Bakı Şəhəri Sabunçu Rayon Məhkəməsi Qərardad — İş №3(008)-1276/2025

Azərbaycan Respublikası adından QƏRARDAD Bakı şəhəri İş № 3(008)-1276/2025 17.02.2025 BAKI ŞƏHƏRİ SABUNÇU RAYON MƏHKƏMƏSİ Hakim İmanova Nigar Arzu qızı, Şəxs tərəfindən Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xətanın törədilməsi barədə Azərbaycan Respublikası Daxili İşlər Nazirliyi Bakı şəhəri Sabunçu Rayon Polis İdarəsindən daxil olmuş inzibati xəta haqqında materiala baxaraq, MÜƏYYƏN ETDİ: Şəxs tərəfindən Azərbayсan Respublikası İnzibati Xətalar Məсəlləsinin 529.3-cü maddəsində nəzərdə tutulan inzibati xətanın törədilməsi barədə protokol və ona əlavə edilmiş material baxılması üçün Bakı şəhəri Sabunçu Rayon Məhkəməsinə göndərilmişdir. Məhkəmə inzibati xəta haqqında protokolu və ona əlavə edilmiş sənədləri nəzərdən keçirib hesab edir ki, inzibati xəta haqqında protokol onu tərtib etmiş orqana geri qaytarılmalıdır. Belə ki, sənədlərə baxış zamanı inzibati tənbeh vermə haqqında qərarla inzibati xəta haqqında protokolda qeyd olunmuş protokolların nömrələrinin bir-birilə uzlaşmadığı müəyyən edilmişdir. Belə ki, inzibati tənbeh vermə haqqında qərarda sözügedən qərarın 08 iyul 2024-cü il tarixli, EQ/ 22228162 nömrəli protokola uyğun tərtib edildiyi göstərilsə də, İXM-in 529.3-cü maddəsi ilə bağlı tərtib olunmuş 20 dekabr 2024-cü il tarixli, İXP ******* saylı protokolda inzibati xətanın törədilməsinə görə EQ 22665162 saylı protokol üzrə tərtib olunmuş inzibati tənbeh tətbiq etmə haqqında qərarın 3 ay müddətində qanunla müəyyən edilmiş əsaslar olmadan icra edilmədiyi əks olunmuşdur. Bu da səlahiyyətli orqan tərəfindən məhkəməyə təqdim edilmiş sənədlərin düzgün tərtib edilməməsinə dəlalət edir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edir. Azərbaycan Respublikası İnzibati Xətalar Məcəlləsinin 106 və 109-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair tərtib olunmuş inzibati xəta haqqında protokol və ona əlavə olunmuş sənədlər Bakı şəhəri Sabunçu Rayon Polis İdarəsinin Dövlət Yol Polisi Şöbəsinə geri qaytarılsın. Hakim Nigar İmanova