Bakı Şəhəri Nizami Rayon Məhkəməsi Qərar — İş №3(007)-4582/2024

Azərbaycan Respublikası adından QƏRAR Bakı şəhəri İş № 3(007)-4582/2024 22.10.2024 BAKI ŞƏHƏRİ NİZAMİ RAYON MƏHKƏMƏSİ Hakim Qədirli Nigar Aftandil qızının sədrliyi, məhkəmə iclasının katibi Cavadov Rüfət Şahverən oğlunun katibliyi, protokol tərtib edən şəxs – Bakı şəhər BPİ DYPİ-nin nümayəndəsi Nümayəndə iştirakı ilə, X1 Azərbaycan Respublikası DİN-nin Baş Dövlət Yol Polisi İdarəsinin xx.xx.2024-cü il tarixli, TP seriyalı, ******* nömrəli inzibati xəta haqqında qərarından şikayətinə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X2 Azərbaycan Respublikası DİN-nin Baş Dövlət Yol Polisi İdarəsinin xx.xx.2024-cü il tarixli, TP seriyalı, ******* nömrəli inzibati xəta haqqında qərarından məhkəməyə şikayət vermişdir. Şikayət onunla əsaslandırılmışdır ki, xx.xx.2024-cü il tarixində Bakı şəhəri, Nizami rayonu, Mikayıl Əliyev küçəsində idarə etdiyi nəqliyyat vasitəsini yolun sağ hissəsində saxlayıb mobil telefonla danışarkən polis əməkdaşı ona yaxınlaşmış, nəqliyyat vasitəsinin ön və arxa yaylarının fərqli olduğunu bildirmiş, o isə öz növbəsində hər dörd yayın sport olduğunu qeyd etmiş, buna baxmayaraq polis əməkdaşı tərəfindən onun barəsində protokol tərtib edilmişdir. Həmin protokol əsasında İXM-nin 342.6 və 342.2.2-ci maddəsi ilə TP ******* saylı elektron qərar çıxarılmışdır. Qeyd olunanlara əsalanaraq qərarın ləğv edilməsini və iş üzrə icraata xitam verilməsini məhkəmədən xahiş etdi. Məhkəmə iclasında protokol tərtib edən Bakı şəhər BPİ DYPİ-nin nümayəndəsi Nümayəndə elektron qərarın qanuni və əsaslı olduğunu bildirərək, şikayətin təmin olunmamasını məhkəmədən xahiş etdi. Həmçinin bildirdi ki, şəxs tərəfindən qeyd olunan cərimə ödənilmiş, nəqliyyat vasitəsi isə başqa şəxsə satılmışdır. Məhkəmənin əvvəlki iclasında iştirak etmiş qərardan şikayət vermiş X2 şikayətinin dəlillərini müdafiə edib eyni məzmunlu izahat vermiş, şikayətinin təmin olunmasını məhkəmədən xahiş etmişdir. Məhkəmə işdə iştirak edən şəxsləri dinləyib, şikayəti iş materialları ilə birlikdə araşdıraraq, hesab edir ki, şikayət təmin edilməməlidir. İş materiallarında olan və məhkəmə baxışında tədqiq edilmiş xx.xx.2024 -cü il tarixli, TP seriyalı, ******* nömrəli inzibati xəta haqqında qərarından görünür ki, X2 xx.xx.2024-cü il tarixdə Azərbaycan Respublikası İXM-nin 342.6 və 342.2.2-ci maddəsi ilə 150 manat məbləğində inzibati cərimə edilmişdir. Məhkəmə ilk növbədə Azərbaycan Respublikası İXM-nin 75.0.1, 75.0.2 və 75.0.3cü maddələrinin tələbləri baxımından aşağıdakı halların müəyyən edilib-edilmədiyini yoxlayır və hüquqi qiymət verir: inzibati xəta hadisəsi (inzibati xəta törədilmişdirmi); inzibati xəta törətmiş şəxs; inzibati xəta törətməkdə şəxsin təqsiri. Qərardan şikayət vermiş X1 xx.xx.2024-cü il tarixdə qeyd olunan inzibati xətanı törətməsi məhkəməyə təqdim olunmuş videomaterialda da öz təsdiqini tapır. Məhkəmə qeyd edir ki, X2 verdiyi şikayətdə nəqliyyat vasitəsinin yaylarının hər dördünün sport olduğunu qeyd etsə də, məhkəməyə təqdim edilmiş videomateriala baxış keçirərkən ön yayların sadə, arxa yayların isə sport olduğu müəyyən edilmişdir. Beləliklə, məhkəmə qanunvericiliyin istinad olunan normalarına və işin faktiki hallarına əsasən şikayətin dəlillərini əsassız hesab etməklə bərabər, belə qənaətə gəlir ki, hazırkı iş üzrə inzibati icraat zamanı inzibati xətalar qanunvericiliyinin tələbləri pozulmamışdır, X1 Azərbaycan Respublikası İXM-nin 342.6 və 342.2.2-ci maddələri ilə inzibati qaydada tənbeh edilməsi barədə xx.xx.2024-cü il tarixli, TP seriyalı, ******* nömrəli qərarın ləğv edilməsi üçün Azərbaycan Respublikası İXM-nin 134 və 135-ci maddələri ilə nəzərdə tutulan əsaslar müəyyən edilməmişdir, odur ki, X1 həmin qərardan şikayəti təmin edilməməlidir. Şərh olunanlara əsaslanaraq və Azərbaycan Respublikası İXM-nin 114-115, 128- 136-cı maddələrini rəhbər tutaraq, məhkəmə QƏRARA ALDİ: X1 Azərbaycan Respublikası DİN-nin Baş Dövlət Yol Polisi İdarəsinin xx.xx.2024-cü il tarixli, TP seriyalı, ******* nömrəli inzibati xəta haqqında qərarından şikayəti təmin edilməsin, həmin qərar dəyişdirilmədən saxlanılsın. Qərarın surəti təqdim edildiyi və ya alındığı gündən 10 gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Nigar Qədirli