Bakı Şəhəri Nizami Rayon Məhkəməsi Qərar — İş №3(007)-9/2023

Azərbaycan Respublikası adından QƏRAR Bakı şəhəri İş № 3(007)-9/2023 03.10.2023 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, məsləhətçi Əsədullayev İrfan İlyas oğlunun katibliyi ilə, Şəxs, xx xxxx 1977-ci il tarixdə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanda qeydiyyatda olan, barəsində Bakı şəhəri Nizami rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Bakı şəhəri Nizami rayon İcra Şöbəsinin böyük icra məmuru X1 tərəfindən, borclu Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı tötərməsi haqqında 14 iyun 2022-ci il tarixli MN № ******* saylı inzibati xəta haqqında protokol tərtib edilərək baxılması üçün Bakı şəhəri Nizami Rayon Məhkəməsinə göndərilmişdir. İnzibati qanunvericiliyin tələbinə əsasən, sanksiyasında inzibati həbs tənbeh növü nəzərdə tutulan inzibati xətalar haqqında işlərə inzibati xəta haqqında protokol daxil olduğu gün baxılmalıdır. Lakin, barəsində inzibati xəta haqqında iş üzrə icraat aparılan şəxsin məhkəməyə dəvət edilməsi üçün görülmüş müvafiq tədbirlərə baxmayaraq, onun məhkəmə iclaslarında iştirakını təmin etmək mümkün olmamışdır. Bakı şəhəri Nizami Rayon Məhkəməsinin 14 iyun 2022-ci il tarixli, 3(007)-1363/2022 saylı qərarına əsasən, Azərbaycan Respublikası İnzibati Xətalar Məcəlləsinin 528.1-ci maddəsi ilə barəsində inzibati xəta haqqında iş üzrə icraat aparılan şəxs Şəxs məcburi qaydada Bakı şəhəri Nizami Rayon Məhkəməsinə gətirilməsi qərara alınmış, qərarın icrası Bakı şəhəri Nizami rayon Polis İdarəsinə tapşırılmış və barəsində inzibati xəta haqqında iş üzrə icraat aparılan şəxs Şəxs məcburi qaydada gətirilərək məhkəməyə təhvil verilənədək inzibati işin icraatı dayandırılmışdır. Lakin qeyd olunan qərarın icrası hal-hazıradək mümkün olmamışdır. İnzibati xəta haqqında işin materiallarını tədqiq edərək, məhkəmə hesab edir ki, inzibati məsuliyyətə cəlb etmə müddəti keçdiyinə görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 38.5-ci maddəsinə əsasən, inzibati xəta törətmiş şəxs qaçıb gizlənərsə, müddətin axımı dayanır. Bu halda müddətin axımı, həmin şəxsin aşkarlandığı vaxtdan bərpa olunur. Lakin inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. İş materiallarından görünür ki, Şəxs icra sənədləri üzrə yaranmış borcunu ödəmədiyi üçün əməlində Azərbaycan Respublikası İXM-nin 528.1-ci maddəsinin tərkibi yarandığından, 07 iyun 2022-ci il tarixdə barəsində qeyd olunan maddə ilə inzibati xəta haqqında protokol tərtib edilmişdir. İnzibati xəta törətmiş şəxs qaçıb gizləndiyi üçün Bakı şəhəri Nizami Rayon Məhkəməsinin 14 iyun 2022-ci il tarixli qərarı ilə, sonuncunun məcburi gətirilməsi qərara alınmış və müddətin axımı dayanmışdır. Göründüyü kimi, qanunvericiliyin tələbinə müvafiq olaraq, inzibati xətanın törədildiyi vaxtdan, yəni 07 iyun 2022-ci il tarixdən bir ildən artıq müddət, yəni 01 il 03 ay 26 gün keçdiyindən, Şəxs inzibati məsuliyyətə cəlb edilə bilməz və onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 114.1.4, 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.1 və 53.1.6-cı maddəsinə əsasən bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 105.1, 114, 115, 128-130-cu maddələrini rəhbər tutaraq, QƏRARA ALDİM: İnzibati məsuliyyətə cəlb etmə müddəti keçdiyinə görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Nizami Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Rauf Əhmədov