Bakı Şəhəri Nizami Rayon Məhkəməsi Qərar — İş №3(007)-5345/2024

Azərbaycan Respublikası adından QƏRAR Bakı şəhəri İş № 3(007)-5345/2024 24.12.2024 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, məhkəmə iclasının katibi Cəfərova Ləman Faiq qızının katibliyi, barəsində inzibati xəta haqqında iş üzrə qərar qəbul edilən şəxs X2, Bakı şəhər Baş Polis İdarəsi X14 İdarəsinin yol-patrul xidməti inspektoru, polis baş serjantı X5 iştirakı ilə, Bakı şəhər Baş Polis İdarəsi X14 İdarəsinin polis kapitanı X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayətə məhkəmənin binasında, açıq məhkəmə iclasında baxaraq, MÜƏYYƏN ETDİ: X6 Bakı şəhər Baş Polis İdarəsi X14 İdarəsinin polis kapitanı X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan şikayət verərək həmin qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Şikayət onunla əsaslandırılmışdır ki, o, 14 oktyabr 2024-cü il tarixdə, saat 15:30 radələrində idarə etdiyi “MİTSUBİSHİ PAJERO” minik markalı, **-AL-*** dövlət qeydiyyat nişanlı avtomobil ilə Nizami rayonu, Mehdi Abbasov küçəsində hərəkətdə olarkən yolayrıcının boş olduğunu görüb hərəkətini davam etdirərək yolayrıcını keçmişdir. Yolayrıcını keçən zaman yol hərəkətinin iştirakçısı olan hər hansı bir digər nəqliyyat vasitəsinin hərəkətinə mane olmamışdır, onun yolayrıcını keçən zaman hərəkətini davam etdirməyi başqa nəqliyyat vasitələrinin sürücülərini qəflətən hərəkət istiqamətini və ya sürətini dəyişdirməyə məcbur etməmişdir. Lakin o, yolayrıcını təxminən 150-200 metr keçəndən sonra yol-patrul xidmətinin inspektoru onu saxlayaraq bildirmişdir ki, guya o, yolayrıcını keçərkən digər nəqliyyat vasitəsinə yol verməli olduğu halda yol verməmişdir. O, bununla bağlı inspektora yuxarıda qeyd etdiklərini bildirməklə əgər bunların əksini təsdiq edən sübut (müvafiq sertifikatı olan kamera vasitəsilə çəkilmiş videogörüntü və s) varsa ona təqdim edilməsini xahiş etsə də, inspektor tərəfindən ona hər hansı bir təsdiqedici sübut təqdim edilmədən barəsində İXM-nin 327.2-ci maddəsi ilə yolayrıcını keçmə qaydalarının pozulması əsası ilə xx.xx.2024-cü il tarixli, İXP seriyalı, ******* nömrəli protokol tərtib edilmişdir. Sonradan ona məlum olmuşdur ki, qeyd olunan protokola xx.xx.2024-cü il tarixində onun iştirakı olmadan baxılmış və elə həmin tarixdə onun İXMnin 327.2-ci maddəsi ilə təqsirli bilinib 100 manat məbləğində cərimə edilməsi barədə TP seriyalı, ******* nömrəli qərar qəbul edilmişdir. xx.xx.2024-cü il tarixli, TP seriyalı, ******* nömrəli qərar xx.xx.2024-cü il tarixində ona rəsmi qaydada təqdim edilmişdir. Aşağıda göstərilənlərə əsasən hesab edir ki, xx.xx.2024-cü il tarixli, TP seriyalı, ******* nömrəli qərar qanunsuz olduğuna görə ləğv edilməli və barəsində inzibati xəta haqqında iş üzrə icraata xitam verilməlidir. Belə ki, "X12" Azərbaycan Respublikası Qanununun 1-ci maddəsinin 41-ci bəndinə əsasən yol vermək-sürücünün hərəkəti davam etdirməsi və ya yenidən hərəkətə başlaması, hər hansı manevr etməsi başqa nəqliyyat vasitələrinin sürücülərini qəflətən hərəkət istiqamətini və ya sürəti dəyişdirməyə məcbur edə biləcəyi halda, onun hərəkəti davam etdirməməsi və ya yenidən hərəkətə başlamaması, manevr etməməsidir. İXM-nin 327.2-ci maddəsinə əsasən svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 "Giriş qadağandır" yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaq doldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görə inzibati xətanı törətmiş şəxs 100 manat məbləğində cərimə edilir. Barəsində İXM-nin 327.2-ci maddəsi ilə protokol tərtib edilməsi və həmin protokol əsasında da qərar qəbul edilməsi tamamilə qanunsuzdur. Belə ki, yuxarıda da göstərdiyi kimi o, yolayrıcını keçən zaman yol hərəkətinin iştirakçısı olan hər hansı bir digər nəqliyyat vasitəsinin hərəkətinə mane olmamış, onun yolayrıcını keçən zaman hərəkətini davam etdirməsi başqa nəqliyyat vasitələrinin sürücülərini qəflətən hərəkət istiqamətini və ya sürətini dəyişdirməyə məcbur etməmişdir. Həmin ərazidə olan TŞK görüntülərinə baxılsa onun həmin hadisənin baş verməsində heç bir təqsirinin olmadığı məlum olar. Lakin polis inspektoru tərəfindən iş üçün əhəmiyyət kəsb edən sübutlar (müvafiq sertifikatı olan kameraların görüntüləri) tam araşdırılmadan qərar qəbul edilmişdir. Halbuki İXM-nin 76.1ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Göstərilənlərdən məlum olur ki, yolpatrul xidməti inspektoru tərəfindən barəsində tərtib olunmuş xx.xx.2024-cü il tarixli protokol tamamilə qanunsuzdur. Bundan əlavə protokol tərtib edilən və qərar qəbul olunan zaman da yol polisi əməkdaşı tərəfindən yuxarıda qeyd etdiyi kobud qanun pozuntularına yol verilmişdir. Odur ki, məhkəmə tərəfindən iş üçün vacib əhəmiyyət kəsb edən ərazidə olan kamera görüntüləri əsasında araşdırma aparmaqla barəsində tərtib edilmiş xx.xx.2024-cü il tarixli, İXP seriyalı, ******* saylı protokol əsasında qəbul olunmuş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Məhkəmə iclasında barəsində inzibati xəta haqqında iş üzrə qərar qəbul edilən şəxs X6 şikayətin məzmununa uyğun izahat verərək xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsini və inzibati xəta haqqında iş üzrə icraata xitam verilməsini xahiş etmişdir. Məhkəmə iclasında Bakı şəhər Baş Polis İdarəsi X14 İdarəsinin yol-patrul xidməti inspektoru, polis baş serjantı X7 izahat verərək bildirmişdir ki, o, xx.xx.2024-cü il tarixdə xidmətdə olarkən X3 Nizami rayonu, Mehdi Abbasov küçəsində “MİTSUBİSHİ PAJERO” minik markalı, **-AL-*** dövlət qeydiyyat nişanlı avtomobili idarə edərkən yolayrıcını keçmə qaydalarını pozduğuna görə saxlamışdır. Bununla bağlı protokol tərtib edilmişdir. Qayda pozuntusu törətməsi barədə videogörüntü də mövcuddur. Həmin videogörüntü X4 da göstərilmişdir. Şikayətin əsassız olduğunu qeyd edərək təmin edilməməsini xahiş etmişdir. İşdə olan və məhkəmə baxışında tədqiq edilmiş: - Bakı şəhər Baş Polis İdarəsi X14 İdarəsinin polis kapitanı X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan görünür ki, X6 xx.xx.2024-cü il tarixdə, saat 15:31-də Nizami rayonu, Mehdi Abbasov küçəsində “MİTSUBİSHİ PAJERO” minik markalı, **-AL-*** dövlət qeydiyyat nişanlı avtomobili idarə edərkən yolayrıcını keçmə qaydalarını pozmuşdur. X1 Azərbaycan Respublikası İXM-nin 327.2-ci maddəsində nəzərdə tutulan inzibati xətanı törətməkdə təqsirli bilinib 100 manat məbləğində cərimə edilmişdir. Məhkəmə iclasında təqdim edilmiş videogörüntüyə baxış keçirilən zaman X2 Azərbaycan Respublikası İnzibati Xətalar Məcəlləsinin 327.2-ci maddəsində nəzərdə tutulmuş inzibati xətanı törətməsi öz təsdiqini tapmışdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən isə heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 99.1.1-ci maddəsinə əsasən inzibati xəta hadisəsinin mövcudluğunu göstərən kifayət qədər halların səlahiyyətli vəzifəli şəxs tərəfindən bilavasitə və ya xüsusi texniki vasitələrin köməyi, eləcə də müvafiq icra hakimiyyəti orqanının müəyyən etdiyi orqanın (qurumun) informasiya sistemi, habelə digər dövlət informasiya sistemləri (ehtiyatları) vasitəsi ilə aşkar edilməsi inzibati xəta haqqında iş üzrə icraata başlamağa səbəbdir. Həmin Məcəllənin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Məhkəmə inzibati tənbeh vermə haqqında qərardan şikayət verən şəxs X4 istinad edilən inzibati xətaya dair qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur, sübutların məcmusu inzibati xətaya qiymət verilməsi baxımından kifayət edir və onun əməli düzgün olaraq İXM-nin 327.2-ci maddəsi ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 134.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: 134.1.1. qərarın dəyişdirilmədən, şikayətin və ya protestin isə təmin edilmədən saxlanılması haqqında; 134.1.2. bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında; 134.1.3. bu Məcəllənin 135.1.5-1-ci maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında; 134.1.4. bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında; 134.1.5. şikayətə və ya protestə baxılarkən inzibati xəta haqqında iş üzrə qərarı buna səlahiyyəti çatmayan hakimin, orqanın (vəzifəli şəxsin) qəbul etdiyi müəyyən olunduqda, qərarın ləğv edilməsi və işin aidiyyəti üzrə baxılmaq üçün göndərilməsi haqqında. Şərh edilən normaları rəhbər tutaraq məhkəmə hesab edir ki, xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsi barədə X2 verdiyi şikayət əsassız olduğu üçün təmin edilməməlidir. Göstərilənlərə əsaslanaraq və Azərbaycan Respublikası İXM-nin 128, 129 və 133-136-cı maddələrini rəhbər tutaraq, məhkəmə QƏRARA ALDİ: Bakı şəhər Baş Polis İdarəsi X14 İdarəsinin polis kapitanı X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayət təmin edilməsin. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət və ya protest verilə bilər. Sədrlik edən Mətanət Hacıyeva