Bakı Şəhəri Nizami Rayon Məhkəməsi Qərar — İş №3(007)-802/2024

Azərbaycan Respublikası adından QƏRAR Bakı şəhəri İş № 3(007)-802/2024 20.02.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Nigar qədirli Aftandil qızının sədrliyi, X1 iclas katibliyi, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.2000-ci il tarixdə ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İXM-nin 529.1-ci maddəsi ilə Bakı şəhəri Nizami rayonu İcra Şöbəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Şəxs Azərbaycan Respublikası Nizami RPİ-nin 23-cü PB-nin xx.xx.2021-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2021-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2021-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2021-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2022-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2022-ci il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat, xx.xx.2023-cü il tarixli, MN ******* saylı qərarına əsasən İXM-nin 266.3-cü maddəsi ilə təqsirli bilinib 50 manat, xx.xx.2023-cü il tarixli, MN ******* saylı qərarına əsasən İXM-nin 454-cü maddəsi ilə təqsirli bilinib 80 manat məbləğində inzibati qaydada cərimə edilmişdir. Həmin icra sənədləri icra olunması üçün Nizami Rayon icra Şöbəsinə daxil olduqdan sonra icra məmuru tərəfindən xx.xx.2021, xx.xx.2021, xx.xx.2021, xx.xx.2022, xx.xx.2022, xx.xx.2023, xx.xx.2023 və xx.xx.2023-cü il tarixli qərarlarla icraata başlanılmış, tələbin könüllü icra edilməsi üçün borcluya vaxt verilmiş, bu barədə borcluya bildirişlər göndərilmişdir. Həmin vaxt ərzində tələblər könüllü icra edilməmişdir. Tələblərin könüllü icrası üçün müəyyən edilmiş vaxt bitdikdən sonra da 3 ay müddətində qanunla müəyyən edilmiş əsaslar olmadan icra etməmişdir. Bununla Şəxs İXM-in 529.1-ci maddəsində nəzərdə tutulmuş inzibati xətanı törətmişdir. Onun barəsində Nizami rayon icra şöbəsinin icra məmuru tərəfindən xx.xx.2024-cü il tarixli, MN ******* saylı inzibati xəta haqqında protokol tərtib olunmuşdur. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs çıxış edərək hal-hazırda qeyd olunan inzibati cərimələri ödəmək imkanının olmadığını qeyd etdi. Protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndəsini göndərməmiş və gəlməməsinin üzrlü səbəbləri barədə məhkəməyə heç bir məlumat verməmişlər. Ona görə də məhkəmə onun iştirakı olmadan işə baxılmasını mümkün hesab edir. İnzibati işdə olan xx.xx.2024-cü il tarixli “Bir neçə icra sənədinin ünuni icraatda birləşdirilməsi” haqqında qərardan görünür ki, borclu Şəxs barəsində olan Nizami RPİ-nin 23-cü PB-nin xx.xx.2021-ci il tarixli, MN 1042697, xx.xx.2021-ci il tarixli, MN 1047171, xx.xx.2021-ci il tarixli, MN 1047101, xx.xx.2021-ci il tarixli, MN 1046162, xx.xx.2022-ci il tarixli, MN 1012969, xx.xx.2022-ci il tarixli, MN 1349844, xx.xx.2023-cü il tarixli, MN ******* və xx.xx.2023-cü il tarixli, MN ******* saylı icra sənədləri ümumi icraatda birləşdirilmişdir. İnzibati işdə olan xx.xx.2021, xx.xx.2021, xx.xx.2021, xx.xx.2022, xx.xx.2022, xx.xx.2023, xx.xx.2023 və xx.xx.2023-cü il tarixli bildirişlərdən görünür ki, borclu Şəxs tələbin könüllü icrası haqqında məlumatlar verilmişdir. Azərbaycan Respublikasının İnzibati Xətalar Məcəlləsinin 529.1-ci maddəsinə əsasən, yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə - yüz altmış saatdan iki yüz qırx saatadək ictimai işlər tətbiq olunur. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarları, icraata başlamaq barədə icra məmurunun qərarları, bildirişlərlə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikasının İnzibati Xətalar Məcəlləsinin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Beləliklə, məhkəmə inzibati xəta haqqında iş üzrə icraat materiallarını araşdırıb, törədilmiş xətanın xarakterini və qanunvericiliyin tələblərini nəzərə alaraq hesab edir ki, Şəxs barəsində yüz altmış saat ictimai işlər tətbiq olunmalı, onun üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulmalıdır. Yuxarıda göstərilənləri və Azərbaycan Respublikasının İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikasının İnzibati Xətalar Məcəlləsinin 529.1-ci maddəsi ilə təqsirli bilinərək barəsində 160 (yüz altmış) saat ictimai işlər tətbiq olunsun. Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrasına nəzarətin həyata keçirilməsi Şəxs yaşayış yeri üzrə Probasiya İdarəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Nigar Qədirli