Bakı Şəhəri Nizami Rayon Məhkəməsi Qərar — İş №3(007)-5356/2023

Azərbaycan Respublikası adından QƏRAR Bakı şəhəri İş № 3(007)-5356/2023 26.10.2023 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Qədirli Nigar Aftandil qızının sədrliyi, X2 iclas katibliyi, barəsində inzibati xətalar haqqında iş üzrə icraat aparılan şəxs Şəxs və onun müdafiəçisi Bakı şəhəri 06 saylı Vəkil bürosunun vəkili Vəkil, Bakı şəhər Probasiya idarəsinin böyük icra məmuru X1 iştirakları ilə, xx.xx.1991-ci ildə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İXM-nin 529.4-cü maddəsi ilə Bakı Şəhər Probasiya İdarəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Bakı şəhəri Nizami rayon icra şöbəsindən daxil olmuş 26 oktyabr 2023-cü il tarixli, MN seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən borclu Şəxs Bakı şəhəri Nizami RPİ-nin 23-cü PB-nin onun Azərbaycan Respublikası İXM-nin 211-ci maddəsi ilə inzibati qaydada 100 manat cərimə edilməsinə dair 18 aprel 2020-ci il tarixli, MN seriyalı, ******* nömrəli qərarını qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra etməmişdir. Bakı şəhəri Nizami Rayon Məhkəməsinin 3(007)-2384/2022 saylı, xx.xx.2022-ci il tarixli qərarı ilə Şəxs Azərbaycan Respublikası İXM-nin 529.1-ci maddəsində nəzərdə tutulmuş inzibati xətanı törətməkdə təqsirli bilinib, barəsində 160 (bir yüz altmış) saat müddətinə ictimai işlər növündə tənbeh tətbiq edilmiş, Şəxs inzibati tənbeh müddətinin əvvəli qərarın faktiki icraya başlandığı vaxtdan hesablanması qərara alınmışdır. Lakin Şəxs məhkəmə qərarının icrası ilə bağlı xx.xx.2023-cü il tarixdə, saat 11:25də ona tətbiq edilmiş elektron nəzarət vasitəsi olan avadanlığı gəzdirməkdən imtina etməklə ictimai işləri yerinə yetirməkdən boyun qaçırmışdır. Bununla bağlı Bakı şəhər Probasiya İdarəsinin böyük icra məmuru X3 tərəfindən xx.xx.2023-cü il tarixli, MN ******* saylı inzibati xəta haqqında protokol tərtib edilərək Bakı şəhəri Nizami Rayon Məhkəməsinə təqdim edilmişdir. Barəsində inzibati xəta haqqında iş üzrə icraat aparılan şəxs Şəxs inzibati xəta haqqında protokolda göstərilən xüsusatları təsdiq edərək bildirdi ki, o, taksi fəaliyyəti ilə məşğul olmaqla ailəsini dolandırır. İşdən azad olduğu vaxtlarda belə elektron nəzarət vasitəsini tətbiq etmək və məhkəmə qərarı ilə təyin edilmiş ictimai işlər növündə tənbeh tədbirini icra etmək fikri yoxdur. Sonda Şəxs göstərilənləri nəzərə alaraq, barəsində yüngül cəza verilməsini məhkəmədən xahiş etdi. Barəsində inzibati xətalar haqqında iş üzrə icraat aparılan şəxsin vəkili Vəkil məhkəmə iclasında bildirdi ki, barəsində inzibati xəta haqqında iş üzrə icraat aparılan şəxs Şəxs ailəsini dolandırmaq üçün gecə-gündüz taksi fəaliyyəti ilə məşğul olur. Qeyd edilənlərə əsasən, barəsində aşağı həddə cəza təyin edilməsini məhkəmədən xahiş etdi. Bakı şəhər Probasiya İdarəsinin böyük icra məmuru X3 məhkəməyə verdiyi izahatında bildirdi ki, borclu dəfələrlə probasiya idarəsinə dəvət edilmiş, lakin könüllü gəlməmiş, barəsində məcburi gətirilmə barədə qərar qəbul olunmuşdur. Lakin şəxs yenə də ona tətbiq olunmuş elektron nəzarət vasitəsini gəzdirməkdən imtina etmiş, bunun üçün akt tərtib olunmuş, daha sonra isə protokol tərtib olunaraq baxılması üçün məhkəməyə göndərilmişdir. Qeyd olunanları nəzərə aıaraq, şəxs barəsində ciddi tədbir görülməsini məhkəmədən xahiş etdi. İş materiallarında olan Bakı şəhəri Nizami rayon Məhkəməsinin 3(007)-2384/2022 saylı, xx.xx.2022-ci il tarixli qərarından görünür ki, Şəxs Azərbaycan Respublikası İXM-nin 529.1-ci maddəsində nəzərdə tutulmuş inzibati xətanı törətməkdə təqsirli bilinib, barəsində 160 (bir yüz altmış) saat müddətinə ictimai işlər növündə tənbeh tətbiq edilmiş, Şəxs inzibati tənbeh müddətinin əvvəli qərarın faktiki icraya başlandığı vaxtdan hesablanması qərara alınmışdır. İş materiallarında olan xx.xx.2023-cü il tarixli “icraata başlamaq” haqqında qərardan görünür ki, Bakı şəhər Probasiya idarəsinin böyük icra məmuru Fuad Rüstəmli tərəfindən xx.xx.2023-cü il tarixində icraata başlanılmış, tələbin könüllü icrası barədə borcluya 10 günlük müddət verilmişdir, bu barədə borclu məlumatlandırılmışdır. İş materiallarında olan xx.xx.2023-cü il tarixli “barəsində ictimai işlər növündə inzibati tənbeh tətbiq edilən şəxsin məcburi gətirilməsi” barədə qərardan görünür ki, ünvan 1 ünvanında yaşayan Şəxs qeydiyyata alınması üçün məcburi qaydada Bakı Şəhər Probasiya idarəsinə gətirilməsi ilə bağlı məhkəməyə təqdimat verilməsi qərara alınmışdır. İş materiallarında olan Bakı şəhər Probasiya idarəsinin böyük icra məmuru X3 tərəfindən tərtib edilmiş xx.xx.2023-cü il tarixli aktdan görünür ki, borclu- Şəxs Bakı şəhəri Nizami Rayon Məhkəməsinin xx.xx.2022-ci il tarixli qərarının icrası ilə bağlı Şəxs 160 saat müddətinə içtimai işlər növündə tənbeh tədbirinin çəkilməsi üçün ona tətbiq edilmiş elektron nəzarət vasitəsini gəzdirməkdən imtina etmişdir. Azərbaycan Respublikası İXM-in 529.4-cü maddəsinə əsasən ictimai işlər növündə inzibati tənbehin çəkilməsindən boyun qaçırmaq inzibati xəta kimi müəyyən edilmişdir. Həmin xətaya görə üç ayadək müddətə inzibati həbs nəzərdə tutulmuşdur. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, icra vərəqəsi, bildiriş, özünün məhkəməyə verdiyi izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini, məhkəmə qərarının icra olunmamasındakı müddəti, inzibati xətanın ictimai işlər növündə inzibati tənbehin çəkilməsindən boyun qaçırmaq ilə əlaqədar olduğunu, həmin xətaya görə inzibati həbs nəzərə tutulduğunu nəzərə alaraq, hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati həbs növündə tənbeh edilməklə inzibati tənbehin məqsədinə nail oluna bilər. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilənlərə əsasən məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər. Həmçinin məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut yoxdur, vəkilin iş materialları ilə tanış olduğu və məhkəmədə iştirak etdiyi müddət 3 iş saatı müddətinə bərabər olduğundan, həmin iş saatları üçün Nazirlər Kabinetinin xx.xx.2018-ci il tarixli, 202 saylı qərarına əsasən hüquqi yardım haqqı 6 manat miqdarında nəzərə alınmaqla müdafiəçiyə dövlət büdcəsinin vəsaiti hesabına ödənilməlidir. Məhkəmə hesab edir ki, vəkilin məhkəmədə iştirak etdiyi müddət 03 iş saatı müddətinə bərabər olduğundan, hər iş saatı üçün Azərbaycan Respublikası Nazirlər Kabinetinin xx.xx.2018-ci il tarixli, 202 saylı qərarına əsasən hüquqi yardım haqqı 6 (altı) manat miqdarında ödənilməsi nəzərə alınmaqla 18 (on səkkiz) manat (3x6) məbləğində əmək haqqı Bakı şəhəri 6 saylı Vəkil Bürosu vasitəsi ilə müdafiəçi Vəkil dövlət büdcəsi hesabına ödənilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 529.4-cü maddəsi ilə nəzərdə tutulmuş əməli törətməkdə təqsirli bilinərək, 25 (iyirmi beş) gün müddətinə inzibati qaydada həbs edilsin. Həbsetmənin əvvəli xx.xx.2023-cü il tarixdən hesablansın. Şəxs Azərbaycan Respublikası DİN-nin İnzibati həbs olunanların saxlanılma mərkəzinə təhvil verilməsi Bakı şəhəri Nizami rayon Polis İdarəsinin 25-ci Polis Şöbəsinə həvalə edilsin. Barəsində inzibati xəta haqqında iş üzrə icraat aparılan Şəxs 3 saat hüquqi yardım göstərdiyinə görə müdafiəçi Vəkil müvafiq hesablaşma hesabı üzərindən Bakı şəhəri 6 saylı vəkil bürosu vasitəsi ilə 18 manat əmək haqqı Azərbaycan Respublikası dövlət büdcəsinin vəsaiti hesabına ödənilsin Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nizami Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Nigar Qədirli