Bakı Şəhəri Nizami Rayon Məhkəməsi Qərardad — İş №3(007)-438/2022

Azərbaycan Respublikası adından QƏRARDAD Bakı şəhəri İş № 3(007)-438/2022 17.02.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, X1 barəsində Bakı şəhəri Xətai RPİ-nin 37-ci PŞ-si tərəfindən qəbul edilmiş 13 dekabr 2021-ci il tarixli MN ******* saylı inzibati tənbeh vermə haqqında qərardan vermiş olduğu şikayəti nəzərdən keçirərək, MÜƏYYƏN E T D İ M: Daxil olmuş şikayətdən və sənədlərdən görünür ki, X3 Bakı şəhəri Xətai RPİ-nin 37ci PŞ-si tərəfindən qəbul edilmiş 13 dekabr 2021-ci il tarixli, MN ******* saylı inzibati tənbeh vermə haqqında qərara əsasən Azərbaycan Respublikası İnzibati Xətalar Məcəlləsinin 211.1-ci maddəsi ilə təqsirli bilinərək 4000 manat məbləğində cərimə edilmişdir. Məhkəmə sənədləri nəzərdən keçirərək hesab edir ki, X1 şikayəti və ona əlavə olunmuş sənədlər geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Şikayətdən və sənədlərdən görünür ki, inzibati xətanın törədildiyi “Coffeelea” adlı yer Bakı şəhəri, Xətai rayonu, Xocalı prospekti, 20/22 ünvanda yerləşir. Azərbaycan Respublikası İnzibati Xətalar Məcəlləsinin 106.0.1-ci maddəsinə əsasən, hakim, səlahiyyətli orqan (vəzifəli şəxs) inzibati xətalar haqqında işlərə baxarkən aşağıdakı məsələləri həll edir: işin baxılması onun səlahiyyətinə aiddirmi. Həmin Məcəllənin 109.1.7-ci maddəsinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir. Beləliklə, inzibati xəta haqqında işin baxılmağa hazırlanması zamanı həll edilməli məsələni müzakirə edərək, belə nəticəyə gəlirəm ki, inzibati xəta haqqında qərardan verilmiş şikayət sənədlərlə birlikdə X2 geri qaytarılmalıdır. Şərh olunanları və Azərbaycan Respublikası İXM-nin 106, 109 və 118-ci maddələrini rəhbər tutaraq, QƏRARA A L D İ M: X1 barəsində Bakı şəhəri Xətai RPİ-nin 37-ci PŞ-si tərəfindən qəbul edilmiş 13 dekabr 2021-ci il tarixli MN ******* saylı inzibati tənbeh vermə haqqında qərardan vermiş olduğu şikayət və sənədlər geri qaytarılsın. Qərardaddan şikayət verilə bilməz. Sədrlik edən: Rauf Əhmədov