Bakı Şəhəri Nizami Rayon Məhkəməsi Qərardad — İş №3(007)-714/2021

Azərbaycan Respublikası adından QƏRARDAD Bakı şəhəri İş № 3(007)-714/2021 26.01.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami rayon Məhkəməsinin hakimi Əhmədov Rauf Tağı oğlu, məsləhətçi İmanov Nizami Bəxtiyar oğlunun katibliyi ilə, X1 inzibati tənbeh vermə haqqında TP seriyalı, ******* nömrəli xx.xx.2020-ci il tarixli və TP seriyalı, ******* nömrəli xx.xx.2020-ci il tarixli qərarların ləğv edilməsi və inzibati xəta haqqında iş üzrə icraata xitam verilməsi barədə şikayətinə açıq məhkəmə iclasında baxaraq, MÜƏYYƏN ETDİM: X1 Bakı şəhər Xətai rayon Polis İdarəsi Dövlət X4 xx.xx.2020-ci il tarixli TP seriyalı, ******* nömrəli və xx.xx.2020-ci il tarixli, TP seriyalı, ******* nömrəli inzibati tənbeh vermə haqqında qərarlardan verdiyi şikayət ərizəsi məhkəməyə daxil olmuşdur. Şikayət ərizəsindən görünür ki, X3 xx.xx.2020-ci il və xx.xx.2020-ci il tarixlərdə Azərbaycan Respublikası İXM-nin 211.1-ci maddələri ilə nəzərdə tutulmuş inzibati xətanı törətməkdə təqsirli bilinərək barəsində Bakı şəhər Xətai rayon Polis İdarəsi Dövlət X6 tərəfindən TP seriyalı, ******* nömrəli və TP seriyalı, ******* nömrəli inzibati tənbeh vermə haqqında qərarlar tərtib edilmişdir. Məhkəmə şikayəti və ona əlavə edilmiş materialı tədqiq edərək, hesab edir ki, X1 barəsində Bakı şəhər Xətai rayon Polis İdarəsi Dövlət X6 tərəfindən qəbul edilmiş inzibati tənbeh vermə haqqında qərarların ləğv edilməsi və inzibati xəta haqqında iş üzrə icraata xitam verilməsi barədə verdiyi şikayət ərizəsi geri qaytarılmalıdır. Belə ki, qanunvericilikdə eyni şikayət ərizəsi ilə inzibati xəta haqqında iş üzrə bir neçə qərardan deyil, yalnız bir qərardan şikayət verilməsi nəzərdə tutulduğundan TP seriyalı, ******* nömrəli və TP seriyalı, ******* nömrəli inzibati tənbeh vermə haqqında qərarların hər birindən ayrı-ayrılıqda şikayət verilməlidir. Bundan başqa, Azərbaycan Respublikası Konstitusiya Məhkəməsinin Plenumu “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” x xxxxxx 2020-ci il tarixli qərarı ilə izah etmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Azərbaycan Respublikası İXM-nin 106-cı maddəsinə görə hakim, səlahiyyətli orqan (vəzifəli şəxs) inzibati xətalar haqqında işlərə baxarkən həmin maddədə imperativ formada sadalanmış digər məsələlərlə yanaşı həmçinin işin baxılmasının onun səlahiyyətinə aid olub-olmadığını, eləcə də inzibati xəta haqqında protokolun və işin digər materiallarının bu Məcəllənin tələblərinə müvafiq tərtib edilib-edilmədiyini həll etməlidir. Həmin Məcəllənin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət- şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 128.2.3-cü maddəsinə əsasən inzibati xəta haqqında iş üzrə səlahiyyətli orqanın (vəzifəli şəxsin) qərarından yuxarı səlahiyyətli orqana (vəzifəli şəxsə) və ya məhkəməyə şikayət verilə bilər. “Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair” Azərbaycan Respublikası Konstitusiya Məhkəməsinin Plenumunun xx xxx 2019-cu il tarixli qərarına əsasən Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apelyasiya şikayəti vermək hüququ istisna edilir. X1 şikayətinin məzmunundan görünür ki, törədilməsi ehtimal edilən hər iki inzibati xəta hadisəsinin törədildiyi yer Bakı şəhəri Xətai rayonudur. Eyni zamanda X1 qeydiyyat ünvanı və daimi yaşayış yeri ünvan 2ur. Lakin o, şikayətinə yaşadığı yer üzrə baxılması ilə bağlı vəsatət əlavə etməmişdir. Buna görə də X3 tərəfindən qanunvericiliyin tələblərinə əməl edilməklə şikayət verilərkən, şikayətin inzibati xətanın törədildiyi və yaxud vəsatətinə əsasən özünün yaşadığı yer üzrə verilə bilməsi də ona izah edilməlidir. Beləliklə, məhkəmə hesab edir ki, X1 verdiyi şikayət ərizəsi geri qaytarılmalı, X1 barəsində səlahiyyətli orqan (vəzifəli şəxs) tərəfindən inzibati xəta haqqında iş üzrə qərarlar qəbul edilmişsə həmin qərarlardan ayrı-ayrılıqda qərar şikayətə əlavə edilməklə yaşayış yeri üzrə ümumi yurisdiksiyalı rayon (şəhər) məhkəməsinə şikayət vermək hüququ izah edilməlidir Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 430- 434-cü maddələrini rəhbər tutaraq, QƏRARA ALDİM: X1 inzibati tənbeh vermə haqqında TP seriyalı, ******* nömrəli xx.xx.2020-ci il tarixli və TP seriyalı, ******* nömrəli xx.xx.2020-ci il tarixli qərarlardan verdiyi şikayət ərizəsi geri qaytarılsın. X2 barəsində səlahiyyətli orqan (vəzifəli şəxs) tərəfindən inzibati xəta haqqında iş üzrə qərarlar qəbul edilmişsə həmin qərarlardan ayrı-ayrılıqda qərar şikayətə əlavə edilməklə yaşayış yeri üzrə ümumi yurisdiksiyalı rayon (şəhər) məhkəməsinə şikayət vermək hüququ izah edilsin. Qərardaddan apellyasiya şikayəti verilə bilməz. Sədrlik edən Rauf Əhmədov