Bakı Şəhəri Nizami Rayon Məhkəməsi Qərar — İş №3(007)-5347/2024

Azərbaycan Respublikası adından QƏRAR Bakı şəhəri İş № 3(007)-5347/2024 23.12.2024 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, məhkəmə iclasının katibi Cəfərova Ləman Faiq qızının katibliyi, barəsində inzibati xəta haqqında iş üzrə qərar qəbul edilən şəxs X2, Bakı şəhər Baş Polis İdarəsi X12 İdarəsinin nümayəndəsi Nümayəndə iştirakı ilə, Bakı şəhər BPİ X12 İdarəsinin polis polkovniki X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayətə məhkəmənin binasında, açıq məhkəmə iclasında baxaraq, MÜƏYYƏN ETDİ: X4 Bakı şəhər BPİ X12 İdarəsinin polis polkovniki X9 tərəfindən qəbul edilmiş xx.xx.2024cü il tarixli, TP seriyalı, ******* nömrəli inzibati tənbeh vermə haqqında qərardan şikayət verərək həmin qərarın ləğv edilməsini xahiş etmişdir. Şikayət onunla əsaslandırılmışdır ki, o, Socar Nəqliyyat İdarəsinin 4 saylı Texnoloji Nəqliyyat Departamentinin 2 saylı texnoloji nəqliyyat sahəsində sürücü vəzifəsində işləyir. Departamentə məxsus “QAZ 330232” yük sərnişin markalı, **-JA-*** dövlət qeydiyyat nişanlı avtomobilin sürücüsüdür. Həmin avtomobili Bakı şəhərinin və müxtəlif rayonların ərazilərində idarə etmişdir. xx.xx.2024-cü il tarixdə Nizami rayonunda yerləşən “Koroğlu” metrostansiyasının yaxınlığında istifadəsində olan “Qazel” markalı avtomobili idarə etmişdir. xx.xx.2024-cü il tarixində yol hərəkəti qaydaları ilə bağlı İXP seriyalı, ******* nömrəli protokol tərtib edilmişdir. Sonra isə o, İXM 327.1 və 327.6-cı maddələri ilə təqsirli bilinərək barəsində xx.xx.2024-cü il tarixli, TP seriyalı, ******* nömrəli qərar qəbul edilmişdir. Bu azmış kimi X7 məxsus **-BX-*** dövlət qeydiyyat nişanlı, “BMW X3 XDRİVE 20D” minik markalı, **-BX-*** dövlət qeydiyyat nişanlı avtomobilinin sürücüsü X8 onun “QAZ 330232” yük sərnişin markalı, **-JA-*** dövlət qeydiyyat nişanlı avtomobillə onun avtomobilini zədələməsi və yol nəqliyyat hadisəsi törətməsi barədə şikayət etmişdir. Buna əsasən ondan zərərin ödənilməsini tələb etmişlər. Lakin o, xx.xx.2024-cü il tarixdə “Koroğlu” metrostansiyasının yaxınlığında olsa da hər hansı yol nəqliyyat hadisəsi törətməmişdir. Xüsusilə də, “BMW X3 XDRİVE 20D” minik markalı, **-BX-*** dövlət qeydiyyat nişanlı avtomobillə toqquşmamışdır. Bu səbəbdən adı çəkilən qərarın ləğv edilməsi zəruridir. Onun barəsində tərtib olunan protokol və qərar əsassız və qanunsuzdur. Hansısa hadisəni və ya yol hərəkəti qaydaları pozuntusunun törədilməsini təsdiq edən sübut və digər dəlil ona təqdim olunmamışdır. Bu səbəbdən adı çəkilən qərar əsassızdır. Qeyd edilənləri nəzərə alaraq xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsini xahiş etmişdir. Məhkəmə iclasında barəsində inzibati xəta haqqında iş üzrə qərar qəbul edilən şəxs X4 şikayətin məzmununa uyğun izahat verərək xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsini xahiş etmişdir. Məhkəmə iclasındə Bakı şəhər Baş Polis İdarəsi X12 İdarəsinin nümayəndəsi Nümayəndə izahat verərək bildirmişdir ki, təmsil etdiyi qurumda axtarış şöbəsi var, axtarış şöbəsi sənədləri ona vermişdir. X8 tərəfindən yazılmış və Bakı şəhər Baş Polis İdarəsi X12 İdarəsinə daxil olmuş ərizədən görünür ki, X8 11 yanvar 2024-cü ildə idarə etdiyi “BMW X3 XDRİVE 20D” minik markalı, **-BX-*** dövlət qeydiyyat nişanlı avtomobillə “Koroğlu” metrostansiyası yaxınlığında öz zolağı ilə hərəkət etdiyi zaman sağdan sola manevr edən “Qazel” markalı avtomobil onun avtomobilini vurmuş və hadisə yerindən uzaqlaşmışdır. O da öz növbəsində 102 xidmətinə zəng edib məlumat vermişdir. Belə çıxır ki, xanım sürücü hadisə yerində dayanmış, Seymur Mustafayev isə çıxıb getmişdir. X8 ərizə ilə quruma müraciət etdikdən sonra araşdırma aparılmış, araşdırma nəticəsində müəyyən edilmişdir ki, doğrudan da həmin vaxt qeyd edilən hadisə baş vermişdir. Seymur Mustafayevlə əlaqə saxlanılmış, amma o, çağırışlara gəlməmiş, ona görə də sənədləri göndərmişlər. Şəhla Quliyeva öz avtomobilindən görüntünü təqdim etmişdir, görüntüdən də görünür ki, Mustafayev Seymur avtomobilə toxunmuş və dayanmadan hərəkətini davam etdirmişdir. Bununla da əks istiqamətdə olan hərəkət zolağına çıxmadan manevr etmə və hadisə yerindən yayınmaya yol vermişdir. Ona görə də onun barəsində protokol tərtib edilmiş və qərar qəbul edilmişdir. Məhkəmədən X2 şikayəti əsassız olduğundan təmin edilməməsini xahiş etmişdir. İşdə olan və məhkəmə baxışında tədqiq edilmiş: - Bakı şəhər BPİ X12 İdarəsinin polis polkovniki X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan görünür ki, X4 xx.xx.2024-cü il tarixdə, saat 14:15-də “Koroğlu” metrostansiyası ərazisində “QAZ 330232” yük sərnişin markalı, **-JA-*** dövlət qeydiyyat nişanlı avtomobili idarə edərkən yol nəqliyyat hadisəsi yerindən yayınmış, əks istiqamətli hərəkət zolağına çıxmadan manevr etmişdir. X1 Azərbaycan Respublikası İXM-nin 327.1 və 327.6-cı maddələrində nəzərdə tutulan inzibati xətanı törətməkdə təqsirli bilinib 100 manat məbləğində cərimə edilmişdir. Məhkəmə iclasında təqdim edilmiş videogörüntüyə baxış keçirilən zaman X2 Azərbaycan Respublikası İnzibati Xətalar Məcəlləsinin 327.1 və 327.6-cı maddələrində nəzərdə tutulmuş inzibati xətanı törətməsi öz təsdiqini tapmışdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən isə heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 99.1.1-ci maddəsinə əsasən inzibati xəta hadisəsinin mövcudluğunu göstərən kifayət qədər halların səlahiyyətli vəzifəli şəxs tərəfindən bilavasitə və ya xüsusi texniki vasitələrin köməyi, eləcə də müvafiq icra hakimiyyəti orqanının müəyyən etdiyi orqanın (qurumun) informasiya sistemi, habelə digər dövlət informasiya sistemləri (ehtiyatları) vasitəsi ilə aşkar edilməsi inzibati xəta haqqında iş üzrə icraata başlamağa səbəbdir. Həmin Məcəllənin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Məhkəmə inzibati tənbeh vermə haqqında qərardan şikayət verən şəxs X3 istinad edilən inzibati xətaya dair qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur, sübutların məcmusu inzibati xətaya qiymət verilməsi baxımından kifayət edir və onun əməli düzgün olaraq İXM-nin 327.1 və 327.6-cı maddələri ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 134.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq aşağıdakı qərarlardan biri qəbul edilir: 134.1.1. qərarın dəyişdirilmədən, şikayətin və ya protestin isə təmin edilmədən saxlanılması haqqında; 134.1.2. bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında; 134.1.3. bu Məcəllənin 135.1.5-1-ci maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında; 134.1.4. bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında; 134.1.5. şikayətə və ya protestə baxılarkən inzibati xəta haqqında iş üzrə qərarı buna səlahiyyəti çatmayan hakimin, orqanın (vəzifəli şəxsin) qəbul etdiyi müəyyən olunduqda, qərarın ləğv edilməsi və işin aidiyyəti üzrə baxılmaq üçün göndərilməsi haqqında. Şərh edilən normaları rəhbər tutaraq məhkəmə hesab edir ki, xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərarın ləğv edilməsi barədə X2 verdiyi şikayət əsassız olduğu üçün təmin edilməməlidir. Göstərilənlərə əsaslanaraq və Azərbaycan Respublikası İXM-nin 128, 129 və 133-136-cı maddələrini rəhbər tutaraq, məhkəmə QƏRARA ALDİ: Bakı şəhər BPİ X12 İdarəsinin polis polkovniki X9 tərəfindən qəbul edilmiş xx.xx.2024-cü il tarixli, TP seriyalı, ******* nömrəli inzibati tənbeh vermə haqqında qərardan X2 verdiyi şikayət təmin edilməsin. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət və ya protest verilə bilər. Sədrlik edən Mətanət Hacıyeva