Bakı Şəhəri Nizami Rayon Məhkəməsi Qərar — İş №3(007)-710/2021

Azərbaycan Respublikası adından QƏRAR Bakı şəhəri İş № 3(007)-710/2021 25.01.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, inzibati xəta haqqında protokol tərtib etmiş Bakı şəhəri Nizami rayon Polis İdarəsinin 23-cü Polis Bölməsinin polis sahə inspektoru X3 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1997-ci ildə Sabirabad rayonu Nizami kəndində anadan olmuş, Azərbaycan Respublikasının vətəndaşı, orta təhsilli, evli, fərdi əmək fəaliyyəti ilə məşğul olan, Sabirabad rayonu, Nizami kəndində qeydiyyatda olan Şəxs, barəsində Bakı şəhəri Nizami rayon Polis İdarəsi 23-cü Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Şəxs, xx xxxxxx 2021-ci il tarixdə, Bakı şəhəri Nizami rayonu ərazisində yerləşən “Koroğlu” metrostansiyasının yaxınlığında polis əməkdaşlarının qanuni tələblərinə qəsdən tabe olmamışdır. Buna görə də Şəxs barəsində Azərbaycan Respublikası İXM-nin 535.1-ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. Məhkəmə iclasında iştirak edən inzibati xəta haqqında protokolu tərtib etmiş Bakı şəhəri Nizami rayon Polis İdarəsinin 23-cü Polis Bölməsinin polis sahə inspektoru X6 izahatında göstərdi ki, Şəxs xx xxxxxx 2021-ci il tarixdə, saat 07:50 radələrində Bakı şəhəri Nizami rayonu H.Əliyev prospektinin yaxınlığında yerləşən “Koroğlu metrostansiyasının qarşısında qanunsuz küçə ticarəti ilə məşğul olduğu üçün ərazidə xidmət aparan polis əməkdaşları ona yaxınlaşmışlar və bildirilmişdir ki qanunsuz küçə ticarəti ilə məşğul olmaq qadağandır, buna görədə satışa gətirdiyi gülləri yığışdırıb ərazidən uzaqlaşsın. Lakin Şəxs polislərin qanuni tələblərinə qəsdən tabe olmayaraq əsəbi şəkildə bildirmişdir ki, o, Qarabağ əlilidir və küçədə gül satışını davam etdirəcəkdir. Polis əməkdaşları dəfələrlə onu nizam-intizama dəvət edilmiş lakin Şəxs öz qanunazidd hərəkətlərini davam etdirmişdir. Bundan sonra Şəxs polis əməkdaşları tərəfindən polis şöbəsinə dəvət edilmiş və orada onun şəxsiyyəti müəyyən edildikdən sonra barəsində inzibati xəta haqqında protokol tərtib edilmişdir. Məhkəmə iclasında iştirak edən barəsində inzibati xəta haqqında iş aparılan şəxs Şəxs, inzibati xəta törədilməsi haqqında protokolda göstərilən xüsusatları inkar edərək, izahatında göstərmişdir ki, o polis əməkdaşlarına qarşı heç bir tabesizlik göstərməmiş, əksinə olaraq polis əməkdaşları onunla kobud rəftar etmişlər. İzahatının sonunda məhkəmədən barəsində aparılan inzibati xəta haqqında iş üzrə icraata xitam verilməsini xahiş etdi. Məhkəmə iclasında şahid qismində dindirilmiş Bakı şəhəri Nizami rayon Polis İdarəsinin post patrul xidməti bölüyünün polis nəfəri polis serjantı X5 məhkəmə iclasında bildirdi ki, xx xxxxxx 2021-ci il tarixdə, saat 07:50 radələrində Bakı şəhəri Nizami rayonu H.Əliyev prospektinin yaxınlığında yerləşən “Koroğlu metrostansiyasının ətrafında digər polis nəfəri Elçin Dənziyevlə xidmətdə olarkən bir nəfər şəxsin qarşısına gül dəstəsi qoyaraq qanunsuz küçə ticarəti ilə məşğul olduğunun şahidi olmuşlar. Onlar həmin şəxsə yaxınlaşıb özlərini təqdim etmişlər və Şəxs qanunsuz küçə ticarətinə son verməsini tələb etmişlər. Bu zaman həmin şəxs öz hərəkətlərini davam etdirmiş və onların qanuni tələbinə tabe olmamışdır. Bundan sonra həmin şəxsi saxlayaraq 23-cü Polis Şöbəsinə dəvət etmişlər. Məhkəmə iclasında şahid qismində dindirilmiş Bakı şəhəri Nizami rayon Polis İdarəsinin post patrul xidməti bölüyünün polis nəfəri polis serjantı X1 şahid X2 izhatında göstərdiyi xüsusatlara uyğun məzmunda izahat vermişdir. Barəsində inzibati xəta haqqında iş üzrə icraat aparılan Şəxs əməlində inzibati xətaya görə məsuliyyətini yüngülləşdirən və ağırlaşdıran hallar müəyyən olunmadı. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarınavə inzibati xətanı törətməkdə təqsirli bilinənin şəxsiyyətinə uyğun olmalıdır; 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə inzibati tənbeh tətbiq edərkən inzibati xətanın xarakterini, inzibati xəta törədən Şəxs şəxsiyyətini xarakterizə edən halları, onun təqsirlilik dərəcəsini, məsuliyyətini yüngülləşdirən və ağırlaşdıran (müəyyən edilməmişdir) halları, o cümlədən məhkəmə iclasındakı davranışını nəzərə alaraq və onun barəsində inzibati cərimə tənbeh tədbirinin tətbiqini kifayət hesab etməyərək, hesab edir ki, ona təqsirli bilindiyi maddənin sanksiyasında nəzərdə tutulan həbs növündə inzibati tənbeh tətbiq edilməsi məqsədə müvafiqdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanın törədilməsində təqsirli bilinsin və onun barəsində 08 (səkkiz) gün müddətinə inzibati həbs növündə inzibati tənbeh tətbiq edilsin. Həbsetmənin əvvəli Şəxs hazırkı işlə bağlı inzibati qaydada tutulduğu vaxtdan, yəni xx xxxxxx 2021-ci il, saat 10:00-dan hesablansın. Qərar dərhal icra edilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Rauf Əhmədov