Bakı Şəhəri Sabunçu Rayon Məhkəməsi Qərardad — İş №3(008)-108/2024

Azərbaycan Respublikası adından QƏRARDAD Bakı şəhəri İş № 3(008)-108/2024 26.11.2024 BAKI ŞƏHƏRİ SABUNÇU RAYON MƏHKƏMƏSİ Hakim Rzayev Anar Zahid oğlunun sədrliyi, Əziz-zadə Məlikəhməd Mahir oğlunun katibliyi, Şəxs barəsində Azərbaycan Respublikasının İXM-in 528.1-ci maddəsi ilə Bakı şəhəri Sabunçu Rayon İcra Şöbəsindən daxil olmuş inzibati xəta haqqında iş materiallarına açıq məhkəmə iclasında baxaraq MÜƏYYƏN ETDİ: Məhkəməyə təqdim edilmiş materiala əsasən müəyyən edilmişdir ki, Bakı şəhəri Sabunçu Rayon Məhkəməsinin 2(008)-7717/2015 saylı, xx.xx.2015-ci il tarixli icra vərəqəsinə əsasən borclu Şəxs 3700 (üç min yeddi yüz) manat məbləğində pulun tələbkar X1 ödənilməsi ilə bağlı icra məmuru tərəfindən müəyyən olunmuş müddətdə icra etməmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Bu barədə Sabunçu rayon İcra şöbəsinin icra məmuru Samir Əzizov tərəfindən MN № ******* saylı, 08 yanvar 2024-cü il tarixli inzibati xəta haqqında protokol tərtib olunmuşdur. Belə ki, 08 yanvar 2024-cü il tarixli məhkəmə iclasında Şəxs tələbkar ödəniş edəcəyini bildirərək məhkəmə iclasının təxirə salınmasını xahiş etmişdir. Məhkəmə iclası 12 yanvar 2024-cü il tarixə təxirə salınmış və Şəxs məhkəmə iclasına gəlməmişdir. Şəxs məcburi qaydada gətirilməsi barədə qərar qəbul edilməsinə baxmayaraq onun məhkəmə iclasında iştirakı təmin edilməmişdir. Məhkəmə iş materiallarını araşdıraraq Şəxs barəsində Bakı şəhəri Sabunçu Rayon İcra Şöbəsinin icra məmuru Samir Əzizov tərəfindən tərtib edilmiş 08 yanvar 2024-cü il tarixli, MN ******* saylı saylı inzibati xəta haqqında protokolun geri qaytarılmalıdır. Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikasının İXM-in 528.1-ci maddəsi ilə Bakı şəhəri Sabunçu Rayon İcra Şöbəsindən daxil olmuş inzibati xəta haqqında iş materialları Bakı şəhəri Sabunçu Rayon İcra Şöbəsinə geri qaytarılsın. Qərardaddan şikayət verilə bilməz. Hakim: Anar Rzayev