Bakı Şəhəri Nizami Rayon Məhkəməsi Qərar — İş №3(007)-795/2021

Azərbaycan Respublikası adından QƏRAR Bakı şəhəri İş № 3(007)-795/2021 26.02.2021 BAKI ŞƏHƏRİ NİZAMİ RAYON MƏHKƏMƏSİ Hakim Mehdiyev Nəriman Hüseynqulu oğlunun sədrliyi, məhkəmə iclasının katibi Rüstəmova Sürəyya Nazim qızının katibliyi ilə, xx xxxxxx 1989-cu il tarixdə Ağsu rayonunda anadan olmuş, Azərbaycan Respublikasının vətəndaşı, Bakı şəhəri, Nizami rayonu, Naxçıvanski küçəsi ev 77, mənzil 14-də qeydiyyatda olan Şəxs barəsində Azərbaycan Respublikası İXM-nin 529.3-cü maddəsi olan işə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: Bakı şəhəri Nizami RPİ-nin DYPŞ-dən daxil olmuş xx xxxxxx 2021-ci il tarixli, AP seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən Şəxs yol hərəkəti qaydaları əleyhinə olan inzibati xətanın törədilməsinə görə barəsindəki xx xxxxxxxx 2020-ci il tarixli inzibati cərimə növündə tənbeh tətbiq etmə haqqında qərarı qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra etməmişdir. Məhkəmə iclasının yeri və vaxtı barədə lazımi qaydada xəbərdar edilmiş barəsində inzibati xəta haqqında iş üzrə icraat aparılan Şəxs və protokolu tərtib etmiş orqanın səlahiyyətli nümayəndəsi məhkəmə iclasına gəlməmiş, gəlməmələrinin səbəbi barədə məlumat verməmişlər. Məhkəmə onların iştirakı olmadan işə baxılmasını mümkün hesab edir. İşdə olan xx xxxxxxxx 2020-ci il tarixli, TP seriyalı, ******* nömrəli inzibati xəta haqqında qərardan, DİN-nin DYP-nin “web portal”ından çıxarışdan görünür ki, Şəxs xx xxxxxxxx 2020-ci il tarixdə saat 10:07-də idarə etdiyi “Chevrolet Colorado minik” markalı ** PH *** dövlət qeydiyyat nişanlı avtomobili idarə edərkən Azərbaycan Respublikası İXM-nin 327.2-ci maddəsində nəzərdə tutulmuş inzibati xətanı törətməyə görə 60 manat məbləğində cərimə edilmişdir. Dəbbə pulu ilə birlikdə borcu 96 manatdır. Məhkəmə inzibati xəta haqqında işin materiallarını tədqiq edərək, o nəticəyə gəlir ki, Şəxs Azərbaycan Respublikası İXM-nin 529.3-cü maddəsi ilə nəzərdə tutulmuş inzibati xətanı törətmişdir, iş üzrə toplanmış mötəbər sübutlarla onun həmin maddə ilə inzibati xəta törətməkdə təqsiri tam sübuta yetir və törətdiyi əməl düzgün olaraq Azərbaycan Respublikası İXM-nin 529.3-cü maddəsi ilə tövsif olunmuşdur. Odur ki, Şəxs həmin maddə ilə təqsirli bilinərək inzibati qaydada tənbeh edilməlidir. Azərbaycan Respublikası İXM-nin 529.3-cü maddəsinə əsasən yol hərəkəti qaydaları əleyhinə olan inzibati xətaların, yaxud bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə - nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Məhkəmə qeyd edir ki, “Chevrolet Colorado minik” markalı ** PH *** dövlət qeydiyyat nişanlı avtomobil mülkiyyət hüququ üzrə “xxxx” Mühəndislik Ximətləri QSC-nin adına qeydiyyata alınmışdır. Səfərbərlik və Hərbi Xidmətə Çağırış üzrə Dövlət Xidmətinin Bakı şəhəri Nizami rayon İdarəsi tərəfindən təsdiq edilmiş xx xxxxxx 2020-ci il tarixli akta əsasən həmin avtomobil Səfərbərliklə əlaqədar QSC-dən təhvil alınaraq müvafiq hərbi hissəyə göndərilmişdir. “xxxx” Mühəndislik Ximətləri QSC-dən daxil olmuş xx xxxxxx 2021ci il tarixli 02/03-15/216 nömrəli məktubda, həmin avtomobilin qeyd edilən səbəbdən təhvil verilənədək Şəxs tərəfindən idarə edildiyi, avtomobilin akt əsasında xx xxxxxx 2020-ci il tarixdə rəsmən hərbi hissəyə təhvil verilməsinə baxmayaraq, avtomobilin yol hərəkəti qaydalarını pozması halları ilə bağlı inzibati məsuliyyətə cəlb olunması barədə məlumat daxil olduğu göstərilmiş və işin icraatına xitam verilməsi xahiş olunmuşdur. Eyni zamanda həmin məktuba əlavə edilmiş Baş Dövlət Yol Polisi İdarəsinin xx xxxxxx 2020-ci il tarixli 016-114351-1220 nömrəli məktubunun surətindən görünür ki, “Chevrolet Colorado minik” markalı ** PH *** dövlət qeydiyyat nişanlı avtomobilin müvafiq quruma təhvil verildiyi tarixdən sonra idarə olunması zamanı yol hərəkəti qayda pozuntularına yol verilməsinə görə Şəxs barəsində çıxarılmış müvafiq seriya və nömrəli elektron qərarlar ləğv edilməklə həmin işlər üzrə icraata xitam verilmişdir. Nəzərə alınmalıdır ki, hazırda məhkəmədə baxılan iş üzrə AP seriyalı, ******* nömrəli inzibati xəta haqqında protokolun tərtib olunmasına əsas olmuş inzibati xəta xx xxxxxxxx 2020-ci il tarixdə baş vermiş, protokol əsasında qərar isə xx xxxxxxxx 2020-ci il tarixdə qəbul edilmişdir. Göründüyü kimi həmin inzibati xəta avtomobilin müvafiq quruma təhvil verildiyi tarixdən əvvəl, Şəxs tərəfindən idarə edilərkən törədilmişdir, ona görə “xxxx” Mühəndislik Ximətləri QSC-nin məktubunda göstərilən əsasla iş üzrə icraata xitam verilməsi üçün əsaslar yoxdur. Bununla yanaşı inzibati xəta haqqında protokol həmin QSC-nin barəsində deyil, avtomobili idarə edən sürücünün barəsində tərtib olunmuşdur. Məhkəmə barəsində inzibati xəta haqqında iş üzrə icraat aparılan şəxsə inzibati tənbeh tətbiq etmək məsələsini həll edərkən inzibati xətalar qanunvericiliyinin aşağıdakı prinsip və müddəalarını rəhbər tutur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati tənbeh tətbiq edərkən məhkəmə İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə iclasında barəsində inzibati xəta haqqında iş üzrə icraat aparılan Şəxs əməlində Azərbaycan Respublikası İXM-nin 32-ci maddəsində nəzərdə tutulan məsuliyyəti yüngülləşdirən, həmin Məcəllənin 33-cü maddəsində nəzərdə tutulan məsuliyyəti ağırlaşdıran hallar müəyyən olunmamışdır. Məhkəmə inzibati tənbeh tətbiq edərkən inzibati xətanın xarakterini, işin faktiki hallarını nəzərə alaraq, hesab edir ki, Şəxs barəsində təqsirli bilindiyi maddənin sanksiyasında nəzərdə tutulmuş nəqliyyat vasitələrini idarə etmə hüququnun məhdudlaşdırılması növündə inzibati tənbeh tətbiq edilməsi məqsədəmüvafiqdir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut və məhkəmə məsrəfi yoxdur. Şərh olunanlara əsaslanaraq və Azərbaycan Respublikası İXM-nin 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 529.3-cü maddəsində nəzərdə tutulmuş inzibati xətanı törətməkdə təqsirli bilinib, barəsində 06 (altı) ay müddətinə nəqliyyat vasitələrini idarə etmə hüququnun məhdudlaşdırılması növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Nizami Rayon Məhkəməsi vasitəsilə Bakı Apelyasiya Məhkəməsinə şikayət verilə bilər. Hakim Nəriman Mehdiyev