavə olaraq göstərmişdir ki, Bakı Ağır Cinayətlər Məhkəməsinin 1(101)-1408/2021 saylı xx.xx.2021-ci il tarixli hökmündən barəsində inzibati xəta haqqında protokol tərtib olunan Şəxs apellyasiya şikayəti verməyib. Bakı şəhəri Binəqədi Rayon Məhkəməsinin xx.xx.2022-ci il tarixli qətnaməsindən məlumatlı olub. Qanuna uyğun qərar qəbul olunmasını məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs izahatında göstərmişdir ki, ünvan 2 ünvanında yerləşən mənzil keçmiş arvadı Mətənat Qəhrəmanova ilə onun paylı mülkiyyətidir, məhkəmə qərarı ilə hər birinin əmlak üzərində ½ hissədə payları müəyyən edilirb. Qeyd edilənlərə əsasən işin icraatına xitam verilməsini məhkəmədən xahiş etmişdir. Məhkəmə iclasında müdafiəçi X9 izahatında göstərmişdir ki, Bakı Ağır Cinayətlər Məhkəməsinin 1(101)-1408/2021 saylı xx.xx.2021-ci il tarixli hökmündən verilmiş apellyasiya şikayətləri hazırda Bakı Apellyasiya Məhkəməsinin icraatındadır, mənzillə bağlı araşdırma davam edir. Həmçinin, mənzil barəsində inzibati xəta haqqında iş üzrə icraat aparılan Şəxs ilə X2 birgə nikahı dövründə əldə edildiyindən Bakı şəhəri Binəqədi Rayon Məhkəməsinin xx.xx.2022-ci il tarixli qətnaməsi ilə onların bərabər hissədə payları müəyyən edilib. Qətnamə qanuni qüvvəyə minmiş və icra sənədinin icraatına xitam verilmişdir. Qeyd edilənlərə əsasən işin icraatına xitam verilməsini məhkəmədən xahiş etmişdir. Məhkəmə işdə iştirak edən şəxslərin izahatlarını dinləyib və tədqiq olunmuş sübutlara məcmu halda hüquqi qiymət verərək, hesab edir ki, iş üzrə icraata xitam verilməlidir. Məhkəmə nəzərə alır ki, hazırda Bakı Ağır Cinayətlər Məhkəməsinin 1(101)- 1408/2021 saylı xx.xx.2021-ci il tarixli icra sənədinə əsasən Şəxs Nurməhəməd oğluna məxsus ünvan 4 ünvanında yerləşən 59 nömrəli mənzilin məcburi qaydada və əvəzsiz olaraq dövlət nəfinə alınmaqla xüsusi müsadirə edilməsi hökm edilmişdir. Hazırda Bakı Ağır Cinayətlər Məhkəməsinin 1(101)-1408/2021 saylı xx.xx.2021-ci il tarixli hökmü Bakı Apellyasiya Məhkəməsinin icraatında olmaqla, məhkəmə araşdırması davam edir və icra sənədinin barəsində inzibati xəta haqqında iş üzrə icraat aparılan Şəxs aid olan hissədə qüvvəyə minməsi iş materialları ilə müəyyən edilməyib. Bundan başqa, Bakı şəhəri Binəqədi Rayon Məhkəməsinin e-2(001)-4036/2022 saylı xx.xx.2022-ci il qətnaməsinə əsasən iddia təmin edilərək, Bakı şəhəri, Nizami rayonu, 2442-ci məhəllə, lif Hacıyev küçəsi, ev 46A, 59 saylı mənzil bərabər paylara bölünməklə, həmin mənzilin ½ hissəsinə iddiaçı X3 ½ hissəsinə cavabdeh Şəxs payları müəyyən olunmuşdur. Məhkəmə qətnaməsi qanuni qüvvəyə minmiş, Daşınmaz Əmlakın Kadastrı və Reyestri publik hüquqi şəxsin xx.xx.2023-cü il tarixli məktubundan aydın olur ki, həmin mənzilin üzərində qadağa və həbs olduğundan icra sənədinin icrasını təmin etmək mümkün olmamışdır. Belə olan halda, məhkəmə hesab edir ki, borclu Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməsi, icra sənədinin üzrsüz səbəbdən icra edilməməsi barədə müvafiq sübutlar yoxdur, icra sənədi üzrə boşaldılmalı olan mənzil paylı mülkiyyətdir və hazırda Bakı Ağır Cinayətlər Məhkəməsinin 1(101)- 1408/2021 saylı xx.xx.2021-ci il tarixli hökmü mübahisələndirilir. Azərbaycan Respublikası İXM-nin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsi və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsi, həmin maddədə nəzərdə tutulan inzibati məsuliyyətə səbəb olur. Sözügedən maddədə nəzərdə tutulan məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini yerinə yetirmir və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzürsüz səbəbdən icra etmir. Bu mənada məhkəmə aktlarını icra etməmə yalnız qərəzli olduqda sözügedən maddədə nəzərdə tutulmuş inzibati xəta tərkibini yaradır. İcra etməmə o halda qərəzli olur ki, borclunun məhkəmə qərarının icrası üçün faktiki imkanlarının olması müəyyən edildiyi halda, o məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. İnzibati xətalar qanunvericiliyinin mənasına görə, inzibati xətanın tərkibini inzibati xətalar qanunvericiliyi ilə müəyyən edilmiş əlamətlər məcmusu təşkil edir və onların mövcudluğunda ictimai təhlükəli əməl inzibati xəta sayılır. İnzibati xətanın tərkibini qanunla müəyyən edilən obyektiv və subyektiv əlamətlərin məcmusu təşkil edir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 75-ci maddəsinə əsasən inzibati xəta haqqında iş üzrə icraat zamanı inzibati xəta hadisəsinin törədilib-törədilməməsi, inzibati xəta törətmiş şəxs və sair hallar müəyyən edilməlidir; 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, borclu Şəxs əməlində inzibati xəta tərkibi olmadığından, tərtib edilmiş inzibati protokol əsasında o, inzibati məsuliyyətə cəlb edilə bilməz, ona görə Şəxs barəsində başlanmış inzibati xəta haqqında iş üzrə icraata xitam verilməlidir. Şərh olunanlara əsaslanaraq və Azərbaycan Respublikası İXM-nin 53, 105, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi olmadığından, iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Qumru Əliyeva